Ерэмияа 31:34 - Библи

³⁴ Тэдэнэй хэнииньшье Эзэниие мэдэ гэжэ нүхэдөө гү, али аха дүүнэрээ һургахагүй, юундэб гэхэдэ, тэдэ багаһаа томо хүрэтэрөө бултадаа Намайе мэдэжэ байха. Би тэдэнэй гэм зэмые хүлисэжэ, нүгэл тухайнь дахин дурдахагүйб. Энэ хадаа Би, Эзэн, айладхана мүн!

Ерэмияа 31:34 ပူးပေါင်းရင်းမြစ်များ

1 Угай бэшэг 28:9

Ши, минии хүбүүн, Соломоон, өөрынгөө эсэгын Бурханиие мэдэрэ, үнэн зүрхэнһөө, хамаг сэдьхэлһээ Тэрээндээ алба хэжэ яба, Эзэн сэдьхэлыш, һанаан бодолыень мэдэжэ байха. Хэрбэеэ Тэрэниие бэдэрээ һааш, Тэрэниие олохош; харин Тэрэнээ мартабалшни, Тэрэ шамайе хэтын хэтэдэ орхихо.

Псалманууд 25:7

Һайнта даа гэжэ шангаар магтан дуулахаб, Танай гайхамшагта хэрэгүүдые тунхаглахаб.

Исай 11:9

Бурханай нангин хада дээрэ ямаршье муу юумэн болохогүй. Уһан далайе дүүргэдэгтэл, газар дэлхэй хадаа Эзэн тухай мэдэсээр дүүрэнхэй байха.

Исай 29:24

Алдуу эндүү хэжэ байгаашад ойлгодог болохо, гэмэрэлдэн байгаашад заабари хүлеэн абаха».

Исай 30:26

Һара, нарандал адли ялагар шанга гэрэлтэй болохо, наран хэмһээ долоо дахин ялагар хурса болохол. Эзэнэй арад түмэндөө ушаруулһан гай гасалангай дүүрэжэ, шархануудайнь эдэгэжэ эхилхэдэ, эдэ бүгэдэ тохёолдохо.

Исай 33:24

Манай газарта ажаһуудаг зоной нэгэнииньшье үбшэ хабшанби гэжэ гомдожо байхагүй, эндэ амидардаг бүхы зоной нүгэл арюудхагдаха юм.

Исай 33:6

Тэрэ танай ажабайдалда найдамтай аршалалта болохо. Үршөөдэг эрдэни зэндэмэнинь – мэргэн ухаан, эрдэм мэдэсэ, Өөрһөөнь түбэгшөөлгэ.

Исай 38:17

Би өөрын жаргалай түлөө ехэ зоболон амасааб. Та намайе бүхы аюулһаа абарнат, нүгэлыем хүлисэнэт.

Исай 43:25

Гэбэшье Би, Бурхан, шинии хилэнсэг арюудхан, нүгэлыеш хүлисэнэб.

Исай 44:22

Би шинии хилэнсэгые манан мэтээр, нүгэлыешни үүлэн мэтээр тунаан һалгаагааб. Би болбол танай Абарагшаб, Нам руу эрьегты!»

Исай 52:6

Тиимэһээ арад түмэмни нэрыем мэдэдэг болохо, тэдээнтэй Минии хөөрэлдэһые, энэ Минии байһые тэдэ ойлгохо!»

Исай 54:13

Улад зониишни һургажа, урагшатай бэрхэнүүд болгохоб.

Ерэмияа 24:7

Би тэдээндэ Намайе мэдэдэг болохо хүсэл үгэхэб. Тиихэдэм тэдэ Минии арад зон, Би тэдэнэй Бурхан болохоб. Тэдэ Нам руу бүхы зүрхэ сэдьхэлээрээ таталдан бусаха.

Ерэмияа 32:40

Би тэдээнтэй хэтэ мүнхын хэлсээ байгуулхаб. Һайн юумэ тэдээндэ хододоо хэдэг байхаб, холодохогүйнь тула Намһаа угаа айдаг болгохоб.

Ерэмияа 33:8

Минии урда хэһэн нүгэл шэбэлһээнь арюудхан, гэм зэмыень, Минии урдаһаа буһалгаалһыень хүлисэхэб.

Ерэмияа 50:20

Тэрэ үе сагта Израильда ямаршье нүгэл, Иудын хан түрэдэ ямаршье гэм буруу олдохогүй. Юуб гэхэдэ, амиды мэндэ үлөөһэн зониие Би хүлисэхэб. Энэ болбол Би, Эзэн, айладхана мүн!

Ерэмияа 9:23

Эзэн иигэжэ айладхана: Мэргэн хүн мэргэн ухаагаараа, хүсэ шадалтай хүн шадалаараа, баян хүн эд баялигаараа бү һайрхаг.

Һошээ 2:20

Би хэтэ мүнхэдөө шамда үнэн сэхэ байхаб. Тиигээд ши Намайе Эзэн гээд мэдэрхэш.

Михей 7:18

Тандал адли нэгэшье Бурхан байхагүй. Та Өөрынгөө уг залгамжалгын хубида – Өөрын арадһаа амиды мэндэ үлэһэн маанарта нүгэлыемнай хүлисэнэт. Та хэтэ мүнхэдөө уурлажа байдаггүйт, хайрлаха, энэрэл үзүүлхэ дуратайт.

Михей 7:19

Та дахин маанадаа хайрлахат, гэм зэмыемнай арюудхахат. Нүгэлыемнай далайн оёор руу хаяхат.

Аввакуум 2:14

Юуб гэбэл, уһан далайе дүүргэдэгтэл, газар дэлхэй хадаа Эзэнэй алдар тухай мэдэсээр дүүрэнхэй байха.

Матвей 11:27

Бүхы юумые Эсэгэмни Намда үгөө. Эсэгэһээ ондоо хэншье Хүбүүе мэдэхэгүй, мүн Хүбүүнһээ, баһа Хүбүүнэй дуулгаһан хүнүүдһээ ондоо хэншье Эсэгые мэдэхэгүй.

Лука 1:77

Нүгэлөө арилгажа абарагдахат гэжэ Бурханай арадта ши айладхахаш.

Иоанн 17:3

Хэтэ мүнхын амидарал гээшэ ори ганса үнэн бодото Бурхан бологшо Таниие, мүн Танай эльгээһэн Иисүүс Христоосые мэдэхэ гэһэн удхатай.

Иоанн 17:6

Дэлхэйн зонһоо илгажа Намда үгэһэн хүнүүдтэ Би Танай нэрэ нээбэб. Эдэ Танай хүнүүд гээшэ, эдэниие Та намда үгөөт. Эдэ хүнүүд Танай үгын ёһоор ажаһууна.

Иоанн 6:45

«Бүхы хүнүүдые Бурхан һургаха», – гэжэ лүндэншэд бэшэһэн байна. Эсэгын үгэ дуулажа, Тэрэнэй һургаал ойлгожо абаһан хүн Намда ерэхэ.

Хэрэгүүд 10:43

Тэрээндэ этигэһэн хүн бүхэндэ нэрэ алдарайнь хүсөөр нүгэлынь хүлисэгдэхэ гэжэ бүхы лүндэншэд гэршэлнэ.

Коринфынхидтэ 2-дохи 2:10

Хэрбээ хэһэн муу юумэнэйнь түлөө хүниие хүлисэбэлтнай, бишье тэрэниие хүлисэнэб. Христоосой урда таанадай аша туһада хүлисэхэ ёһотой бүхы юумые би хүлисэнэб.

Коринфынхидтэ 2-дохи 4:6

«Гэрэл туяагай харанхыһаа гэрэлтэхэнь болтогой», – гэжэ Бурхан хэлээ. Мүнөө тэрэл Бурхан манай сэдьхэлдэ гэрэлтэжэ, Христоосто оршожо байһан Бурханай алдарай мэдээгээр бидэниие гэгээрүүлээ.

Эфесэйхиндэ 1:7

Тэрэ агууехэ буян хэшэгтээ маанадые элбэг дэлбэгээр хүртөөгөө. Тэрэнэйнь ашаар бидэ Хүбүүнтэйнь нэгэдээд, шуһанайнь сэнгээр сүлөөтэй боложо, нүгэлнүүдээ хүлисүүлээбди. Тэрэ сэсэн ухаагаараа, оюун мэдэлээрээ

Фессалоникиинхидтэ 1-дэхи 4:9

Бэе бэедээ дуратай байгты гэжэ бэшэхэ хэрэггүй байха. Бэе бэедээ дуратай байхые Бурхан таанадта заажа үгөө.

Еврейнүүдтэ 5:12

Саг хугасаагаар багсаахада, таанад багшанар болоод байха байгаат, харин Бурханай Үгын түрүүшын хэшээлнүүдые таанадта дахин дабтаха хэрэгтэй болоод байна. Хатуу хоол барихын орондо таанад һүөөр ундалха болонот.

Еврейнүүдтэ 8:11

Тэдэнэй хэнииньшье Эзэниие мэдэ гэжэ нүхэдөө гү, али аха дүүнэрээ һургахагүй, юундэб гэхэдэ, тэдэ багаһаа томо хүрэтэрөө бултадаа Намайе мэдэжэ байха.

Еврейнүүдтэ 8:12

Би тэдэнэй зэмые хүлисэжэ, нүгэл тухайнь дахин дурдахагүйб».

Иоаннай 1-дэхи хандалга 2:20

Таанарта Арюун Һүлдэ Бурханһаа үгтөө, тиимэһээ таанар бүхы юумэ мэдэнэт.

Иоаннай 1-дэхи хандалга 2:27

Бурханай таанадта үгэһэн Арюун Һүлдэ сэдьхэлдэтнай байна, тиимэһээ таанарые хэн нэгэнэй һургаһанай хэрэгынь үгы. Арюун Һүлдэ үнэн зүб юумэ хэлэнэ, худал юумэ хэлэнэгүй, тиигэжэ таанарые бүхы юумэндэ һургана. Арюун Һүлдын һургаһан ёһоор таанар Христоостой нэгэн хамта байгты.

Иоаннай 1-дэхи хандалга 5:20

Ёһотой Бурханиие бидэнэй танидаг болохын тула маанадта Бурханай Хүбүүн ерэжэ ойлгуулаа гээд бидэ мэдэнэбди. Бидэ Бурхантай нэгэн хамта, Тэрэнэй Иисүүс Христоостой нэгэн хамта байнабди. Иисүүс Христоос хадаа ёһотой Бурхан гээшэ, хэтэ мүнхын амидарал гээшэ.

1 Хаан түрэнүүд 2:12

Элиин хүбүүд Эзэниие хүндэлдэггүй муу зон бэлэй.