Ерэмияа 32:17 - Библи

¹⁷ – Дээдэ Эзэн, Та агууехэ хүсэ шадалаараа газар дэлхэйе, огторгойе байгуулаат. Танай хэжэ шадахагүй юумэн гэжэ байхагүй.

Ерэмияа 32:17 ပူးပေါင်းရင်းမြစ်များ

Эхин 18:14

Эзэн Бурханай шадахагүй юумэн бии юм аал? Би хэлсэһэн болзортоо шамда дахинаа бусахаб, юһэн һарын үнгэрхэдэ, Сарра хүбүүтэй болоод байха.

4 Хаан түрэнүүд 19:15

Тиигээд тэрэ Эзэндэ зальбарба: – Херүүбүүд дээрэ заларагша, Түмэн Сэрэгтэ Израилиин Эзэн Бурхан! Та ори гансаараа газар дээрэхи бүхы хан түрэнүүдэй Бурхан болонот! Та огторгой, газарые бүтээгээт!

4 Хаан түрэнүүд 3:18

Теэд Эзэндэ энэ бага даа! Тэрэ моһаабуудые таанадай гарта үгэхэ!

Нэхэмьяа 9:6

Та – Эзэн, Та – гансат! Та огторгой, огторгойн огторгойнуудые, одо мүшэдые, газар, дээрэнь байгааша хамагые, далайнуудые бүтээгээд, досоонь байгааша бүхы юумэ байгуулаат. Тэдээндэ бултандань ами үгөөт. Огторгойн сэрэг Танда доро дохин мүргэнэл!

Иоов 42:2

– Эзэн минии! Танай хүсэлые хэншье һаа, һаатуулжа шадахагүй гэжэ би мэдэнэм.

Египедһээ гаралга 20:11

Юуб гэхэдэ, Эзэн огторгой, газар, далай бүтээгээд, досоонь байгааша бүхы юумэ зургаан үдэрэй туршада байгуулаа, харин долоодохи үдэртэ амараа. Тиимэһээ Эзэн гарагай долоое үреэлдөө хүртөөгөөд, нангин үдэр болгоо.

Исай 42:5

Бурхан огторгойе бүтээжэ татаа, дэлхэйе үрэ жэмэстэйнь Тэрэ байгуулжа дэлгээ, Тэрэ улад зондо, амитадта ами наһа, амисхаал бэлэглээ. Тиигээд мүнөө Эзэн Бурхан Өөрын богоолдо иигэжэ айладхана:

Исай 44:24

– Би таниие абарагша Эзэмби. Би таанадые хэбэл соо байгуулааб. Би, Эзэн, бүхы юумэ бүтээгээб, Би гансаараа огторгойе татажа, дэлхэйе гансаараа дэлгээб.

Исай 45:12

Дэлхэйе бүтээжэ, дээрэнь зониие бии болгоһониинь Би мүн! Өөрын хүсэ шадалаар огторгойе дэлгээб, нара, һара, мүшэдые зонхилон удариданаб.

Исай 59:1

Эзэн таанадые абаржа шадахагүй, дан хүсэгүй гү, али таанадай туһаламжа эрин дуудаһые дуулахагүй дүлии гэжэ бү һанагты.

Ерэмияа 1:6

Тиихэдэнь би: – Аяа, Эзэн Бурхамни! Юун гэжэ хэлэхэеэ мэдэнэгүйлби, үшөө залуу байнаб, – гэжэ харюусабаб.

Ерэмияа 14:13

Тиихэдэнь би: – Хүсэн Түгэлдэр Эзэн! Мэдэнэ гүт, ямаршье дайн болохогүй, үлэсхэлэн хооһон байдал үзэхэгүйт гэжэ лүндэншэд улад зондо соносхожо байна. Энэ газар нютагта саг үргэлжын амар амгалан байдалые Танай үршөөһэн тухай тэдэ хэлэнэ, – гэбэб.

Ерэмияа 21:2

«Манай түлөө Эзэниие гуйгыш. Юуб гэхэдэ, Вавилооной хаан Навуходоносор бидэндэ дайлажа байна. Манай түлөө оролдожо, Эзэн Өөрынгөө гайхамшагта нэгэ үзэгдэл харуулжа магад, тиихэдэнь Навуходоносор бидэнһээ сухарин ошохо аалам».

Ерэмияа 27:5

– Би Өөрын агууехэ шадалаар болон хүсөөр газар дэлхэйе, тэрээн дээрэ ажаһуудаг зониие, ан амитадые бүтээгээб. Энээниие Би дуратай нэгэндээ үгэхэб.

Ерэмияа 32:27

– Би болбол бүгэдэ зоной Бурхамби, Эзэмби. Юуншье намда хүшэр хүндэ бэшэ юм.

Ерэмияа 33:3

– Намайе дуудыш, тиихэдэш шамда харюусахаб. Шинии мэдэхэгүй агууехэ, гайхамшаг зүйлнүүдые харуулхаб.

Ерэмияа 4:10

Тиихэдэнь би: «Оо, Хүсэн Түгэлдэр Эзэн! Та Иерусалимай арад зониие үнэхөөр лэ мэхэлээт! Амар амгалан байхат гэжэ тэдээндэ хэлээ һэнта, теэд хоолойдонь мүнөө эритэ табяатайл», – гэжэ хэлэбэб.

Ерэмияа 51:15

Эзэн Өөрын хүсэ шадалаар газар дэлхэйе бүтээгээ, Өөрын мэргэн ухаагаар юртэмсые тогтоогоо, Өөрын оюун ухаагаар огторгой татаа.

Ерэмияа 51:19

Яковай Бурхан тэдээндэ адли бэшэ! Тэрэ болбол Хамагые Бүтээгшэ, Израиль – Тэрэнэй өөрын арад, мэдэлэйнь албатан. Нэрэ хүндэнь – Түмэн Сэрэгтэ Эзэн мүн.

Эзэкээл 11:13

Минии лүндэн табижа байха үедэ Бэнайяа гэгшын хүбүүн Пэлаатияа наһа барашаба. Би газарта нюураараа унан, иигэжэ хашхаран орилон байгаа һэм: «Халаг, Эзэн Бурхамни! Израилиин бүхы зониие дууһан хюдаха гэжэ байна гээшэ гүт?!»

Эзэкээл 9:8

Алалсаан боложо байхада би гансаараа үлөөд, газарта унажа, иигэжэ хашхарбаб: – Эзэн Бурхан! Иерусалимда Та иимэ ехээр уурлаа гээшэ гүт? Израилиин бүхы зониие хюдахатнай гээшэ гү?!

Даниил 2:22

Гүн доогуур хадагалаатай, нюуса зүйлнүүдые эли болгодог, харанхыда байгааша зүйлнүүдые мэдэдэг, гэрэл туяагаар Өөрөө толордог.

Даниил 6:20

Нүхэндэ дүтэлхэдөө тэрэ сошон-мэгдэн иигэжэ Даниилые дуудаба: – Амиды Бурханай богоол болохо Даниил! Саг үргэлжэ зальбардаг Бурханшни шамайе арсалануудһаа абаржа шадаа гээшэ гү?!

Захарияа 12:1

Үзэл: Израиль тухай Эзэнэй үгэ. Тэнгэри дэлгэжэ, дэлхэйн һуури табиһан, хүнэй һүнэһэ һүлдэ доторынь бии болгоһон Эзэн тунхаглажа байна:

Захарияа 8:6

Арад түмэнһөө үлэһэн хүнүүдэй нюдэндэ эдэ үдэрнүүд ехэ гайхал түрүүлээ хадаа Минии мэлмыдэ баһал гайхалтай гээшэ гү? гэжэ Түмэн Сэрэгтэ Эзэн айладажа байна.

Тоололго 11:23

Эзэн Моисейдэ иигэжэ айладаба: – Гарни хүсэгүй юм аал? Минии үгын бэелүүлэгдэхэ, үгыень мүнөө ши харахаш.

Матвей 19:26

Иисүүс тэдэнээ шэртэн хараад: – Хүнүүд өөһэдыгөө абаржа шадахагүй, харин Бурхан юушье хэхэ аргатай, – гэбэ.

Марк 10:27

Иисүүс тэдэнээ шэртэн хараад: – Хүнүүд өөһэдыгөө абаржа шадахагүй, харин юушье хэхэ аргатай Бурхан тэдэниие абаржа шадаха, – гэбэ.

Лука 1:37

Бурханай хэжэ шадахагүй юумэн үгы ха юм.

Лука 18:27

– Хүнэй хэжэ шадахагүй юумэ Бурхан хэхэ аргатай, – гэжэ Иисүүс харюусаба.

Хэрэгүүд 14:15

– Хүнүүд, юу хэжэ байнабта? Бидэ таанадтал адли юрын хүнүүд гээшэбди! Таанадай онгонуудһаа зайсажа, дээдэ огторгой, газар, далай, досоонь байгааша бүхы юумэ бүтээһэн Амиды Бурханда һүгэдэн хандахынтнай тула бидэ таанадта Һайн Мэдээсэл асараабди.

Хэрэгүүд 17:24

Юртэмсэ дэлхэйе, тэрээн дээрэ оршодог хамаг юумэ бүтээһэн Бурхан газар тэнгэриин Эзэн юм, гараар бодхоогдоһон һүмэдэ амидардаггүй юм.

Гэршэлгэ 4:11

– Манай Эзэн Бурхан, Та али бүхы алдар солодо, нэрэ хүндэдэ, засаг түрэдэ хүртэмөөр байнат! Бүхы юумэн Танаар бүтээгдээ, Танай хүсэл зоригоор байгуулагдаа.