Ерэмияа 30:17 - Библи

¹⁷ Дайсадтнай таниие «Сион – хэндэшье хэрэггүй, хэншье тэрэниие анхархагүй» гээд хэлээ. Теэд Би танда тэнхээ үгэхэб, шархыетнай эдэгээхэб. Энэ болбол Би, Эзэн, айладхана мүн!

Ерэмияа 30:17 ပူးပေါင်းရင်းမြစ်များ

Иоов 5:18

Тиигэжэ үбэдхөөдэг ба шархые боожо үгэдэг. Тэрэнэй мутарһаа гэмтээд, Тэрэнэй хүсөөр эдэгэһэн мэтэ болодог.

Псалманууд 103:3

Ордонойнгоо тулгуур баханануудые уһан соо шаагаат, үүлэдые Өөрынгөө тэргэ болгон хүлэглөөт, һалхинай жэгүүрээр ябанат.

Псалманууд 12:5

Намайе диилээб гэжэ дайсамни бү һанаг, унаа гэжэ намда дурагүйшүүл бү баярлаг!

Псалманууд 142:4

Һүлдэмни досоомни һулараа, зүрхэмни досоомни тогтоо.

Псалманууд 23:3

Эзэнэй хада өөдэ хэн гаража болохоб? Нангин үргөө соонь хэн зогсохоб?

Египедһээ гаралга 15:26

Эзэн айладхаба: – Танай Бурхан болохо Эзэнэй үгэ дуулажа, Тэрээндэ таатай юумэ үйлэдэжэ, хэлэһэн зарлигынь соносожо, буулгаһан хуулииень тогтоожо байбалтнай, египет угсаатанда хүргэһэн үбшэн тахал таанадта хэзээдэшье хүргэхэгүйб. Би эмшэлэгшэ Эзэн гээшэб!

Исай 11:12

Дэлхэйн найман зүгөөр сүлэгдэн тараагдаһан Израилиин болон Иудын хан түрэнүүдэй улад зониие дахин суглуулан бусаажа байһан тухайгаа үндэһэ яһатанда гэршэлэн харуулхын тула Бурхан дохёо тэмдэг – туг үргэн байха.

Исай 30:26

Һара, нарандал адли ялагар шанга гэрэлтэй болохо, наран хэмһээ долоо дахин ялагар хурса болохол. Эзэнэй арад түмэндөө ушаруулһан гай гасалангай дүүрэжэ, шархануудайнь эдэгэжэ эхилхэдэ, эдэ бүгэдэ тохёолдохо.

Исай 33:24

Манай газарта ажаһуудаг зоной нэгэнииньшье үбшэ хабшанби гэжэ гомдожо байхагүй, эндэ амидардаг бүхы зоной нүгэл арюудхагдаха юм.

Исай 54:6

Израиль, ши үбгэндөө орхигдоһон, уйдажа байһан залуу һамгандал адлиш. Гэбэшье Эзэн шамайе дахин һөөргэнь дуудажа, иигэжэ айладхана:

Исай 56:8

Таран бутарһан Израилиин арад зониие суглуулагша Эзэн Бурхан үшөө олон зониие асархаб гэжэ найдуулна.

Исай 57:18

Тэдэнэй үйлэ хэрэгүүдые Би харанаб, гэбэшье Би тэдэниие эдэгээхэб. Тэдэниие хүтэлжэ, туһалхаб, гашуудан уйлалдагшадай һанаа тэгшэрүүлхэб.

Исай 57:19

Холо, ойрын зондо бултандань энхэ тайбан байдал үршөөнэб. Өөрын арад зониие аргалхаб.

Исай 58:8

Тиигэбэлтнай, Минии гэрэл таанад дээрэ үүрэй толон мэтэ сасаржа, шархатнай түргөөр эдэгэхэ. Би хододоо таанадтай байхаб, абархаб, хаа-хаанагүй таанадые хамгаалжа ябахаб.

Исай 60:15

Хаясаанай, үзэн ядадагай, хооһон хото байһаншье һааш, Би шамайе хэтэ мүнхын бахархал, үеһөө үедэ баярай газар болгохоб.

Ерэмияа 10:20

Минии майхан дээрмэдүүлэгдээ, минии ооһорнууд таһаранхай. Улад зомни намһаа ошоо, хэншье үлөөгүй. Майхангыем табиха, хүшэгэнүүдыем татаха хэншье үгы.

Ерэмияа 17:14

Оо, Эзэн, намайе аргалыт, тиихэдэтнай би эдэгэхэб; намайе абарыт, тиихэдэтнай би абарагдахаб. Та – минии магтаал гээшэт!

Ерэмияа 3:22

Эзэнһээ буруу хараһан таанад, бусажа ерэгты. Тэрэ таанадые эмшэлжэ, үнэн сэхэ болгохо. Таанад хэлээ бэлэйт: – Харагты, Эзэндэ бидэ эрьехэмнай. Тэрэ манай Бурхан.

Ерэмияа 30:13

Таанад тушаа һанаа зобохо хүн үгы, ярыетнай эмшэлхэ арга үгы, эдэгэхэ ямаршье найдал байхагүй.

Ерэмияа 33:24

– Израиль болон Иудын хан түрые шэлэһэн аад, Минии тэдэниие буруушааһан тухай зоной хэлсэжэ байһые ойлгоо гүт? Тэдэ Минии арад түмэн руу дээрэлхыгээр хаража, үндэһэ яһатан байна гэжэ тооногүй.

Ерэмияа 33:6

Теэд Би энэ хотые болон ажаһуугшадыень аргалхаб, элүүр энхэ болгохоб. Амар амгалан байдал, аюулгүй байдал тэдээндэ үршөөхэб.

Ерэмияа 8:22

Галаадта эм дом байгаал ааб даа. Тэндэ эмшэн байгаал бэзэ. Теэд юундэ минии арад түмэн эдэгэхэгүй байгаа гээшэб?!

Гашуудал 2:15

Харгыгаар үнгэржэ ябаашад шамайе хаража, гараараа занган, эшхэржэ, толгойгоо һэжэржэ, «Угаа һайхан хото, дэлхэйн баяр баясхалан гэжэ нэрлэдэг хото энэ гээшэ гү?!» гэжэ Иерусалим тушаа хэлэхэ.

Эзэкээл 34:16

Үгы болоһыень оложо, тараһыень бусаажа, гэмтэһыень боожо, үбшэн үлбэрыень эмшэлжэ байхаб. Харин таргыень, эрьюу болоһыень үүсэлхэб, юуб гэхэдэ, хони яажа зүбөөр харууһалхые Би мэдэнэб.

Эзэкээл 35:12

Израилиин орон нютагай һалажа хооһоржо байһан тушаа баһажа хэлэһыетнай Минии шагнаһые таанад ойлгохот.

Эзэкээл 36:20

Туугдан ошоһон газар нютаг бүхэндөө тэдэ Минии нангин нэрэ бузарлаа: «Эзэн Бурханай арад аад, орон нютагһаа гаран ошохо баатай болоо гэжэ хариин зон хэлсэнэ».

Һошээ 11:3

Би Израилиин арад түмэниие Өөрын гар дээрэ абаад, хүлдэ оруулан һургаа бэлэйб. Теэд тэдэ Намайе арагалжа байна гэжэ ойлгоогүй.

Һошээ 6:1

Арад зон зоболон гасаландаа ядажа, иигэжэ хэлэжэ эхилхэ: «Эзэндээ бусая! Тэрэ бидэниие дайраа, тиигээ хадаа аргалжа шадаха; Тэрэ маанадые шархатуулаа, тиигэбэл, шархануудыемнай эдэгээхэ.

Малаахи 4:2

«Гэбэшье Минии нэрын урда һүгэдэдэг хүнүүдэй түлөө үнэн шударгын наран мандажа, эдэгээгшэ туяа гийгүүлхэл. Таанад хашаанһаа гүйжэ гараһан тугал шэнги сүлөөтэй хүхюу харайлдахат.

Пётрой 1-дэхи хандалга 2:24

Бидэнэй нүгэл шэбэлһээ зайсажа, үнэн зүбөөр амидархымнай тула Иисүүс Өөр дээрээ нүгэл шэбэлыемнай даажа абаа, модон дээрэ үргэгдөө: Тэрэнэй шархаар таанад аршалагдан эдэгээт.

Гэршэлгэ 22:2

Тиигээд эгээн ехэ гудамжынь дундуур урдагша юм. Мүрэнэй хоёр эрьеэрнь амидаралгын модон ургадаг, тэрэ модон һара бүри ургаса үгэхэ зуураа, жэлдээ арбан хоёр дахин үрэ жэмэс асардаг, тэрэ модоной набшаһануудынь арадуудые аргалжа эдэгээхэдэ туһалдаг.