Ерэмияа 31:9 - Библи

⁹ Тэдэ уйлалдан ошоо һэн, Би хадаа тэдэниие аргадан, сэдьхэлыень заһан бусаахаб. Би тэдэниие урасхал уһан руу бүдэрхэгүй тэгшэхэн замаар хүтэлэн асархаб. Юуб гэбэл, Би Израильда Эсэгэнь болонхойб, Эпрааим болбол Минии ууган хүбүүн юм.

Ерэмияа 31:9 ပူးပေါင်းရင်းမြစ်များ

1 Угай бэшэг 29:10

Давид хаан суглаанай урда Эзэнээ юрөөн алдаршуулба, тиигээд Давид иигэжэ хэлэбэ: – Хэтын хэтэдэхи маанадай эсэгэ Израилиин Эзэн Бурхан, Та үреэл магтаалда хүртэн байхат!

Псалманууд 107:7

Танда хайратай зоной амиды мэндэ үлэхын тула баруун гараараа тэдэниие абарыт! Маанадта харюу үгыт!

Псалманууд 23:2

Далайнууд дээгүүр һууриинь Тэрэ табяа, гүнзэгы уһан дээгүүр байгуулаа.

Египедһээ гаралга 4:22

Харин ши фараондо иигэжэ дуулгахаш: «Израиль ууган хүбүүмни гэжэ Эзэн айладана.

Исай 42:16

Би Өөрын һохор зониие мэдэхэгүй замаарнь хүтэлэн ябахаб, тэдэнэй урда харанхые гэрэл, барзагар газарые тэгшэ тала болгохоб. Энэ болбол Минии хэхэ юумэн. Би тэдэниие хэнгүй орхихогүйб.

Исай 43:20

Өөрынгөө шэлэһэн арад зониие ундалуулхын тула хооһон тала газарта уһа үгэжэ, элһэн сүл губида гол урдахуулхадам, хээрын ан арьяатаншье Намайе хүндэлхэ, сүүбэн шоно, тэмээн хяруулшье Намайе магтахал.

Исай 45:11

Израилиин арюун Бурхан, тэрэ арад түмэниие байгуулагша Эзэн, иигэжэ айладхана: «Минии үхи хүүгэдэй ерээдүй тушаа һэжэг түрэжэ гү, али юу хэхыемни заажа байха зон таанад гээшэ гүт?!

Исай 57:14

Эзэн иигэжэ айладхана: «Минии арад түмэнэй Нам руугаа бусахадань туһалагты. Харгы зам жэгдэлэгты. Харгы дээрэ байгша һаалта зүйлнүүдые үгы хэгты.

Исай 63:13

Тэрэ гүн уһан дундуур зониие талаар мори хүтэлөөд ябаһандал гаргаа, тиихэдэнь арад зон нэгэшье бүдэрөөгүй бэлэй.

Исай 63:16

Теэд Та манай Эсэгэт. Манай элинсэг эсэгэнэр болохо Абраһаам, Израиль маанадые өөрын гэжэ бү тоог, харин Та, Эзэмнай, манай Эсэгэ болонот, хододоо «Абарагшамнай» гэжэ Таниие нэрлэдэг бэлэйлди.

Исай 64:8

Гэбэшье, Эзэн, Та манай Эсэгэт. Бидэ шабар мэтэ, харин Та шабараар амһарта бүтээдэг хүн мэтэт. Бидэ бултадаа – Танай бүтээлнүүд мүн!

Ерэмияа 3:19

Эзэн иигэжэ айладхана: Би, Эзэн, Өөрынгөө үхибүүдтэ мэтээр таанадта хандахаяа һанаа һэм. Бусад арадуудта орходоо үлүү һайхан, үзэсхэлэн гоё газар нютаг таанадта үгэхэеэ һанаа һэм. Таанад Намайе Эсэгэ гэжэ нэрлэжэ, хододоо хойноһоомни дахажа ябахат гэжэ һанаа бэлэйб.

Ерэмияа 3:4

Мүнөө ши Намда хандан: «Та минии эсэгэт. Эдир залуу наһанһаамни хойшо намайе хүтэлэн ябаат.

Ерэмияа 31:20

Эпрааим Минии хайрата хүбүүн бэшэ юм гү? Эгээл дуратай үхибүүмни бэшэ юм гү? Тэрээн тухай ама гараха бүхэндөө тэрэниие угаа энхэрэн һанадагби. Минии зүрхэ сэдьхэл тэрээн руу тэгүүлдэг, Эпрааимда үршөөл хайраяа үзүүлхэб!

Ерэмияа 50:4

Эзэн иигэжэ айладхана: – Израилиин улад зоной болон Иудын хан түрын зоной Намайе, Өөрынгөө Бурханиие, бэдэрэн бархиралдаха саг дүтэлжэ байна.

Һошээ 12:4

Бэт-Ээлдэ тэрэ Бурханай Эльгээмэлтэй тулалдажа, диилээ һэн. Бурханһаа үреэл эрижэ, тэрэ уйлан-хайлан байгаа бэлэй. Тиихэдэнь Бурхан маанадта зарлигаа айладхаа һэн.

Һошээ 3:5

Энээнэй удаа Израилиин арад эрьежэ, өөһэдын Эзэн Бурханиие, өөһэдын Давид хааниие шүтэн-хүндэлэн байдаг болохо. Эсэсэй үдэрнүүдтэ Эзэндэ болон Тэрэнэй һайн һайхан оршом руу тэдэ шэшэрэн ерэхэ болоно.

Захарияа 12:10

Давидай гэр, Иерусалимай зон сэдьхэл даруу номгон болохо, гэмээ наманшалан, нигүүлсэлтэ бодолоор хамаг зондо хандаха гэжэ оролдохо. Өөһэдөө жадаараа сүм хадхаһан хүнөө, Намайе тэдэ хараха, ууган хүбүүнэйнгөө түлөө гашуудажа байһан мэтэ гашуудаха.

Малаахи 2:10

Бидэ булта нэгэ эсэгэтэй бэшэ гүбди? Нэгэ Бурхан бидэниие бүтээгээ. Яахадаа аха дүүнэр бэе бэедээ урбан, үбгэ эсэгэнэрэймнай Бурхантай баталһан хэлсээ эбдэхэ болооб?

Тоололго 2:18

Майхан һүмын баруун талада Эпрааимай сэрэг бүлэг бүлэгөөрөө тогтог. Отогууд Сэрэгэйнь дарганар Сэрэгшэдэйнь тоо Эпрааимай Аммиһүүдэй хүбүүн Элишамаа 40 500 Мэнашшээгэй Пэдэцүүрэй хүбүүн Гамалиһээл 32 200 Бэньямиинэй Гидеоной хүбүүн Абидаан 35 400 Хамта: 108 100 Эдэнэр урдахи хоёр хотон хүреэнүүдэй байраһаа хүдэлһэнэй һүүлээр тогтон байрлаһан газарһаа ябаха ёһотой.

Матвей 3:3

Иоанн тухай лүндэншэ Исай иигэжэ хэлээ: «Эзэнэй ябаха замыень бэлдэгты, алхаха харгыень дардам сэхэ болгогты гэжэ хэн бэ даа сүл губида хашхарба».

Матвей 5:4

Гуниглан уйлаашад жаргалтайл, Бурхан тэдэнэй һанаае амаруулхал.

Матвей 6:9

Иигээд зальбаржа байгаарай: Тэнгэридэ оршодог Эсэгэмнай! Нангин нэрэтнай алдаршахань болтогой.

Лука 6:21

Мүнөө үлэсхэлэн байгшад, жаргалтайт, таанад элбэг дэлбэг эдихэ юумэтэй байхат. Мүнөө уйлаашад жаргалтайт, таанад баярладаг, хүхидэг болохот.

Римэйхиндэ 8:26

Маанадай шадал тэнхээгүй байхада маанадта Һүлдэ туһалдаг. Яажа зальбарха хэрэгтэйб гэжэ мэдэхэгүй байхадамнай Һүлдэ тайлбарилхын аргагүй ёолоогоор манай түлөө зальбардаг.

Коринфынхидтэ 2-дохи 6:18

Би танай Эсэгэтнай болохоб, таанад Минии хүбүүд басагад болохот гэжэ түгэс хүсэтэй Эзэн хэлэнэ».

Хуули дабталга 14:1

Таанад Эзэн Бурханайнгаа арад зон болонот. Хэн нэгэнэй наһа барахада, гашуудалай тэмдэг харуулан, өөһэдыгөө хадхажа, отолжо бү байгты, магнай дээрэхи үһэеэ бү хюһагты.

Хуули дабталга 32:6

Эзэндээ юундэ иигэжэ ханданабта, тэнэг, ухаагүй арад? Тэрэ – танай Эсэгэ, таанадые байгуулаа, үндэһэ яһатан болгоо.

Еврейнүүдтэ 12:13

Дохолон хүлтнай гэмтэнгүй, бүри эдэгэжэ байхын тулада таанад сэхэ замаар ябажа байгты.

Еврейнүүдтэ 12:23

Нэрэнүүдынь тэнгэридэ бэшэгдэһэн Бурханай эгээн түрүүшын һүзэглэгшэдэй бүлгэмэй гэшүүдынь болон таанад ерээт. Таанад бүхы хүнүүдэй Зарга шүүгшэ болохо Бурханда, эрхим түгэс болоһон үнэн сэдьхэлтэнүүдэй һүлдэнүүдтэнь ерээт.

Еврейнүүдтэ 5:7

Дэлхэй дээрэ амидархадаа, Тэрэниие абарха аргатай Бурханда Иисүүс шангаар хүхирэн, нулимсаа гоожуулан зальбараа, Тэрэниие гуйгаа. Иисүүсэй номгон, үнэр шударга байһан хада Бурхан Тэрэниие дуулаа.

Гэршэлгэ 7:17

Юундэб гэхэдэ, хаан шэрээгэй урда зогсожо байгааша Үргэлэй Хурьган тэдэ хүнүүдэй адуулагша эзэниинь боложо, мүнхэдөө амидаралай уһанда тэдэниие залан абаашаха. Эдэ хүнүүдэй нюдэнэй нулимсые Бурхан Өөрөө аршаха».