Ерэмияа 33:13 - Библи

¹³ Уулархаг нютагташье, нюруу газарташье, Иудын урда хан түрэдэшье, Бэньямиинэй газар дайдада, Иерусалимые тойроод байһан хүдөө нютагуудааршье, Иудын хан түрын хотонуудааршье хонишод хонидоо тоолохол байха. Энэ болбол Би, Эзэн, айладхана мүн!

Ерэмияа 33:13 ပူးပေါင်းရင်းမြစ်များ

Ерэмияа 17:26

Түгэс шатаалта үргэл, үргэл, эдеэн үргэл болон уталга, мүн баясхалан хүргэһэн үргэлнүүдые Эзэнэй үргөөдэ асаржа, улад зон Иудын хан түрын хотонуудһаа, Иерусалимай оршон тойронхи нютагуудһаа, Бэньямиинэй газар нютагһаа, набтар нюруу газарһаа, хада уулатай газарһаа, урда Иудын хан түрэһөө ерэдэг байхал.

Ерэмияа 31:12

Израилиин арад зон бусажа, Сионой хада ууланууд дээрэ баярлан шууялдаха, Минии үршөөһэн хэшэг болохо орооһо таряанда, шэнэ үзэмэй дараһан архида, оливын тоһондо, мал һүрэгэй түлдэ баярлаха. Сэсэглэжэ байгаа саадтал адли тэдэ боложо, дахин хэзээдэшье доройтохогүй.

Ерэмияа 32:15

Энэ газар дайдада гэр байшангууд, таряалангууд, үзэмэй модоной сэсэрлигүүд дахин худалдан абтадаг болохо гэжэ Түмэн Сэрэгтэ Эзэн тунхаглана».

Ерэмияа 32:44

Зон тэдэниие худалдан абаха, иимэ хэрэгүүд гар табилгаар баталагдаха, ласадагдаха, гэршэлэгдэхэ. Иимэ юумэн Бэньямиинэй газар дайдада, Иерусалимай оршон тойронхи хүдөө нютагуудта, Иудын хан түрын хотонуудта, хада уулаар, нюруугааршье, Иудын хан түрын урда зүгтэшье оршогшо нютагуудаар үзэгдэхэ. Зониие орон нютагтань бусаахаб. Энэ болбол Би, Эзэн, айладхана мүн!

Эзэкээл 20:37

Таанадые наринаар хинажа, хэлсээ сахихыетнай баадхахаб.

Левит 27:32

Бодо, жэжэ малай арбанай нэгэ хуби, юрэдөө, малшанай модоор заажа тоолоһон малай арбанай нэгэ хубинь Эзэнэй нангин зөөри гээшэ.

Авдии 1:20

Халаахада ажаһуудаг израильшууд Зарэпаат хүрэтэр Ханаһаанай газар эзэлхэ. Иерусалимһаа гаража, Сэпараадта һууха баатай болоһон зон Нээгэбэй хотонуудые эзэмшэн абаха.

Лука 15:4

– Зуун хонитой аад, нэгэнэйнь үгы болошоходо, таанадай хэнтнай ерэн юһэн хониёо хээрэ орхёод, үгы болоһон ганса хониёо бэдэржэ ошохогүйб?