Ерэмияа 30:19 - Библи

¹⁹ Тэндэ ажаһуугшад магтаал дуулаха, баясан-сэнгэн хашхаралдаха. Минии үршөөхэдэ, тэдэ олошорхо. Минии дээгүүр үргэхэдэ, тэдэ доромжолуулхаяа болихо.

Ерэмияа 30:19 ပူးပေါင်းရင်းမြစ်များ

Эзраа 6:22

Эһээлтэгүй хилээмэнэй һайндэрые долоон хоногой туршада ехэ баяртайгаар һайндэрлэбэ, юундэб гэхэдэ, Эзэнэй, Израилиин Бурханай, һүмэ барихадань туһалхын тула Ассириин хаанай зүрхэ зөөлэрүүлһэн Эзэн тэдэниие баярлуулаа бшуу.

Нэхэмьяа 8:12

Арад зон гэр гэртээ хариба. Хүн зон хүхилдэжэ, байһанаараа зонтой хубаалдажа, булта амтатай эдеэ эдибэд, уубад. Иигэжэ шагнаһан дуулаһанаа ойлгожо абаба!

Нэхэмьяа 8:17

Баряанһаа бусаһан бүлэг хүнүүд бултадаа өөр өөртөө һарабшануудые түхеэрээд, тэрээн дороо һуубад. Израильшууд Нүүнэй хүбүүн Иисүүсһээ хойшо энэ үдэр болотор иимэ һарабшануудые бүтөөгөөгүй байба. Баярынь билтаржа байба.

Псалманууд 53:6

Анхарыт, Бурхан минии туһалагша, Эзэн ами наһым тэдхэнэ.

Исай 12:1

Тэрэ үдэр ши иигэжэ хэлэхэш: «Эзэн, Таниие магтанаб! Хэды намда уурлаашье һаа, уураа татажа, минии һанаа амаруулаат.

Исай 26:15

Эзэмнай, Та арад түмэниие олошоруулаат, ороной газар дэбисхэр үргэдхөөт. Иигэжэ Өөрыгөө алдаршуулаат.

Исай 27:6

Ерэхэ сагта Израилиин улад зон, Яковай үри һадаһад, модон мэтэ үндэһэлжэ, сэсэглэжэ, үрэ үгэхэ. Бүхы юртэмсэ тэдэнэй жэмэсээр дүүрээд байхал.

Исай 35:10

Тэдэ Иерусалим руу баяртайгаар хашхаралдан ерэхэ. Уй гашуудал, һанаа алдалга оро һэегүй үгы боложо, баяртай, аза жаргалтай тэдэ хэтэ мүнхэдөө болохо.

Исай 51:11

Танай абарһан зон Сион руу баяртайгаар дуулалдан гараха, зугаа, баяр дэлгэрхэ. Тэдэ хэтэ мүнхэдөө жаргалтай байха, гай тодхор, гашуудал тэдээнһээ һэегүй һалаха.

Исай 51:3

Би Сиониие, һандарһан гэрнүүд соонь байгша бүхы зониие хайрлажа, элһэн сүл губииень Эдээмэй сэсэрлиг мэтэ, Эзэнэй сэсэрлиг мэтэ болгохоб. Тэндэ баяр баясхалан, зугаа наадан, Намайе магтан дуулаһан дуунууд зэдэлхэл.

Исай 52:9

Иерусалимай һандарһан шулуунууд, хамта дуулажа, баясан хашхаралдагты! Эзэн Өөрынгөө хото абаржа, улад зонойнгоо сэдьхэл амаруулаа.

Исай 55:5

Хариин зониие, хэзээдэшье мэдээ-таняагүй арадуудые таанадай дуудахада, тэдэ тан руу шамдан ерэхэ. Минии, таанадай Эзэн Бурханай, таанадые алдаршуулһан Израилиин арюун Бурханай түлөө эдэ бүгэдэ хэгдэхэ».

Исай 60:19

Энээнһээ хойшо үдэртөө наранай гэрэл, һүниндөө һарын туяа шамда хэрэгтэй бэшэ болохо, Би, Эзэн, шинии хэтэ мүнхын гэрэл туяа болохоб, Минии алдар солын гэрэл таанадые гэрэлтүүлхэ.

Исай 60:22

Эгээл үсөөн бүлэһөөшье хамагай олон, хүсэтэй үндэһэ яһатан үдэн гаража болохо. Таатай сагай тохёолдоходо, Би, Эзэн, энэ хэрэг түргөөр бүтээхые оролдохоб!»

Исай 60:9

Олтирогууд Эзэндэ найдана, Таршиишэй онгосонууд түрүүлэн наашаа ерэжэ байна! Тэдэ болбол холын оронуудһаа танай арад зониие, алта, мүнгыень асаржа байна. Эзэн Бурханайтнай, Израилиин арюун Бурханай захиралта иигэжэ гүйсэдхэнэ, Тэрэ таанадые алдаршуулаа!

Ерэмияа 17:26

Түгэс шатаалта үргэл, үргэл, эдеэн үргэл болон уталга, мүн баясхалан хүргэһэн үргэлнүүдые Эзэнэй үргөөдэ асаржа, улад зон Иудын хан түрын хотонуудһаа, Иерусалимай оршон тойронхи нютагуудһаа, Бэньямиинэй газар нютагһаа, набтар нюруу газарһаа, хада уулатай газарһаа, урда Иудын хан түрэһөө ерэдэг байхал.

Ерэмияа 3:16

Газар дэлхэй дээрэ таанарай үнэржэжэ, угаа олон болоһон үедэтнай зон Минии хэлсээнэй ханза тухай хэлсэхэеэ болихо. Тэдэ энээн тухай һанаандаа оруулхашьегүй, бодохошьегүй, үгылхэшьегүй, мүн тэрэниие дахин дархалхашьегүй.

Ерэмияа 31:27

– Израилиие болон Иудын хан түрые хүнэй үри бэеэр болон амитадай түлөөр дүүргэхэ сагни дүтэлөө, – гэжэ Би, Эзэн тунхагланаб.

Ерэмияа 31:4

Дахин таанадые һуурижан байгуулхаб, дахин таанад хэнгэрэгүүдээ барин, баяртайгаар бүжэглэн-хатаран байхат.

Ерэмияа 33:22

Огторгойн одо мүшэдые гү, али далайн эрьеын элһэ тооложо барахагүйдэл адли олон Давидай уг удамые, мүн левит санаартадые болгохоб.

Эзэкээл 36:37

Намһаа дахин туһа гуйхыетнай, хонин һүрэг мэтээр олошорхыетнай Би зүбшөөхэб.

Эзэкээл 37:10

Захирһанайнь ёһоор лүндэн табибаб. Һалхин тэдээн руу үлеэжэ, тэдэ амидыршаба! Тиигээд бодожо, агууехэ сэрэг гэхээр олон болоо һэн.

Эзэкээл 37:26

Амгалан тайбан байдалаар Израилиин улад зониие хэтэ мүнхэдөө үршөөн үреэн байхаб гэжэ найдуулан, хэлсээ баталнаб. Тэдэниие аршалжа, угаа олон зонтой яһатан болгохоб. Минии Һүмэ орон нютагтань хэтын хэтэдэ оршохо.

Захарияа 10:8

«Би тэдээндэ дохёо үгэжэ, нэгэ газарта суглуулхаб, юундэб гэхэдэ, тэдэниие түлөөһөөр бусаагааб. Тэдэ урданайхи шэнги тоо томшогүй олон болохо.

Захарияа 12:8

Тэрэ үдэр Эзэн Иерусалимда оршон һуугшадые хамгаална. Тэдэнэй дорой нэгэниинь Давид мэтэ боложо, Давидай гэр Бурхан мэтэ, тэдэнэй үмэнэ Эзэнэй тэнгэриин Эльгээмэл мэтэ байха болоно.

Захарияа 2:4

Тэрэ иигэжэ хэлэбэ: – Түргэн ошожо тэрэ залууда хэлэл даа: Иерусалимда зон малынь олошорһон ушарһаа оршон тойронхи газараар таран һууха, хана хэрэмгүй һуурин мэтэ болохо.

Захарияа 8:19

Түмэн Сэрэгтэ Эзэн иигэжэ айладажа байна: Дүрбэдэхи, табадахи, долоодохи, арбадахи һарануудта гашуудалай масагай үдэрнүүд таанарта бии. Гашуудалай эдэ үдэрнүүд Иудын уг удамда баяр баясхалантай, хүхюутэй һайхан һайндэрнүүд болог. Гансал үнэниие, амар амгалангые хайрлагты.

Иоанн 17:22

Та бидэ хоёртол адляар, тэдэнэй нэгэн хамта байхын тула, Танай Намда үгэһэн алдар солые Би тэдэндэ үгөөб.

Пётрой 1-дэхи хандалга 1:7

Юундэб гэхэдэ, тэдэ зоболонгууд танай һүзэг бодото гү гэжэ туршана, батална гээшэ. Галда шатажа үгы болодог алтаншье галаар туршагдадаг, зүгөөр танай һүзэг алтанһаа үлүү үнэтэй, тиимэһээл тэрэнэйтнай үнэн байһыень заабол туршаха, баталха хэрэгтэй. Тиигээд лэ таанад Иисүүс Христоосой заларан ерэхэ Үдэр магтаалда, алдар солодо, нэрэ түрэдэ хүртэхэт.