Ерэмияа 32:35 - Библи

³⁵ Тэдэ хүбүүд, басагадаа Моолохто үргэн шатаахын тула Бэн-Һинноомой хүндыдэ Баалда зорюулан, үргэлэй газарнуудые байгуулаа. Энээниие үйлэдэхэ тухай Би тэдээндэ захираа бэшэб, иимэ юумэ хэхэ, Иудын хан түрын бүхы зониие нүгэлтэй болгохо гэжэ һанаандамнишье орохогүй байгаа.

Ерэмияа 32:35 ပူးပေါင်းရင်းမြစ်များ

3 Хаан түрэнүүд 11:33

Энээниие юундэ хэнэбиб гэхэдэ, Соломоон Намайе орхижо, Сидооной бурхан Аштаартуудта, Моһаабай бурхан Хэмоошто, Аммооной бурхан Милхоомдо шүтэн мүргэжэ эхилээ. Соломоон Минии хойноһоо ябаагүй, Намда таатай зүб юумэ хээгүй, Давид эсэгэдээл адли байгаагүй, хуули ёһонуудыем, тогтоол заабаринуудыем сахибагүй.

3 Хаан түрэнүүд 11:7

Удаань Соломоон Моһаабай жэгшүүрилтэ шүтээн Хэмоошто ба Аммооной жэгшүүрилтэ шүтээн Моолохто зорюулан, Иерусалимай зүүн зүгтэ байгаа уула дээрэ мүргэлэй обоо байгуулба.

3 Хаан түрэнүүд 14:16

Еробоһаамай нүгэлэй түлөө, Израилиин уладые нүгэлдэ оруулһанайнь түлөө Эзэн Израилиие орхихо, – гэжэ хэлэбэ.

3 Хаан түрэнүүд 15:26

Израилиие нүгэлдэ оруулһан эсэгынгээ нүгэл бүри олошоруулан, Эзэндэ таагүй хэрэг тэрэ хэдэг байгаа.

3 Хаан түрэнүүд 15:30

Энэ юундэ тохёолдооб гэхэдэ, Еробоһаам Израилиие нүгэлдэ оруулаа, өөрөөшье нүгэл хээ, Израилиин Эзэн Бурханиие ехэ уурлуулаа.

3 Хаан түрэнүүд 16:19

Юундэ энэ болооб гэхэдэ, тэрэ нүгэл хэжэ, Еробоһаамай жэшээ даган, Израилиин улад зониие нүгэлдэ оруулжа, Эзэндэ таагүй хэрэгүүдые үйлэдөө.

3 Хаан түрэнүүд 21:22

Набаадай хүбүүн Еробоһаамтай болон Ахияагай хүбүүн Баһашаа гэгшэтэй юу хээ һэмбиб, тон тиимэ юумэ Би шамтай хэхэб. Юуб гэбэл, ши Намайе ехэ уурлуулааш, Израилиин улад зониие нүгэлдэ оруулааш» гэжэ Эзэн айладана.

4 Хаан түрэнүүд 21:11

– Иудын хаан Мэнашшээ онгон бурхануудта шүтэн мүргэлгэдэ абаашаһан эмооршуудай урдахи хаашуулһаа һураггүй олон муу муухай ябадалнуудые үйлэдэжэ,

4 Хаан түрэнүүд 21:4

Иерусалимда Минии нэрэ алдар оршохо гэжэ Эзэнэй айладхаһан Һүмэ соо тэрэ үргэлэй шэрээнүүдые байгуулба.

4 Хаан түрэнүүд 23:10

Тэрэ Бэн-Һинноомой хүнхэртэхи Тоопэдтэ Моолох бурханда өөрынгөө хүбүү ба басага галда үгэлгые болюулба.

4 Хаан түрэнүүд 23:15

Хаан Набаадай хүбүүн Еробоһаамай Бэт-Ээлдэ барюулһан, тэрэнэй зэмээр бүхы Израиль нүгэл хэжэ байһан үргэлэй шэрээе мүргэдэг обоонуудай онгонуудтай хамта үгы хэбэ. Тиигээд тэрэ Ашэраагай модон сэргэнүүдые шатаажа үнэһэн тоборог болгобо.

4 Хаан түрэнүүд 3:3

Ахаабай хүбүүн Ёраам бүхы Израильда нүгэл хэһэн Набаадай хүбүүн Еробоһаамай үйлэдэһэн хэрэг үргэлжэлүүлбэ.

2 Угай бэшэг 33:6

Бэн-Һинноомой хүндыдэ тэрэ хүбүүдээ галда шатаан үргэһэн байна. Мэдэлшэн, үзэлшэн, эльбэ жэльбэшэн болон тэрэ байгаа, үхэһэн зониие дуудадаг, эльбэ жэльбэ харуулдаг зонтой зүбшэдэг һэн. Эзэндэ таагүй юумэ олоор тэрэ хэжэ, Эзэнэй уур сухал хүдэлгэбэ.

2 Угай бэшэг 33:9

Мэнашшээ Иудын болон Иерусалимай улад зониие харгы замһаань хадууруулжа, тэдэнэр израильшуудта газарыень үгэхэ гэжэ Эзэнэй хюдаһан арадуудһаа бүри дороор харатай хэрэгүүдые үйлэдэдэг болоо.

2 Угай бэшэг 36:14

Иудын удамаршад, санаартад, улад зон тойрон ажаһуугша ондоо арадуудай жэгшүүритэй муухай жэшээ даган, нүгэлөө олошоруулба, Иерусалимда Эзэнэй Өөрөө арюудхаһан Һүмые бузарлаба.

Египедһээ гаралга 32:21

– Танай урда ямар гэмтэйдэнь энэ арадые иигэжэ нүгэлдэ түлхибэт? – гэжэ Моисей Аһароонһоо асууба.

Исай 57:5

Һаглагар модод доро хурисал хэжэ байһандал, шүтөөнүүдтэ мүргэл хэжэ, хадын жалгаар, горхоной хажуугаар үхи хүүгэдээ аладаг бэшэ гүт?

Ерэмияа 19:2

Потшертэ бартаануудаар гаража, Бэн-Һинноомой хүндыдэ ошожо, Тэрэнэй намда айладхаһан үгэнүүдые би тунхаглаха ёһотой бэлэйб.

Ерэмияа 30:14

Бүхы амарагуудтнай таниие мартаа, бэшэ таанадые хэрэгсээхэеэ болёо. Дайсанай сохилтоор, шэрүүн хэһээлтээр таанадые дайрааб, юуб гэбэл, гэм зэмэтнай угаа ехэ. Нүгэлтнай тоолошогүй олон.

Ерэмияа 44:4

Минии үзэн ядадаг иимэ жэгшүүритэй мухай юумэ хэхэһээ хоридог Өөрын албатан лүндэншэдые эльгээжэл таанадта байгааб.

Ерэмияа 7:30

Иудын улад зон Минии хараһаар байтар муу муухай юумэ үйлэдөө. Минии нэрээр нэрлэгдэдэг үргөө соо тэдэ өөһэдынгөө шүтөөнүүдые табиба. Тиигээд тэрэ үргөө бузарлагдаа.

Ерэмияа 7:31

Басагад, хүбүүдээ галда шатаахаяа Бэн-Һинноомой хүндыдэ Тоопэт гэжэ нэрэтэй мүргэлэй обоо зохёон тэдэ түхеэрбэ.

Эзэкээл 23:37

Тэдэ онгонуудта мүргэжэ, өөһэдынгөө үхи хүүгэдые алажа, тэрэ муухай онгонуудта үргэдэг байгаа.

Левит 18:21

Өөрынгөө үри хүүгэдээ Моолохто бү һүгэдүүлэ, өөрынгөө Бурханай нэрэ гутаахаш. Би хадаа Эзэнби.

Хэрэгүүд 7:43

Моолохой Майханиие, Рефан-одон бурханай дүрсые, шүтөөнүүдые мүргэжэ байхаар абажа ябаа бэшэ гүт? Тиимэһээ Би таанадые Вавилоонһоо сааша баряанда туун абаашахаб».

Хуули дабталга 12:31

Эзэн Бурхандаа тэдээндэл адляар бү хандагты. Эзэнэй жэрхэдэг, үзэн ядадаг юумые эдэнэр хэдэг, үхи хүүгэдээшье бурхадтаа үргэн, гал дээрэ шатаадаг байгаал!

Хуули дабталга 18:10

Хүбүүгээ гү, али басагаяа гал дээрэ шатаажа үргэхэ ёһогүйт. Ерээдүйе айладагша, тааха шэдитэн, юумэ харадаг хүн, эльбэ жэльбэтэй нэгэн таанадай дунда бү байг,

Хуули дабталга 24:4

түрүүшын үбгэниинь тэрэниие дахин һамга абаха ёһогүй. Юуб гэхэдэ, тэрэ һамган бузарлагдаа. Энэ хэрэг Эзэндэ жэгшүүритэй муухай байхал. Эзэн Бурханайнгаа хуби болгон үгэжэ байһан газар дайда дээрэ иимэ нүгэл шэбэл бү хэгты.