Ерэмияа 31:32 - Библи

³² Энэ хэлсээн тэдэнэрэй үбгэ эсэгэнэрые гарһаань хүтэлэн Египедһээ гаргаха гэһэн үдэр тэдэнтэй баталһан хэлсээндэл адли бэшэ байха. Минии тэдээндэ нүхэр байһан байгаашье һаам, тэдэ хэлсээ эбдээ һэн.

Ерэмияа 31:32 ပူးပေါင်းရင်းမြစ်များ

3 Хаан түрэнүүд 8:9

Израилиин арад зоной Египедһээ гарахада, Хорээб хада дээрэ Эзэнэй тэдээнтэй хэлсээ баталжа, Моисейн тиишэнь хэһэн хоёр шулуун хабтаһанһаа бэшэ ондоо юумэн тэрэ ханза соо үгы һэн.

Псалманууд 73:23

Дайсадайнгаа хашхаран байһые, урдаһаатнай эсэргүүсэгшэдэй шууяа гаргадагые бү мартыт.

Египедһээ гаралга 19:5

Үгыем дууладаг ба Намтай баталһан хэлсээе үнэн шударгыгаар сахибал, та бүгэдэ Минии эрдэниин сэнтэ баялиг, арадуудай дундаһаа Минии шэлэмэл гансал арад болохо зэргэтэйт. Газар дэлхэй гээшэ Минии юм,

Египедһээ гаралга 32:8

Минии зааһан замһаа ямаршье түргэн тэдэ хадуурба гээшэб даа! Тэдэ өөһэдтөө тугалай хүрэг хээд, тэрээндэ мүргэжэ байнал. Тэдэ «Израиль, шамайе Египедһээ гаргаһан Бурханшни бэеэрээл!» гэлдэнэ.

Дуунай дуун 8:5

Алас сүл губиһаа хүрэжэ ерээд, амараг хүнөө тэбэрин байгаа энэ басаган хэн бэ? Амарагни! Алим модон мэтэ анхилма дураар анхан би шамайе носоогооб. Иимэ дуранай хүсөөр лэ эхэшни шамайе хэбэлдээ оложо, хүн болгожо түрүүлһэн бэлэй.

Исай 24:5

Зон Бурханай хуули ёһонуудые эбдэжэ, тогтоолнуудыень хазагайруулжа, хэтэ мүнхын хэлсээ эбдэн, дэлхэйе бузарлаба.

Исай 41:13

Би болбол танай Эзэн Бурхан гээшэб. Таанадые хүтэлжэ, «бү айгты, Би таанадта туһалхаб» гэжэ мэдүүлнэб.

Исай 54:5

Шамайе Бүтээгшэ бол үбгэншни мүн, нэрэнь – Түмэн Сэрэгтэ Эзэн. Израилиин арюун Бурхан шинии Абарагша мүн, бүхы дэлхэйн Бурхан гэжэ нэрлэгдэдэг.

Ерэмияа 11:3

Израилиин Эзэн Бурхан иигэжэ айладхана: Хэлсээнэй үгэнүүдые сахин дүүргэдэггүй хүн бүхэн хараал шэрээл шэнгээхэ.

Ерэмияа 11:4

Түмэр хайлуулдаг зууха мэтэ Египедэй орон нютагһаа таанадай үбгэ эсэгэнэрые гаргахадаа, Би энэ Хэлсээ тэдээндэ захин заабарилаа һэм. Минии үгэ дуулажа, захирһан бүхы юумыемни дүүргэжэ байхыень Би тэдээндэ захин хэлээб. Тиигэбэлнь, тэдэ Минии арад түмэн, Би тэдэнэй Бурхан болохо байһан тухайгаа айладхаа бэлэйб.

Ерэмияа 2:2

Иерусалимай хүн бүхэндэ иимэ зар соносхол дуулгахыемни захирба: Таанадай эдир залуу байхадаа Намда үнэн сэхэ байһые, гүлмэр залуухан һамгандал, Намда дураяа бэлэглэдэгые, элһэн сүл губяар, талха таряанай ургадаггүй газар нютагаар Намайе дахан ябаһыетнай һанажа байнаб.

Ерэмияа 22:9

Тиихэдэнь Намтай, өөрынгөө Бурхантай, баталһан хэлсээнһээ таанадай арсаһанай, ондоо бурхадта мүргэн, алба хэһэнэйтнай түлөө гэһэн харюу дуулдаха юм.

Ерэмияа 3:14

Танда этигэхын аргагүй, гэбэшье бусыт, юуб гэхэдэ, Би танай Эзэн гээшэб. Би таанарые хотоһоо нэгые, уг урагһаа хоёрые абажа, Сион руу асархаб.

Ерэмияа 31:1

Эзэн ииигэжэ айладхана: – Минии Израилиин бүхы обогуудта Бурхан болохо, мүн тэдэнэй Минии арад түмэн болохо саг дүтэлжэ байна.

Ерэмияа 34:13

Израилиин Бурхан, иигэжэ улад зондо минии айладхахые захираа: – Египедһээ, богоол байдалһаань сүлөөлэн гаргажа байхадаа, Би танай үбгэ эсэгэнэртэй хэлсээ баталжа,

Ерэмияа 34:14

зургаан жэл соо алба хэһэн аха дүүгээ, еврей яһанай богоолоо долоодохи жэл бүхэндэ сүлөөдэ табиха тухай тэдээндэ захираа һэм. Теэд тэдэ Минии үгэнүүдые анхарбагүй шагнабагүй.

Эзэкээл 16:8

Би дахяад шамайе эрьехэдээ, инаг дуранай наһандаа ябахыеш хаража, хубсаһа-далиингаа хормойгоор нюсэгэн бэеыеш орёон хушаа бэлэйб. Минии болохош гэжэ Би тиихэдэ ехэ тангариглаад, шамтай хэлсээ баталаа һэм.

Эзэкээл 20:37

Таанадые наринаар хинажа, хэлсээ сахихыетнай баадхахаб.

Эзэкээл 23:4

Тэдэнэй нэрэнь гэбэл, эгэшэнь Оһолаа, дүүнь Оһолибаа бэлэй. Тэдэ Намда хадамда гаража, үхибүүдые түрөө һэн. Оһолаа болбол Самари, Оһолибаа Иерусалим болоно гээшэ.

Һошээ 11:1

Эзэн иигэжэ айладхана: Израилиин эдир залуу байхада Би тэрээндэ дуратай бэлэйб, тиигээд Египедһээ Би Өөрынгөө Хүбүүе дуудааб.

Һошээ 2:2

Эхэеэ зэмэлэн урдаһаань тулагты, зэмэлэгты! Тэрэ минии һамган бэшэ, Би тэрэнэй нүхэр бэшэ болооб. Тэрэ забхай ябадалаа болюулжа, урбахаяа бэшэ болиг лэ!

Һошээ 3:1

Эзэн намда иигэжэ айладхаба: – Израилиин улад зоной ондоо бурхад руу эрьежэ, үзэмтэй боободо дуратай болодогшье һаань, Эзэн тэдээндэ дуратай байдаг. Энээндэл адли ши дахин ябаад, һальхай ябадалтай болобошье, өөрын нүхэртөө хайрлуулһан эхэнэртэ дурла.

Левит 26:15

хэрбээ Минии тогтоол хуулинуудые үзэн ядаа һаатнай, хэрбээ зүрхэ сэдьхэлтнай Минии гаргаһан хуулида дураа гутаа һаань, Минии захяа заабари дүүргэхэеэ болёо һаатнай, Намтай хэлсээгээ эбдээ һаатнай,

Марк 8:23

Иисүүс тэрэ һохор хүниие гарһаань барижа, тосхонһоо хүтэлэн гаргаба. Тиигээд нюдэндэнь нёлбоод, дээрэнь гараа табин адислаад: – Зай, юумэ харана гүш? – гэжэ һураба.

Иоанн 3:29

Гэрлэхэ басагые гэртээ асарһан хүн тэрэ басаганай нүхэрынь гээшэ. Гэрлэхэ хүнэй хажууда зогсожо байһан дүтынь нүхэр хүбүүниинь тэрэнэй хэлээшые шагнан баясадаг. Тиин намдашье тиимэ ехэ баяр баясхалан тудаа.

Хэрэгүүд 23:19

Түмэнэй дарга тэрэ хүбүүе гарһаань хүтэлжэ хажуу тээшэнь абаашаад: – Зай, намда юу дуулгахаяа байнабши, – гэжэ һураба.

Коринфынхидтэ 2-дохи 11:2

Би Бурхандал адляар таанадта һанаагаа табинаб. Таанадые хүнэй гар хүрөөгүй, арюун басагандал мэтэ гансал хүндэ, Христоосто хадамда үгэхэ гэжэ үгөө үгэһэн байнаб.

Хуули дабталга 1:31

Түрэһэн хүбүүгээ гар дээрээ үргөөд ябаһан хүндэл адли Эзэн Бурхантнай элһэн сүл губидашье таанадые үргөөд ябана гэжэ ажаглаа бэлэйт. Бүхы аян замдатнай, энэ газар хүрэтэртнай Тэрэ таанадые абажа ябаа бшуу».

Хуули дабталга 29:1

Хорээб хадын хажууда Эзэн Израилиин арад түмэнтэй хэлсээ баталһан байна. Тэрээнһээ гадна Моһаабай газар дайдада нэмэлтэ үшөө нэгэ хэлсээ тэдээнтэй баталхыень Эзэн Моисейдэ захирба. Тэрэнь энэ.

Хуули дабталга 29:24

Ондоо бусад арадууд иигэжэ асууха: «Юундэ Эзэн энэ газарта иимээр хандааб? Юундэ иимэ ехээр уурлаа, сухалдаа гээшэб?»

Хуули дабталга 31:16

Тиигээд Эзэн Моисейдэ иигэжэ үгүүлбэ: – Удахагүй наһа барахашни. Тиихэдэшни энэ арад һальхай ябадал гаргажа, зорин ошожо байһан хариин газар дайдын бурхадта мүргэжэ эхилхэ. Намайе орхижо, өөһэдтэйнь баталһан Минии хэлсээе тэдэнэр эбдэхэ.

Хуули дабталга 31:20

Үбгэ эсэгэнэртэнь тангариглаһан, һүн далайн, зүгын балай урдажа байһан газарта Би тэдэниие асархаб. Тэдэнэр эдеэлжэ, садажа, таргалжа, ондоо бурхадта мүргэжэ эхилхэ. Намайе тоохоёо болижо, Минии хэлсээ эбдэхэ.

Хуули дабталга 5:2

Эзэн Бурхамнай Хорээб уула дээрэ бидэнтэй хэлсээ баталаа бэлэй.

Хуули дабталга 5:3

Эзэн энэ хэлсээ манай үбгэ эсэгэнэртэй баталаа бэшэ, мүнөө амиды мэндэ эндэ байгаа бидэ бултантай баталаа юм.

Еврейнүүдтэ 8:9

Энэ хэлсээн тэдэнэрэй үбгэ эсэгэнэрые гарһаань хүтэлэн Египедһээ гаргаха гэһэн үдэр тэдэнтэй баталһан хэлсээндэл адли бэшэ байха. Үбгэ эсэгэнэрынь Минии хэлсээе сахидаггүй байгаа, тиимэһээ Би тэдэниие тоохоёо болёоб.