Ерэмияа 31:27 - Библи

²⁷ – Израилиие болон Иудын хан түрые хүнэй үри бэеэр болон амитадай түлөөр дүүргэхэ сагни дүтэлөө, – гэжэ Би, Эзэн тунхагланаб.

Ерэмияа 31:27 ပူးပေါင်းရင်းမြစ်များ

Ерэмияа 30:19

Тэндэ ажаһуугшад магтаал дуулаха, баясан-сэнгэн хашхаралдаха. Минии үршөөхэдэ, тэдэ олошорхо. Минии дээгүүр үргэхэдэ, тэдэ доромжолуулхаяа болихо.

Эзэкээл 36:10

Израилиин улад зон таанад руу бусажа, хотонуудые һэргээн бодхоожо, ажамидардаг болохо.

Эзэкээл 36:11

Улад зон, адууһа мал олошорхо, үнэржэн үдэн байха. Иигэжэ таанад хаясаанай бэшэ, олон зоной орон нютаг болохот. Би таанадые урданһаа үшөө ехээр үршөөхэб. Тиихэдэм Намайе Эзэн гээд мэдэдэг болохот.

Эзэкээл 36:9

Би таанад тушаа һанаагаа табихаб. Тиихэдэм газартнай хахалагдажа, ургаса таригдаха.

Һошээ 2:23

Энэ арадые газар дэлхэйдэ олошоруулан үдүүлхэб, «Юрөөл хэшэггүй» гээд урдандаа нэрлэгдэдэг арад зондо нигүүлэсхы абари зан үзүүлхэб, «Минии бэшэ» гээд нэрлэдэг арад зоноо «Минии арад түмэн» гээд хэлэдэг болохоб, тиихэдэм тэдэ Намайе «Та манай Бурхан» гээд хэлэхэл.

Захарияа 10:9

Тэдэниие Би холын оронуудта тараагаашье һаам, тэндэ Намайе ходо һанажа байхал. Тэдэ хамта тэндэ амидарһан хүүгэдтэеэ гэртээ бусажа ерэхэ.

Хуули дабталга 30:9

Танай бүхы хэрэгүүдые Эзэн Бурхантнай угаа урагшатай болгохо, олон үхибүүдые үршөөхэ, олон түл, баян ургаса үреэн үгэхэ. Тэрэ таанадта эльгэтэй байжа, һайн юумэ таанадта хэхэдээ баярлаха. Үбгэ эсэгэнэртэтнай һайн юумэ хэхэдээ мүн лэ баясадаг бэлэй.