Ерэмияа 32:24 - Библи

²⁴ Вавилооной сэрэг хотые бүһэлхэ далангуудые барина, хото дайсадай һабарта орохонь. Танай айладхал бэелүүлэгдээ, Та энээниие харанат.

Ерэмияа 32:24 ပူးပေါင်းရင်းမြစ်များ

2 Хаан түрэнүүд 20:15

Ёһааб зонтоёо хамта ерэжэ, Абээл-Бэт-Маһахаа хотые бүһэлбэ, хотын ханануудай урда далан бодхоожо, хана һандаргаахаяа һэдэбэ.

Исай 37:33

Ассириин хаан тушаа Эзэн айладхаба: Тэрэ энэ хото руу орохогүй, тиишэнь ном годлинуудаа харбахагүй. Хотын урдаһаа бамбай бариһан сэрэгынь ерэхэгүй, бүһэлүүр обоошье бодхоохогүй!

Ерэмияа 16:4

Тэдэ угаа зобожо үхэхэ. Тэдэнэй хойноһоо хэншье уйдан гашуудахагүй, хэншье хүдөөлүүлхэгүй. Тэдэ газарай хүрьһэн дээрэ шэбхэ мэтэ хэбтэхэ, дайн дажарта алуулха, туража үхэхэ. Һэе хүүрнүүдынь шубуу шонхорой болон ан арьяатанай хүнэһэн болохо.

Ерэмияа 20:5

Энэ хотын бүхы эд баялигые, бүхы зөөрииень болон бүхы үнэтэй зүйлыень, Иудын хаашуулайшье эрдэни зэндэмэниие, дайсадтань үгэхэб. Тэдэ бүхы юумэ тоножо, үбэршэлжэ, Вавилоон руу абаашаха.

Ерэмияа 24:10

Би тэдэндэ болон үбгэ эсэгэнэртэнь үгэһэн газар нютагһаа тэдэниие үгы болготороо тэдээндэ дайн дажар, үлэсхэлэн байдал, үбшэ хабша эльгээжэл байхаб, – гэжэ айладхаба.

Ерэмияа 29:17

Түмэн Сэрэгтэ Эзэн иигэжэ айладхана: – Үзэгты, Би тэдээндэ дайн дажар, үлэсхэлэн хооһон байдал болон тахал үбшэ асархаб. Илзарһан тула эдижэ болохогүй инжиртэй адли тэдэниие болгохоб.

Ерэмияа 29:18

Би тэдээнһээ дайн дажар, үлэн хооһон байдал, тахал үбшэ таһалдуулангүй дахан байлгахаб. Дэлхэйн үндэһэ яһатан тэдэниие хаража, һүрдэхэ. Хаа-хаанагүй тэдэниие тараахаб, зон эдэ бүгэдые хараад, сошохо, айха. Үндэһэ яһатад тэдэниие наада хараха, хараал мэтээр нэрыень дурдадаг болохо.

Ерэмияа 32:25

Вавилооной сэрэгэй һабарта хотын орожо байгаашье хадань, Та, Дээдэ Эзэн, гэршэнэрэй баталһаар байтар газар худалдан абахые намда захираат.

Ерэмияа 32:28

Энэ хотые Вавилооной хаан Навуходоносорто, сэрэгтэнь дамжуулхам. Тэдэ тэрэниие эзэмдээд,

Ерэмияа 32:3

Иудын хаан Цэдэкиия тэндэ намайе түрмэдэ һуулгажа, Вавилооной хаанай гарта энэ хотые Эзэнэй дамжуулжа байһан тухай айладхаһандам гэмнээ һэн.

Ерэмияа 32:36

Израилиин Эзэн Бурхан намда иигэжэ айладхаба: – Ерэмияа, зон хэлэхэдээ, дайн дажарһаа, туража үхэхэ болоһон байдалһаа, үбшэ-хабшанһаа боложо, энэ хото Вавилооной хаанай мэдэлдэ орохо гээд хэлэнэ. Минии айладхаха юумэ үшөө шагнагты.

Ерэмияа 32:5

Цэдэкиия Вавилоон руу абаашагдаха, Минии хэрэгсэлтэр тэрэ тэндэ байха. Вавилооной улад зоной урдаһаа тэрэ тэмсээшье хадаа, амжалта туйлахагүй. Энэ болбол Би, Эзэн тунхаглана мүн!» – гээд Эзэн айладхана гэжэ соносхоо бэлэйб.

Ерэмияа 33:4

Би, Израилиин Эзэн Бурхан, Иерусалимай болон Иудын хаанай ордон бүһэлэгдэн, добтолгодо ороод, һандаргагдаха гээд айладханаб.

Ерэмияа 34:17

Мүнөө энэ Би, Эзэн, айладхал буулганаб. Таанад Минии үгэ дуулабагүйт, иудей зониие сүлөөдэ табибагүйт. Тиигээ хадатнай, дайн дажарта, үбшэ хабшанһаа болон үлэсхэлэн хооһон байдалһаа үхэхэ эрхэ сүлөө та бүгэдэндэ шэлэн абахыетнай дурадханаб. Айлган-һүрдөөн, дэлхэйн бүхы үндэһэ яһатанда Би таанадые үгэхэб.

Ерэмияа 52:4

Цэдэкииягай хан түрэеэ юһэдэхи жэлээ засаглажа байхада, арбадахи һарын арбанай үдэр Вавилооной хаан Навуходоносор өөрынгөө бүхы сэрэгүүдтэй хамта Иерусалимда дүтэлэн ерэбэ. Тэрэ сэрэгүүдээрээ Иерусалимые тойрожо хүреэлөөд, тэрэниие тойруулжа бүһэлэлтын хэрэм бодхобо.

Ерэмияа 52:6

Дүрбэдэхи һарын юһэнэй үдэр (тэрэ сагта тэрэ хотын зон эдихэ хоолгүй болоһон тула туража үхэхэ туйлда хүрэбэ)

Ерэмияа 6:6

Иерусалимые бүһэлхэеэ модо отолжо, ханануудайнь дэргэдэ хашаа барихыень эдээндэ Түмэн Сэрэгтэ Эзэн захираа: «Би энэ хотодо хэһээлтэ амасуулхаб, юуб гэхэдэ, тэрээн соо дарлалта-харшалалта ходо боложо байна.

Эзэкээл 14:21

Энэ хадаа Эзэн Бурханай айладхал үгэнүүд: – Эгээл хүндэ дүрбэн хэһээлтэеэ – дайн дажар, үлэн хооһон байдал, арьяатаниие, үбшэ хабша Иерусалим руу эльгээжэ, улад зониие, мал тэндэ хюдахаб.

Эзэкээл 21:22

Баруун гартань «Иерусалим руу» гэжэ зааһан дүлгэ тэмдэг дайралдаха. Тиихэдэнь тэрэ байлдаа эхилхэ тухай захиралта хашхаран үгэжэ, хотын бартаа, ханануудай дэргэдэ далан бодхоохо, хэрэм, ханануудые эбдэхэ тухай захирха.

Эзэкээл 21:27

Хото һандаргаахаар шэлэн абагшадаа Иерусалимые үгэхэб, иигэжэ хотые һандаргаахаб, һандаргаахаб, үгы хэхэб!

Эзэкээл 26:8

Далайн эрьеэр оршогшо һууринуудайнь улад зониие тэрэ һэлмээр сабшан усадхаха, хотын ханануудай үндэр хүрэтэр далан бодхоохо, мантан халхабша байгуулха.

Эзэкээл 4:2

Тэрэниие тойроһон бүһэлэлтэ, ханануудые, тойроод обоолһон шорой, хотон хүреэнүүдые, хэрэм эбдэдэг түхеэрэлгэнүүдые зураарай.

Аввакуум 1:10

Хаашуулые тэдэ доромжолно, захирагшадые наадална. Бүхэлэлтэ бүхэниие тэдэ шооложо, шулуу обоолон, тэрэниие эзэлнэ.

Захарияа 1:6

Минии богоол болохо лүндэншэдтэ һургаал болгон дамжуулһан Минии үгэнүүд, Минии гаргаһан шиидхэбэринүүд танай эсэгэ элинсэгүүдтэ бэелээгүй гэжэ байгаа гү? Тэдэ хэлэгшэ бэлэй: «Ябаһан харгыемнай, хэһэн хэрэгыемнай Эзэн яажа сэгнээ һэм, тиимээр лэ үйлэ бүтээгээ», – гэжэ Түмэн Сэрэгтэ Эзэн тунхаглаба гэбэ.

Матвей 24:35

Огторгой тэнгэри, газар дэлхэйшье һүнэн һалаха, харин Минии хэлэһэн үгэнүүд мүнхэ оршохо.

Хуули дабталга 4:26

Иордан гол гаталан эзэмдэхэеэ ошожо ябаһан газараа алдахат гэжэ огторгой, орон дэлхэйе гэршэ болгон, та бүгэдэндэ мүнөө тунхагланаб. Удаан сагта тэндэ байхагүйт, алуулхат!