Ерэмияа 30:14 - Библи

¹⁴ Бүхы амарагуудтнай таниие мартаа, бэшэ таанадые хэрэгсээхэеэ болёо. Дайсанай сохилтоор, шэрүүн хэһээлтээр таанадые дайрааб, юуб гэбэл, гэм зэмэтнай угаа ехэ. Нүгэлтнай тоолошогүй олон.

Ерэмияа 30:14 ပူးပေါင်းရင်းမြစ်များ

Иоов 16:9

Уурлан хилэнлэһэн Тэрэ намайе зэрлиг амитаниие мүрдэһэн ангуушан мэтэ намнажа, үбшэн бэеым шүдөөрөө удар татахаар бэлэн байна. Дайсад болон бусад нам тээшэ нюдөө хёлойлгон, ама шүдөө арзайлгана.

Иоов 19:11

Өөрын дайсадай тоодо оруулжа, уур хилэнсэгээ нам тээшэ шэглүүлээ.

Иоов 30:21

Намда хатуу шэрүүнээр хандажа, бүхы шадалаараа хашан, һалхи шуурганда хиидхэн, иишэ тиишэ шэдэлэн байнат.

Исай 57:13

Орилжо байхадатнай шүтөөнүүд таанадта туһалаг лэ! Һалхин тэдэниие бултыень хиидхүүлхэ. Харин Намда этигэгшэд газар дэлхэйе эзэмдэхэ, Минии нангин уулые эзэлэн байха юм».

Ерэмияа 14:17

Өөрынгөө гай зоболон тухай улад зондо дуулгахыемни намда Эзэн захирба. Тэрэ иигэжэ хэлэхыемни айладхаа: Минии нюдэнһөө һүни, үдэргүй нулимса урдан байг. Уйлахаяа оройдоошье болихогүйб, улад зомни аргагүй ехэ сохилтодо дайрагдаба, угаа хүндөөр шархатаа.

Ерэмияа 2:36

Ондоо арад зоной бурхадта мүргэжэ, өөһэдыгөө доромжолбот. Ассириин таанадые наада хараһандал адли Египедшье баһа таниие наада харахал.

Ерэмияа 22:20

Иерусалимай улад зон, Ливаан өөдэ үгсэн гаража, шангаар бархиралдагты, Башаан руу ошон, уй-хай бологты. Абариим дээрэһээ уйлалдагты. Юуб гэбэл, танай тала баримталагша бүхы нүхэдтнай диилдээ.

Ерэмияа 22:22

Танай бүхы удамаршад һалхяар туугдан хамагдаха. Танай тала баримталагша нүхэдтнай баряанда абтаха. Бүхы муу муухай хэрэгүүдһээтнай боложо, хототнай баһуулан, доромжолуулагдаха.

Ерэмияа 30:15

Гэмтэһэн тухайгаа бэшэ бү гомдол баригты, үбшэнтнай эдэгэшэгүй. Гэм зэмэтнай угаа ехэ, нүгэлтнай тоолошогүй олон, тиимэһээл Би таанадые хэһээгээб.

Ерэмияа 32:29

гал табиха. Ондоо бурхадта мүргэжэ, Баалда зорюулан сан санзай бааюулан, Намайе сухалдуулһан тэдэ байшангуудтайнь хамта дайсад энэ хотые дууһан шатааха.

Ерэмияа 32:30

Эхинһээ эхилжэ Израилиин болон Иудын хан түрын улад зон Минии сухал хүргэдэг бэлэй.

Ерэмияа 32:34

Намда мүргэдэг байхаар баригдаһан Һүмэ соо тэдэ жэгшүүритэй муухай шүтөөнүүдөө хэжэ, бузарлаа.

Ерэмияа 32:35

Тэдэ хүбүүд, басагадаа Моолохто үргэн шатаахын тула Бэн-Һинноомой хүндыдэ Баалда зорюулан, үргэлэй газарнуудые байгуулаа. Энээниие үйлэдэхэ тухай Би тэдээндэ захираа бэшэб, иимэ юумэ хэхэ, Иудын хан түрын бүхы зониие нүгэлтэй болгохо гэжэ һанаандамнишье орохогүй байгаа.

Ерэмияа 38:22

Тэрэ үзэгдэл соогоо би Иудын хаанай ордон соо орхигдоһон эхэнэрнүүдые хараа һэм. Тэдэ эхэнэрнүүд Вавилооной сэрэгэй ахамадуудта абаашагдаха. Тэдэ эхэнэрнүүд хаанай нүхэд өөрыень мэхэлбэ, тэдэ хааниие буруушаана. Хүлэйнь шабар шабхада ороходо, нүхэдынь

Ерэмияа 4:30

Һандаргагдаһан Иуда, ши яахабши? Юундэ шад улаанаар хубсалнабши? Юундэ алта шэмэглэлээр бэеэ гоёожо, нюдөө будажа байнабши? Ши дэмыл өөрыгөө гоёонош: амарагуудшни шамайе хаяжа, алахаяа бэлдэжэ байна.

Ерэмияа 44:22

Тиимэһээл Эзэн танай жэгшүүритэй муухай хэрэгүүдые тэсэжэ ядаа, тиимэһээл газартнай зэлүүд хооһон, үзэмжэгүй муухай болоо. Таанад энээниие мүнөө өөһэдөө хаража байна ха юмта даа.

Ерэмияа 5:5

Удамаршадта ошожо, тэдэнтэй хөөрэлдэхэм. Тэдэ, сохом, Эзэнэй эрилтэ мэдэдэг, юу хэхыень Бурханай хүсэдэгые ойлгодог ёһотой» – гэжэ һанаа һэм. Теэд тэдэ бултадаа Эзэнэй эрхэ мэдэл буруушааба, үгыень дуулахаяа арсаба.

Ерэмияа 5:6

Тиимэ ушарһаа ойн арсалан тэдэниие алажа, сүл губиин шоно тэдэниие хюдаха, ирбэс хотонуудайнь хажууда амадан байха, хотонуудһаа гараһан хүн бүхэн таһа татуулха. Юуб гэбэл, тэдэнэй нүгэл ехэ, Бурханһаа буруу хараха ушарынь олошороо.

Ерэмияа 50:42

Тэдэ һурша ном, жада гартаа адханхай, хэрзэгы хархис зантай, хайра гамгүй. Тэдэнэй хашхараан тэнгис далай мэтэ хүнхинэнэ. Вавилооной басаган, шинии урдаһаа дайлахаяа тэдэ нэгэ хүн мэтэ жагсан, морёор гүйлгэлдэн ерэжэ байна!

Ерэмияа 6:23

Тэдэ һурша ном, жада гартаа адханхай, хэрзэгы хархис зантай, хайра гамгүй. Тэдэнэй хашхараан тэнгис далай мэтэ хүнхинэнэ. Сионой басаган, шинии урдаһаа дайлахаяа тэдэ нэгэ хүн мэтэ жагсан, морёор гүйлгэлдэн ерэжэ байна!

Гашуудал 1:19

Би амарагуудаа дуудааб, теэд тэдэ намда урбаа. Санаартадни, үндэр наһатайшуулни хото соо хосоржо байна, үхэлһөө зайлахын тула эдеэ хоол гуйраншалжа ябана.

Гашуудал 1:2

Бүхэли һүниндөө тэрэ сурхирса уйлана, нёлбоһод хасар дээгүүрнь урдана. Дуратай байһан зонойнь дунда тэрэниие һаатуулха хүн үгы, нүхэдынь тэрээндэ урбажа, дайсадынь болонхой.

Гашуудал 2:1

Оо, гай даа! Уур сухал дундаа Эзэн Сионой басагые шэб харанхыгаар хүреэлөө. Израилиин гоо һайханиие огторгойһоо газар руу шэдээ. Уур хилэнтэ үдэртөө нангин үргөө тухайгаашье мартаа.

Эзэкээл 23:22

Эзэн Бурхан иигэжэ айладхана: «Оһолибаа, амарагуудтаяа хамта байхаяа шинии арсажа эхилээшье хадаш Би тэдэниие урдаһааш эрьюулэн, дайсад мэтээр бүхы зүгһөө асархаб.

Эзэкээл 23:9

Тиимэ ушарһаа Би Оһолаагай угаа ехээр дурлаһан Ассириин амарагуудтань өөрыень үгөө һэм.

Даниил 9:11

Израилиин хүн бүхэн Танай хуули ёһо дэбһэжэ, үгыетнай дуулангүй буруу хараа, тиимэһээл Бурханай үнэн зараса Моисейн хуули ёһо соо бэшээтэй тэрэ хараал шэрээл, муухай ёро манай толгой дээрэ буугаал. Бурханай урда иимэ ехэ нүгэлтэй гээшэлди.

Даниил 9:13

Моисейн хуули ёһо соо бэшээтэй тэрэ гай тодхор бидэнтэй тохёолдоошье һаань, бидэ гуйжа Эзэн Бурхандаа хандабагүйбди, нүгэл хэхэеэ болибогүйбди, үнэн зүбыень мэдэрбэгүйбди.

Даниил 9:5

Харин бидэ нүгэлтэйбди, гэм хээбди, буруугаар юумэ үйлэдөөбди, үсэрэлдөөбди, ёһо гуримуудыетнай, хуули ёһонуудыетнай хазагайруулаабди.

Һошээ 2:5

Эхэнь забхай зальхай ябадал гаргаа, хэбэл соогоо шэрээшэнь нэрэеэ гутаагаа. Юуб гэбэл, тэрэ «Эдеэ хоол ба унда, нооһо ба маалинга, оливын тоһо ба үзэмэй дараһан архи үгэдэг амарагуудайнгаа хойноһоо ошохом» гэжэ хэлээ бэлэйл.

Һошээ 5:14

Арсаландал адляар Би Израилиин арадта, Иудын уладта добтолон орохоб. Тэдэниие таһа татан, шэрэн абаашажа байхадам, хэншье тэдэниие Намһаа абаржа шадахагүй!

Авдии 1:7

Шамтай холбоотой хамаг зон хилэ руу шамайе шахажа, эбтэй нүхэдшни мэхэлжэ, хүсөөрөө шамайе диилэхэ. Шамда хүндэлүүлдэг зон урьха шамда табиха, Тэрээниие ши ойлгохошгүйш!