Ерэмияа 31:20 - Библи

²⁰ Эпрааим Минии хайрата хүбүүн бэшэ юм гү? Эгээл дуратай үхибүүмни бэшэ юм гү? Тэрээн тухай ама гараха бүхэндөө тэрэниие угаа энхэрэн һанадагби. Минии зүрхэ сэдьхэл тэрээн руу тэгүүлдэг, Эпрааимда үршөөл хайраяа үзүүлхэб!

Ерэмияа 31:20 ပူးပေါင်းရင်းမြစ်များ

Эхин 43:30

Дүү хүбүүгээ харахадаа, Иосиф үнэн зүрхэнһөө уяржа, сурхирса бархирхаар болоод байба. Яаралтайгаар ондоо таһалга ороод, тэндээ тэрэ уйлаба.

3 Хаан түрэнүүд 3:26

Амиды хүбүүнэй үнэхөөр эхэнь зүрхэ сэдьхэлээ доһолгон, хүбүүгээ угаа хайрлажа: – Үндэр түрэлтэ эзэн хаамни! Үхибүүе бү алыт! Тэрээндэ үгэгты! – гэбэ. Харин нүгөөдэ эхэнэр: – Шамдашье, намдашье энэ үхибүүн бү хүртэг, хоёр болгон сабшагты! – гэжэ хэлэбэ.

Псалманууд 103:13

Дээдэ ордонһоо хада уулануудые норгонот, ажал хэрэгүүдэйтнай дүнгөөр газар дэлхэй хооллоно.

Һургаал 3:12

Юуб гэхэдэ, хүбүүндээ дуратай эсэгэ шэнги Эзэн зэмэлэн хэһээдэг ба энхэрдэг.

Дуунай дуун 5:4

Хайратамни тиихэдэ хаалга тайлахаяа нүхөөр гараа һарбайгаад оруулба. Амарагайнгаа ойртоһые мэдэрээд, сэдьхэлни дэгдээ, хүсэл бадараа.

Исай 16:11

Моһааб тушаа уйдхар гашуудал досоомни байна, зүрхэ сэдьхэлни Киир-Хээрэс тушаа ёолон-үбдэн байна.

Исай 30:18

Гэбэшье Эзэн хүлеэжэ, таанадые хайрлаха. Тэрэ бодожо, таанадта туһалха. Юуб гэбэл, Эзэн гээшэ зүб шударга Бурхан, Тэрээндэ этигэн һүгэдэгшэд жаргал эдлэхэ!

Исай 55:7

Муу хүн тэрэ замаа орхиг, нүгэлтэй хүн һанаа бодолоо хубилгаг, Эзэн руу эрьег лэ! Тэрэ хүлисэхэ. Манай Бурхан хүлисэхэ уужам сэдьхэлтэйл.

Исай 63:15

Эзэн Бурхамнай, нангин, алдар солото Өөрын гэрһээ – тэнгэриһээ харыт! Маанад тушаа һанаа зобохотнай хаанаб? Хүсэ шадалтнай хаанаб? Маанадые энхэрнэгүйт, энэрэл хайраяа үзүүлнэгүйт.

Ерэмияа 3:12

Тэрэ минии хойто зүг руу ошожо, Израильда иигэжэ хэлэхыемни захирба: – Израилиин найдабаригүй арад зон, бусан ерэгты. Таанадта уурлажа байхагүйб, нигүүлэсхы мэдэрэл досоомни түрэнэ. Хододоо таанадта уурлан хилгэнтэжэ байхагүйлби.

Ерэмияа 3:19

Эзэн иигэжэ айладхана: Би, Эзэн, Өөрынгөө үхибүүдтэ мэтээр таанадта хандахаяа һанаа һэм. Бусад арадуудта орходоо үлүү һайхан, үзэсхэлэн гоё газар нютаг таанадта үгэхэеэ һанаа һэм. Таанад Намайе Эсэгэ гэжэ нэрлэжэ, хододоо хойноһоомни дахажа ябахат гэжэ һанаа бэлэйб.

Ерэмияа 31:9

Тэдэ уйлалдан ошоо һэн, Би хадаа тэдэниие аргадан, сэдьхэлыень заһан бусаахаб. Би тэдэниие урасхал уһан руу бүдэрхэгүй тэгшэхэн замаар хүтэлэн асархаб. Юуб гэбэл, Би Израильда Эсэгэнь болонхойб, Эпрааим болбол Минии ууган хүбүүн юм.

Ерэмияа 33:26

Эдэ бүгэдые хэһэн хадаа Би Яковай уг унгитай ба Минии албатан болохо Давидтай хэлсээгээ бэелүүлхэб. Абраһаамай, Исаак гэгшын, Яковай уг удамуудые хүтэлбэрилхэ Давидай нэгэ үри һадаһые Би шэлэхэб. Өөрынгөө арад зондо энэрэл хайраяа үзүүлхэб, амжалта туйлуулхаб.

Ерэмияа 48:36

Тиимэһээл Минии зүрхэ сэдьхэл Моһаабай, Киир-Хээрэсэй улад зон тушаа лимбэ мэтэ уйлана. Тэдэнэй олоһон баялигынь алдагдаа.

Гашуудал 3:22

«Эзэнэй хайра дууһаагүй, энэрэл хайрань эсэслээгүй.

Эзэкээл 33:11

Би амиды мэндэ Эзэн Бурхамби, нүгэлтэй зоной хосорхые хүсэнэ бэшэб, муу ябадалаа орхижо, амиды мэндэ байхыень хүсэнэб. Израилиин улад зон амиды мэндэ байхаяа хүсэбэл, нүгэл хэхэеэ болёод, Нам руу эрьехэ ёһотой.

Һошээ 14:4

Ассири маанадые абархагүй, дайнай моридто һуугаашье һаа, абарагдахагүйбди. Манай бурхад гэжэ онгонуудые бэшэ нэрлэхэгүйбди. Эзэмнай! Үншэн хэнзэ маанартаа энэрэл хайраяа бэлэглыт!»

Левит 26:44

Харин дайсадай газарта байхадань, Би тэдэнһээ арсахагүйб, тэдэниие орхихогүйб, хюдахагүйб, Хэлсээгээ эбдэхэгүйб. Юуб гэхэдэ, Би тэдэнэй Эзэн Бурханиинь гээшэб.

Лука 15:24

Энэ хүбүүмни үхэшэһэн аад, амидыраа ха юм, үгы болошоһон аад, олдоо ха юм», – гэбэ. Тиигээд лэ хүбүүнэйнгээ бусажа ерэһые тэмдэглэн, хүхижэ сэнгэжэ эхилбэ.

Лука 15:32

Харин дүү хүбүүншни үхэһэн аад, амидыржа, үгы болоһон аад, олдожо ерээ бшуу. Тиимэһээ бидэ баярлаха, сэнгэхэ ёһотойбди».

Хуули дабталга 32:36

Эзэн Өөрынгөө арад зониие сүүдлэхэ. Тэдэнэр хүсэгүй болоо, Өөртэнь мүргэдэг зон ямаршье туһагүй болоо гэжэ харахадаа, эдэ зониие Тэрэ хайрлаха.

Филиппынхидтэ 1:8

Иисүүс Христоосой таанадта хайра дуратай байдагтал тон адляар миниишье та бүхэндэ хайра дуратай байһые Бурхан мэдэнэ.

Ударидагшад 10:16

Тэдэнэр үнэнхэ зүрхэнһөө хариин бүхы бурхануудые буруушаажа, Эзэндэ шүтэжэ эхилбэ. Тиихэдэнь Эзэн тэдэнэй зобохо тулихыень хараад, тэдэниие хайрлаба.