Ерэмияа 30:15 - Библи

¹⁵ Гэмтэһэн тухайгаа бэшэ бү гомдол баригты, үбшэнтнай эдэгэшэгүй. Гэм зэмэтнай угаа ехэ, нүгэлтнай тоолошогүй олон, тиимэһээл Би таанадые хэһээгээб.

Ерэмияа 30:15 ပူးပေါင်းရင်းမြစ်များ

Эзраа 9:13

Эдэ бүгэдын удаа манай хэһэн хэмжэшэгүй ехэ гэм зэмымнай, хуули буса ябадалаймнай зэргээр хэһээнгүй хүлисөөт, тиигэжэ абарагдаха арга манда олгоот, Бурхамнай.

Иоов 34:29

Тэрэнэй харюу үгөөгүй байхада хэн буруушааха юм? Бидэнһээ нюураа нюун байхадань, хэн Тэрэниие хараха юм? Арад үндэһэтэндэшье, хүндэшье адли,

Иоов 34:6

Өөрын зүбые баталһан би худалшан болохоёо байна гүб? Засаг хуулидань зааханшье зүришөөгүй байхадам ами наһыем абажа байна» гэжэ Иоов хэлэбэ.

Исай 1:6

Толгойһоо эхилээд, хүлэй ула хүрэтэр танай бэедэ элүүр энхэ газар үгыл. Шахаагүй, боогоогүй, эм дом түрхеэгүй шарханууд, шулгархай, яранууд лэ байна.

Исай 5:2

Тэрэнээ тойруулан малтажа, шулуунуудһаань сэбэрлээ. Эгээл эрхим үзэмэй жэмэс һуулгаа. Алим жэмэс хамгаалхаяа сэсэрлигэй дунда самхаг баряа. Уһан үзэм шахаха шахуурга малтан зохёогоо. Тиигээд һайхан үзэмэй жэмэс гараха гэжэ найдан хүлеэжэ байхадань, гашуун үзэмэй жэмэс ургаал!

Ерэмияа 11:13

Иудын хан түрын хото бүхэндэ өөрын бурхан бии. Иерусалимай үйлсэ бүхэндэ жэгшүүритэй муухай юумэндэ үргэлэй шэрээ табигдаа, Баалда санзай ууюулхын тула тэдэ бодхоогдоо.

Ерэмияа 15:18

Юундэ минии үбшэн болиногүйб, шархамни эдэгэнэгүйб? Юундэ тэрэ эдэгэхэгүйб? Та үнэхөөр найдажа болохогүй уһандал, шэргэдэг горхондол адли намда боложо, урмыем хухалха гээ гүт? – гэбэб.

Ерэмияа 2:19

Таанадай бузар булай ябадал өөһэдыетнай хэһээхэ, Намһаа буруу хараһантнай өөһэдыетнай дайраха. Намайе, Эзэн Бурханаа, орхихо гээшэ, Намһаа түбэгшөөхэгүй, Намайе хүндэлхэгүй гээшэ таанадта гашуун һургаал болохол! Энээн тушаа мэдэжэ, ойлгожо байгты. Энэ болбол Би, Хүсэн Түгэлдэр Эзэн, Түмэн Сэрэгтэ Бурхан, айладхана мүн!

Ерэмияа 30:12

Эзэн арад зондоо иигэжэ айладхана: Шархатнай эдэгэшэгүй, гэмтэһэнтнай угаа хүндэ.

Ерэмияа 30:14

Бүхы амарагуудтнай таниие мартаа, бэшэ таанадые хэрэгсээхэеэ болёо. Дайсанай сохилтоор, шэрүүн хэһээлтээр таанадые дайрааб, юуб гэбэл, гэм зэмэтнай угаа ехэ. Нүгэлтнай тоолошогүй олон.

Ерэмияа 30:16

Теэд мүнөө таанадые залгигша бүхэн өөрөө залгюулха, дайсадтнай өөһэдөө баряанда орохо, таниие тоногшод өөһэдөө тонуулха, танһаа олзо буляан абагшад өөһэдөө олзолуулагдаха!

Ерэмияа 30:17

Дайсадтнай таниие «Сион – хэндэшье хэрэггүй, хэншье тэрэниие анхархагүй» гээд хэлээ. Теэд Би танда тэнхээ үгэхэб, шархыетнай эдэгээхэб. Энэ болбол Би, Эзэн, айладхана мүн!

Ерэмияа 46:11

Египедэй улад зон, Галаад руу ошогты, эм дом бэдэрэгты. Теэд дэмы бэдэрхэш, шамайе аргалха эм үгы.

Ерэмияа 6:13

Ушарынь гэхэдэ, хүн бүхэн, бага, ехэ хамаагүй, гансал ашаг олзодо шунанхай. Лүндэншэһөө эхилээд, санаартан хүрэтэр бултадаа зониие мэхэлнэ.

Гашуудал 1:5

Дайсадынь диилээ, түрүүлээ, баясажа байна. Оло дахин нүгэл хэһэнэйнь түлөө Эзэн энэ хотодо гай гасалан ушаруулаа. Дайсад үхи хүүгэдыень туун абаашана.

Гашуудал 2:13

Иерусалим! Шамда юу гэжэ хэлэхэбиб, юунтэй жэшээлхэбиб? Сионой басаган, шамайе юунтэй сасуулха, яажа һатааруулхабиб? Гай зоболоншни тэнгис далайдал хизааргүй. Хэн шамайе аргалжа шадахаб?

Гашуудал 3:39

Тиимэһээ нүгэл хэһэн аад, зоной шууялдахань юуштэб?

Гашуудал 4:13

Иерусалим дотор үнэн шударга зоной шуһа урасхуулһан нүгэлтэ лүндэншэдэйнь, гэмтэ санаартадайнь үйлэ хэрэгэй түлөө энэ болоо.

Михей 1:9

Самариин шархань эдэгэшэгүй, Иудадашье энэнь хүрөө, арад зоноймни ажаһуудаг Иерусалимай хаалганууд хүрэтэршье ерээ.

Михей 7:9

Би Тэрэнэй урдаһаа нүгэл хэһэн тула хэрэгыем Тэрэнэй шиидхэтэр, намайе шүүтэрнь Эзэнэй уур хилэн тэсэн ябахаб. Тэрэ намайе гэрэлдэ гаргаха. Тиигээд би үнэн зүбыень хараха болоноб.

Наум 3:19

Шархыеш эдэгээхэ эм дом байхагүй, яра шархаш угаа үбшэнтэй. Шамтай ушарһан гай гасалан тушаа дуулаһан лэ хүн бүхэн баясажа, альгаа ташаха! Юуб гэхэдэ, шинии муу муухай хэрэгүүд бүхы зониие дайраа!