Ерэмияа 31:8 - Библи

⁸ Үзөөрэйгты, Би тэдэниие хойто зүгтэхи нютагһаа суглуулхаб. Һохор ба дохолон зон, хээлитэй ба үхибүү түрэхэ гэжэ үбдэжэ байһан эхэнэрнүүд тэдэнэй дунда байха. Үй түмэн зон һөөргөө бусаха.

Ерэмияа 31:8 ပူးပေါင်းရင်းမြစ်များ

Псалманууд 107:3

Ятага, морин хуур, һэриит! Би үүрэй толониие һэреэхэб.

Псалманууд 65:5

Бурханай юу хэһые харыт! Хэһэн хэрэгүүдынь зондо айдаһатайл.

Псалманууд 98:3

Танай агуу, һүрдэмөөр нэрые тэдэ магтан дуулаг! Тэрэ хадаа арюун!

Исай 40:11

Тэрэ хонишон мэтэ һүрэгөө харюулжа, хурьгадаа суглуулжа, гар дээрээ үргэн, сээжэдээ тэбэреэд, хурьгалһан хонидые дүмүүхэнээр адуулха.

Исай 42:16

Би Өөрын һохор зониие мэдэхэгүй замаарнь хүтэлэн ябахаб, тэдэнэй урда харанхые гэрэл, барзагар газарые тэгшэ тала болгохоб. Энэ болбол Минии хэхэ юумэн. Би тэдэниие хэнгүй орхихогүйб.

Исай 43:6

Хойто зүгтэ хандан, Минии арад түмэниие табихыень, урда зүгтэ хандан, зониием барижа байхагүй тухай захирхаб. Минии арад түмэнэй алас холоһоо, үлгэн дэлхэйн элдэб буланһаа ерэхэдэнь бү һаад хэгты гэхэб.

Исай 45:22

Дэлхэйн бүхы зон, Нам руу эрьежэ абарагдагты! Би болбол ори ганса Бурхан гээшэб!

Исай 52:10

Бүхы үндэһэ яһатанай хараһаар байтар Эзэн нангин хүсэ шадалаа үзүүлээ: Өөрынгөө арад түмэндэ абарал буулгахыень үлгэн дэлхэйн бүхы булангай зон хараа.

Ерэмияа 16:15

Энээнэй орондо тэдэ Израилиин арадые хойто зүгэй орон нютагһаа, тараан абаашаһан бүхы орон нютагуудһаа гарган асарагша амиды мэндэ Бурхан гээд Минии нэрээр тангариглахал. Үбгэ эсэгэнэртэнь үгэһэн өөһэдын орон нютагта тэдэниие Би асархаб.

Ерэмияа 23:3

Өөрынгөө эльгээн тарааһан орон нютагуудһаа арад зонойнгоо үлдөөсые суглуулжа, түрэл нютагтань бусаахаб. Тэдэ үнэржэн олошорхо.

Ерэмияа 23:8

харин Израилиин арад зониие хойто зүгэй орон нютагһаа болон тараагша бүхы оронуудһаа асарһан Эзэнэй амиды мэндэ байһантайл адли баталгаатай гэжэ хэлэжэ байха саг дүтэлөө. Тиигээд тэдэ өөрынгөө газар дээрэ ажаһууха.

Ерэмияа 29:14

Тиимэ даа, таанад Намайе олохот гээд Би айладханаб. Тарааһан бүхы орон нютагууд, бүхы газарнууд сооһоо таанадые Би суглуулхаб, тиигээд сүлэлгын урда тээ байһан газартатнай һөөргэнь бусаахаб. Энэ болбол Би, Эзэн, айладхана мүн!» гэнэ.

Ерэмияа 3:12

Тэрэ минии хойто зүг руу ошожо, Израильда иигэжэ хэлэхыемни захирба: – Израилиин найдабаригүй арад зон, бусан ерэгты. Таанадта уурлажа байхагүйб, нигүүлэсхы мэдэрэл досоомни түрэнэ. Хододоо таанадта уурлан хилгэнтэжэ байхагүйлби.

Ерэмияа 3:18

Израиль Иудатай хамтаржа, хойто зүгтэ орон нютагта сүлэлгэдэ байһанаа хоюулаа ябан гаража, танай элинсэг хулинсагта угай зөөри болгон Минии үгэһэн орон нютагта бусаха.

Эзэкээл 20:34

Тараһан газарнуудһаатнай таанадые суглуулхадаа, Өөрынгөө хүсэ шадалые, уур хилэнгые харуулхаб.

Эзэкээл 20:41

Тараһан газарнуудһаатнай таанадые суглуулан асархадаа, Би үргэлэйтнай аятай үнэрые таашааһандал таанадые таашаан байхаб. Тиигэжэ бусад арадуудай нюдэн дээрэ таанадтай хэһэн үйлэ хэрэгээрээ Би нангин байдалаа элирхэйлхэб.

Эзэкээл 34:12

Тараад байһанайнь удаа хамтадхан суглуулхадаа хонишоной һүрэгөө шалган байдагтал Би тэдэнээ шалгахаб. Хонидни бүрхэг харанхы үдэр арадуудай дундуур таран төөреэ бэлэй. Би мүнөө тэдэниие абархаб!

Эзэкээл 34:13

Хариин зоной дундаһаа тэдэниие суглуулан гаргахаб, түрэл орон нютаг Израиль руунь асаржа, хада уулаар, гол нюруугаар, һайн бэлшээринүүдээр адуулхаб.

Эзэкээл 34:16

Үгы болоһыень оложо, тараһыень бусаажа, гэмтэһыень боожо, үбшэн үлбэрыень эмшэлжэ байхаб. Харин таргыень, эрьюу болоһыень үүсэлхэб, юуб гэхэдэ, хони яажа зүбөөр харууһалхые Би мэдэнэб.

Михей 4:6

Эзэн иигэжэ айладхана: «Тэрэ үдэрэй болоходо, хэһээлтэ амасуулһан зониие – сүлэлгэдэ байгаашадые, эрэмдэг дохолон болоошодые – хамта суглуулхаб.

Цэпаанияа 3:19

Хараарайгты даа, тэрэ сагай ерэхэдэ дарлагшадыетнай Би суглуулхаб, дохолон эрэмдэгүүдые абархаб, тараһан арадаа суглуулхаб, тиигээд шоо үзэжэ байһан энэ газартань тэдэниие хүндэтэй, нэрэ түрэтэй зон болгохоб.

Захарияа 2:6

«Һүүе! Һүүе! Хойто зүгэй оронһоо бодон тэрьелэгты! Ушарынь хадаа Би таанарые тэнгэриин дүрбэн һалхин мэтэ сасан тарааһан байгааб» гээ.

Матвей 12:20

хухарһан хулһые таһа татахагүй, залиржа байһан дэн унтараахагүй. Үнэн зүб зарга шүүбэри илалтада хүргэхэ,

Иоанн 21:15

Тэдэнэй эдеэлһэн хойно Иисүүс Симон Пётрто хандан: – Иоаннай хүбүүн Симон, ши Намда эдэнһээ бүри ехээр дуратай гүш? – гэжэ асууба. – Тиимэ даа, Эзэн, Танда минии дуратайе Та мэдэнэ ха юмта, – гэжэ Пётр харюусаба. – Минии хурьгадые харууһалжа бай, – гэбэ Иисүүс.

Коринфынхидтэ 1-дэхи 8:10

Тиимэ бирагүйхэн һүзэгтэн онгонуудта шүтэдэг газарта юумэ мэдэрһэн шинии эдеэлхыешни хараад, онгонуудта үргэгдэһэн эдеэ амсахаяа һанахагүй гү гэжэ бодоод үзөөрэй.

Хуули дабталга 30:4

Тэнгэриин хирхаг хүрэтэр тараагдаһан байгаашье һаатнай, Эзэн Бурхантнай таанадые суглуулжа, тэндэһээ һөөргэнь асархал.

Фессалоникиинхидтэ 1-дэхи 5:14

Аха дүүнэрни, залхуу хүнүүдтэ ухаан заагты, зориггүй хүнүүдые урмашуулжа байгты, һулахан хүнүүдтэ дэмжэлгэ үзүүлэгты, хүн бүхэндэ ехэ тэсэбэритэй хандажа байгты гэжэ бидэ баһа гуйнабди.

Еврейнүүдтэ 12:12

Эсэһэн гарнуудаа дээшэнь дэен һунгагты, һуларһан үбдэгүүдээ бэхижүүлэгты.

Еврейнүүдтэ 4:15

Манай Ахамад Санаарта бидэнэй ядаруу тулюур байдал тухай һанаагаа зобонгүй ябажа шадахагүй. Тэрэ бидэндэл тон адли бүхы талаһаа туршуулбашье, нэгэшье нүгэл хээгүй.