Ерэмияа 28:4 - Библи

⁴ Би мүн лэ Иудын хаан, Ёякиимэй хүбүүн Ехонияа гэгшые Вавилоон руу сүлэгдэһэн Иудын бүхы зонтойнь хамта һөөргэнь бусаахаб. Мүн даа, Вавилооной хаанай хүсэ шадалые бута сохин бууруулхаб. Энэ болбол Би, Эзэн, айладхана гээшэб! – гэжэ тунхаглана.

Ерэмияа 28:4 ပူးပေါင်းရင်းမြစ်များ

Эхин 27:40

Һэлмээ һугалан олзолһон юумээрээл амяа тэдхэхэш. Дүүгэйнгээ зараса болохош. Гэбэшье эсэргүүсэн тэмсэбэл, дарлалтаһаа мултаржа магадгүйш.

4 Хаан түрэнүүд 24:14

Навуходосонор тэрэнэй бүхы түшэмэлнүүдые, бүхы баяшуулые, бүхы хүнүүдые – хамтадаа арбан мянган хүнүүдые, мүн түмэршэ ба гар үзүүрэй дархашуулые Иерусалимһаа сүлэн ябуулба. Тиихэдэнь гансал үгытэйшүүл тэндэ үлэбэ.

Исай 9:4

Тэдэниие даража байһан хөөмэгшэ, сохижо байһан ташуурые Та эбдээт. Хэзээ нэгэтэ Мидианай сэрэг һамна бута сохиһондол, Өөрынтнай зониие дарлажа-мүлжэжэ байһан арадые Та бута сохёот.

Ерэмияа 13:19

Урда хан түрын хотонууд сэрэгээр бүһэлэгдэнхэй, хэншье тэдэниие абаржа шадахагүй. Иудын хан түрын бүхы зон баряанда туугдаа, бултадаа туугдан ошоо, – гэбэ.

Ерэмияа 2:20

Израиль, ши Минии эрхэ мэдэл дороһоо үнинэй гарааш. Минии үгэ дуулахаһаа, Намда мүргэхэһөө арсааш. Үндэр гүбээн бүхэн дээрэ, һаглагар модон бүхэн доро шүтөөнүүдтэ мүргэжэ байгааш.

Ерэмияа 22:10

Иудын хан түрын зон, үхэһэн хүнэй хойноһоо бү уйлагты, бү гашуудагты. Баряанда туугдан ошоһон хүнэй хойноһоо сурхирса уйлыт. Тэрэ хэзээшье һөөргөө эрьен ерэхэгүйл, түрэл нютагаа хэзээдэшье харахагүйл.

Ерэмияа 22:24

Эзэн Ёякиимэй хүбүүн, Иудын хаан Ехонияа гэгшэдэ иигэжэ айладхаба: – Би Өөрөөрөө тангаригланаб, Минии баруун гарта тамгатай бэһэлигшье байгаа һааш, Би шамайе һугалжа хаяхаб!

Ерэмияа 24:1

Эзэнэй намда үзэгдэл үзүүлхэдэнь, Эзэнэй үргөөгэй урда табяатай хоёр түрсүүг инжир харабаб. (Энэ хадаа Вавилооной хаан Навуходоносорой Иудын хаан, Ёякиимэй хүбүүн Ехонияа гэгшые, Иудын түшэмэлнүүдые урашуул болон дархашуултай хамта Иерусалимһаа олзолон абажа, Вавилоон руу абаашаһанай удаа болоо бэлэй.)

Ерэмияа 24:5

– Би, Израилиин Эзэн Бурхан, Вавилоон руу Иудаһаа туужа абаашагдаһан улад зон энэ һайн инжиртэл адли гээд тоолоноб. Би тэдээндэ һайнаар хандахаб.

Ерэмияа 27:8

Харин Вавилооной хаан Навуходоносорто алба хэдэггүй, мэдэл доронь ородоггүй үндэһэ яһатан гү, али хаан түрэ олдоо һаань, Би тиимэ үндэһэ яһатаниие Навуходоносорой гараар усадхатараа дайн дажараар, үлэсхэлэн хооһон байдалаар болон тахал үбшөөр зобоон-хэһээн байхаб.

Ерэмияа 28:10

Тиихэдэ Ханаанияа лүндэншэн минии хүзүүнһээ хөөмэгшэ шүүрэн абажа хаяад, бута сохибо.

Ерэмияа 28:2

– Израилиин Бурхан, Түмэн Сэрэгтэ Эзэн иигэжэ айладана: – Вавилооной хаанай хүсэ шадалые бута сохин бууруулхаб.

Ерэмияа 29:1

Иерусалимһаа Вавилоон руу баряанда Навуходоносорой туужа абаашаһан аха захатанда, санаартадта, лүндэншэдтэ, мүн бүхы зондо би бэшэг бэшээ һэм.

Ерэмияа 29:2

Ехонияа хаанай, тэрэнэй хатан эхын, ордоной түшэмэлнүүдэй, Иудын хан түрын болон Иерусалимай ноёдой, уран гартанай болон дархашуулай Иерусалимһаа гаргагдан туугдаһанай удаа

Ерэмияа 30:8

Түмэн Сэрэгтэ Эзэн айладхана: Тэрэ дүтэлжэ байгаа үдэр Би тэдэнэй хүзүүн дээрэхи хөөмэгшые эбдэхэб, гэнжыень таһалхаб. Тиихэдэм тэдэ хариин зоной богоол болохоёо болихо.

Левит 26:13

Би Эзэнтнайб, таанадые богоол болоод, Египедэй газарта зобохогүйн түлөө хөөмэгшыетнай бута сохёоб, толгойетнай дээрэ үргүүлэн, таанадые дахуулжа, тэндэһээ гаргаа бэлэйб.

Наум 1:13

Мүнөө Би таанарай хүзүүн дээрэ байгааша хөөмэгшые бута сохин эбдэхэб, таанарые хүлин байгаа аргамжануудые таһалхаб!»