Ерэмияа 32:40 - Библи

⁴⁰ Би тэдээнтэй хэтэ мүнхын хэлсээ байгуулхаб. Һайн юумэ тэдээндэ хододоо хэдэг байхаб, холодохогүйнь тула Намһаа угаа айдаг болгохоб.

Ерэмияа 32:40 ပူးပေါင်းရင်းမြစ်များ

2 Хаан түрэнүүд 23:4

наранай мандаха үглөөнэй гэрэл, үүлэгүй сэлмэг үглөө, бороогой удаа ногоо толотуулдаг наран мэтэ».

Исай 24:5

Зон Бурханай хуули ёһонуудые эбдэжэ, тогтоолнуудыень хазагайруулжа, хэтэ мүнхын хэлсээ эбдэн, дэлхэйе бузарлаба.

Исай 55:3

Һайса шагнагты, Нам руу ерэгты! Дуулагты, иигэжэ таанад амиды мэндэ байхат! Хэтэ мүнхын хэлсээ таанадтай баталхаб, Давидта найдуулһан үршөөл хайраяа үзүүлхэб.

Исай 61:8

Эзэн иигэжэ айладхана: «Би зүб шударга ёһо гуримда дуратайб, дарлалта, дээрмэдэлгэ үзэн ядадагби. Хэһэн хэрэгүүдэйнь хэмээр шагнал Өөрын арадта үгэхэб, хэтэ мүнхын хэлсээ тэдээнтэй баталхаб.

Ерэмияа 24:7

Би тэдээндэ Намайе мэдэдэг болохо хүсэл үгэхэб. Тиихэдэм тэдэ Минии арад зон, Би тэдэнэй Бурхан болохоб. Тэдэ Нам руу бүхы зүрхэ сэдьхэлээрээ таталдан бусаха.

Ерэмияа 31:34

Тэдэнэй хэнииньшье Эзэниие мэдэ гэжэ нүхэдөө гү, али аха дүүнэрээ һургахагүй, юундэб гэхэдэ, тэдэ багаһаа томо хүрэтэрөө бултадаа Намайе мэдэжэ байха. Би тэдэнэй гэм зэмые хүлисэжэ, нүгэл тухайнь дахин дурдахагүйб. Энэ хадаа Би, Эзэн, айладхана мүн!

Ерэмияа 50:5

Тэдэ Сион руу харгы зам һурагшалаад, тэрэ зүг шэгээр ошохо. Намтай тэдэ хэтэ мүнхын хэлсээ баталха, хэзээдэшье тэрэниие эбдэхэгүй.

Эзэкээл 36:26

Үсэд зүрхыетнай үгэ дууламгай шэнэ зүрхөөр һэлгэхэб. Шэнэ һанаа бодолтой болохот.

Эзэкээл 36:27

Өөрын һүнэһэ таанад руу оруулжа, таанадые Өөрын хуули, зарлигуудые сахигшад болгохоб.

Эзэкээл 37:26

Амгалан тайбан байдалаар Израилиин улад зониие хэтэ мүнхэдөө үршөөн үреэн байхаб гэжэ найдуулан, хэлсээ баталнаб. Тэдэниие аршалжа, угаа олон зонтой яһатан болгохоб. Минии Һүмэ орон нютагтань хэтын хэтэдэ оршохо.

Эзэкээл 39:29

Израилиин улад зон руу Өөрын Һүлдэ шэнгээн оруулхаб, бэшэ буруу харахаяа болихоб. Энэ болбол Би, Эзэн Бурхан, айладхана мүн!

Михей 4:5

Арад бүхэн өөрын бурхадта мүргэдэг, харин бидэ өөрын Эзэн Бурхандаа хэтэ мүнхэдөө мүргэн, шүтэн ябахабди.

Хуули дабталга 31:6

Хатуу шанга, эрэлхэг зоригтой байгты, тэдээнһээ бү айгты, бү һүрдэгты, юуб гэхэдэ, Эзэн Бурхантнай таанадтай хамта ябана. Тэрэ таанадые орхихогүй, хаяхагүй.

Хуули дабталга 31:8

Эзэн Өөрөө шамайе хүтэлэн ябаха, Тэрэ шамтай байха, шамайе орхихогүй, хаяхагүй. Бү ай, бү һүрдэ!

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!

Еврейнүүдтэ 4:1

Тэрэ найдуулһан амаралтадань хүртэнгүй үлэшэхэгүйн тула бидэ булта болгоомжотой байха ёһотойбди.

Еврейнүүдтэ 7:24

Харин Иисүүсэй мүнхэ амидаржа байһан хадань Тэрэнэй санаартын албан баһа мүнхэ юм.

Яковай хандалга 1:17

Бүхы үлзытэй, эгээн эрхим бэлэгүүд дээрэһээ, тэнгэриин одо мүшэдые, нара һарые бүтээһэн, хэзээдэшье хубилдаггүй, тэдэ ододто адли һүүдэр хэзээшье татадаггүй Бурханһаа үгтэдэг.

Пётрой 1-дэхи хандалга 1:5

Бурханай хүсэн этигэл һүзэгэйтнай ашаар сагай эсэстэ абаралгада хүртэтэртнай таанадые һахижа байна.