Ерэмияа 31:31 - Библи

³¹ Эзэн иигэжэ тунхаглажа байна: – Үзэгты, Израилиин болон Иудын үри һадаһадтай Минии шэнэ хэлсээ баталха үдэрнүүд дүтэлжэ байна.

Ерэмияа 31:31 ပူးပေါင်းရင်းမြစ်များ

Исай 59:21

Би тэдэнтэй энэ хэлсээ баталхаб. Шам дээрэ оршогшо Минии Һүлдэ, амандашни Минии хэгшэ үгэмни хододоо шинии, үри һадаһадайш, тэдэнэйшье уг удамай аманда мүнөөнһөө эхилэн хэтэ мүнхэдөө оршог!»

Ерэмияа 23:5

Эзэн иигэжэ айладхана: – Давидай уг удамһаа үнэн сэхэ нэгые хаан болгон табиха сагни дүтэлжэ байна. Тэрэ хаан мэргэн ухаатайгаар ударидажа, энэ газар нютагта хэрэгүүдые шүүбэрилжэ, үнэн сэхээр шиидхэн байха.

Ерэмияа 30:3

Юуб гэхэдэ, Өөрынгөө арадые, Израиль болон Иудын хан түрые һэргээн бодхоохо сагни дүтэлжэ байна. Элинсэг хулинсагтань үгэһэн газарта тэдэниие бусаан асархаб, тиихэдэм тэдэ тэрэ газар дайдые дахин эзэмдэн ажаһууха. Энэ болбол Би, Эзэн, тунхаглана мүн!

Ерэмияа 31:27

– Израилиие болон Иудын хан түрые хүнэй үри бэеэр болон амитадай түлөөр дүүргэхэ сагни дүтэлөө, – гэжэ Би, Эзэн тунхагланаб.

Ерэмияа 32:40

Би тэдээнтэй хэтэ мүнхын хэлсээ байгуулхаб. Һайн юумэ тэдээндэ хододоо хэдэг байхаб, холодохогүйнь тула Намһаа угаа айдаг болгохоб.

Эзэкээл 37:26

Амгалан тайбан байдалаар Израилиин улад зониие хэтэ мүнхэдөө үршөөн үреэн байхаб гэжэ найдуулан, хэлсээ баталнаб. Тэдэниие аршалжа, угаа олон зонтой яһатан болгохоб. Минии Һүмэ орон нютагтань хэтын хэтэдэ оршохо.

Амоос 9:13

Эзэн айладана: Газар элдүүрилжэ үрдеэгүйдэнь ургаса хуряаха саг ерэхэ, уһан үзэмэй модо тарижа байхада, жэмэс шахаха, үзэмэй дараһан архи үйлэдбэрилхэ саг мүндэлхэ. Үзэмэй дараһан архи хадаһаа урдаха, гүбээнүүд зөөлэн жэмэс болохо! Удахагүй иимэ саг ерэхэ.

Матвей 26:28

Энэ болбол олон хүнүүдэй нүгэл шэбэлнүүдые хүлисүүлхын тулада адхарха Минии шуһан гээшэ, тиин энэ шуһаар Бурхан хүнүүдтэй Шэнэ Хэлсээ батална.

Марк 14:24

– Энэ болбол олоной түлөө адхарха Минии шуһан гээшэ, тиин энэ шуһаар Бурхан хүнүүдтэй Шэнэ Хэлсээ батална.

Лука 22:20

Хоол бариһанайнгаа һүүлдэ Иисүүс үзэмэй дараһан архитай аяга абаад хэлэбэ: – Энэ аяга болбол танай түлөө адхарха Минии шуһаар баталагдаһан шэнэ хэлсээн гээшэ.

Коринфынхидтэ 1-дэхи 11:25

Һүүлээрнь аяга абаад: «Энэ аяга болбол Минии шуһаар баталагдаһан Бурханай шэнэ хэлсээн гээшэ. Ямаршье сагта уухадаа, Минии дурасхаалда уужа байгаарайт», – гэжэ хэлээ.

Коринфынхидтэ 2-дохи 3:6

Тэрэл Бурхан бэшээтэй Хуули дээрэ бэшэ, харин Арюун Һүлдэ дээрэ һуури татаһан Шэнэ Хэлсээнэй зарасанар байха боломжо бидэндэ олгоо. Юундэб гэхэдэ, Хуули үхэл асардаг, харин Һүлдэ амидарал үршөөдэг.

Галадуудта 6:16

Энэ гурим сахидаг хүн бүхэн, Израилиин Бурханай хүнүүд энхэ тайбанда, үршөөл хайрада оршохонь болтогой!

Хуули дабталга 29:14

Эзэн энэ хэлсээ, шахаа тангариг ганса маанадтай батална бэшэ,

Филиппынхидтэ 3:3

Тэдэнэр бэшэ, харин бидэнэр жэнхэни «отолуулга» хэһэн зон гээшэбди, юуб гэбэл, бидэ Бурханай Һүлдын ашаар Бурханда мүргэжэ, Иисүүс Христоостой нэгэдэһэндээ бахархан баясанабди. Бидэ бэеын эрхэтэнэй отолуулха ёһололдо найданагүйбди.

Еврейнүүдтэ 12:24

Таанад Аабэлэй сасаһан шуһанда орходоо бүри һайн юумэнүүдые үгэхөөр найдуулан Шэнэ Хэлсээе баталһан Иисүүсэй сасагдаһан шуһанда ерээт.

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!

Еврейнүүдтэ 7:12

Санаарталгын ээлжэлгэ хубилбал, Хуулииншье тогтоолнууд хубилгагдаха ёһотой байдаг.

Еврейнүүдтэ 9:15

Бурханай уряалһан хүнүүд Бурханай найдуулһан мүнхын үршөөлдэ хүртэхэ. Христоос түрүүшын хэлсээнэй хүсэн түгэлдэр байхадань хүнүүдые үйлэдэһэн нүгэлнүүдһээнь сүлөөлөөд, Шэнэ хэлсээ баталха боломжо олгобо.