Ерэмияа 28:15 - Библи

¹⁵ Энээниие би лүндэншэн Ханаанияада дуулгажа, үшөө: – Ханаанияа, шагна! Эзэн шамайе эльгээгээгүй. Зониие худал юумэндэ этигүүлжэ байнаш!

Ерэмияа 28:15 ပူးပေါင်းရင်းမြစ်များ

3 Хаан түрэнүүд 22:23

Тиигээд мүнөө Эзэн шинии лүндэншэдые худал хэлэдэг болгоо. Тэрэ шамда гай тодхор ушаруулха гээд шиидээ.

Ерэмияа 20:6

Шам тухай хэлэхэ болоо һаа, Пашхуур, ши гэр бүлөөрөө олзо болон Вавилоон руу баряанда ошохош. Тэндэ ши буулгаһан хуурмаг абаралнуудыешни соносодог нүхэдтэйгээ хамта үхэхэш, тэндээл хүдөөлүүлэгдэхэт», – гэжэ айладхал буулгабаб.

Ерэмияа 23:21

Эзэн айладхана: – Би энэ худал лүндэншэдые эльгээгээгүйб, тэдэ өөһэдөө ошоо. Би тэдээндэ ямаршье айладхал буулгаагүйб, тэдэ өөһэдөө Минии нэрэһээ тунхаглал тараана.

Ерэмияа 23:31

Өөрынгөө үгэнүүдые Минии үгэнүүд мэтээр соносходог худал лүндэншэдэй урдаһаа эсэргүүсэнэб!

Ерэмияа 27:15

Тэдэниие эльгээгээгүй тухайгаа Өөрөө Эзэн тунхаглаа бэлэйл. Эзэнэй таанадые үлдэн гаргахын, таанадай үхэхын тула тэдэ зорюута Эзэнэй нэрэһээ худал үгэнүүдые соносхоно. Тиигэжэ таанад болон энэ худал үгэнүүдые хэлэгшэ лүндэншэд алуулхат.

Ерэмияа 28:11

Тиигээд тэрэ бүхы зоной байһаар байтар иигэжэ хэлэбэ: – Бүхы үндэһэ яһатанай хүзүүндэ Навуходоносор хаанай углаһан хөөмэгшые хоёр жэлэй туршада тон иимээр бута сохин һалгаахаб гэжэ Эзэн айладхана. Тиихэдэнь би ябашабаб.

Ерэмияа 29:23

Жэгшүүрилтэй муухай юумэ тэдэ Израиль соо хээ: хадамтай эхэнэрнүүдтэй забхайралдаа, Эзэнэй нэрэһээ худал юумэ тунхаглаа. Харин Эзэн иимэ юумэ хэлэхыень тэдээндэ захираагүй бэлэй. Тэдэнэй хэһэн юумые Эзэн мэдэнэ, Тэрэ – урдаһаань тулаха гэршэ.

Ерэмияа 29:8

Би, Түмэн Сэрэгтэ Эзэн, Израилиин Бурхан, таанадай дунда ажаһуудаг лүндэншэд болон үзэлшэдтэ бү мэхэлүүлэгты гэжэ таанадые һэргылнэб. Тэдэнэй зүүдэлдэг зүүдэнүүдые бү тоогты.

Ерэмияа 7:8

Үзөөрэйгты, таанад худал хуурмагта найдажа байнат, энээнһээ аша үрэ гарахагүй!

Гашуудал 2:14

Лүндэншэдшни шамда дэмы юумэ, худал хэлэжэ байгаа, шинии нүгэлнүүдые буруушаагаагүй, баряанда туугдан ошохыешни болюулаагүй. Тэдэ шамда худал хуурмаг үгэнүүдые хэлэжэ, туугдан ошохо туйлдаш хүргөө.

Эзэкээл 13:22

Минии дайрангүй орхихоёо һанаһан арюун сэбэр ябадалтай зондо таанад һаад хэнэт. Харин муу муухай ябадалтай зониие муу ябадалтай зандаа үлэхэдэнь урмашуулжа, дэмжэжэ байнат.

Эзэкээл 13:6

Тэдэ худал хуурмагаар үзэл хараабди гэжэ, Минии, Эзэнэй, тэдэниие эльгээгээгүй байхада «Эзэн тунхаглажа байна» гэжэ хэлэжэ, худалаар лүндэн табина. Тиигээд тэдэ өөһэдын үгэнүүдые бэелхэ гээд зониие дэмы найдуулна.

Эзэкээл 13:9

Худал үзэл үзэдэг, уридшалан хэлэнэбди гэжэ худал тунхагладаг лүндэншэдые Би хэһээхэб. Минии улад зоной зүбшэжэ байхада тэдэ хамта байлсахагүй, нэрэнүүдынь Израилиин арад түмэнэй тоо бүридхэл соо бэшэгдэхэгүй, һөөргөө Израилиин газар уһан руу тэдэ бусахагүй. Тиихэдээ тэдэ Намайе Эзэн Бурхан гээд мэдэхэ.

Эзэкээл 22:28

Тиихэдэнь лүндэншэдынь тэрэ нүгэлыень бүглэжэ, худал үзэгдэл хаража, уридшалан хэлэхэдээ, хуурмаг юумэ дуулгана. Дээдэ Эзэн иигэжэ айладхаа гээд тэдэ хэлэнэ, харин Би тэрэ юумыень оройдоошье айладхаагүй бэлэйб.

Захарияа 13:3

Хэрбээ хэн нэгэн худал үзэл үзүүлбэл, тэрэ хэһээгдэхэ. Түрэһэн эхэ эсэгэньшье «Эзэнэй нэрээр худалаар хэлэнэш, ушар тиимэһээ ши үхэхэ ёһотойш» гэхэ.

Хуули дабталга 13:6

Шамда дүтэ хэн нэгэн – аха, дүүшни, хүбүүншни гү, али басаганшни, дуратай һамганшни гү, али анда нүхэршни шинии, мүн үбгэ эсэгэнэрэйшни мэдэхэ танихагүй ондоо бурхадта мүргэдэг болохыеш һэмээхэнээр үгэдөө оруулха һанаатай, «ошожо, ондоо бурхадта зальбардаг болоё» гээд хэлээ һаань,

Хуули дабталга 18:20

Минии айладаагүй юумэ Минии нэрэһээ лүндэншын ярибал, мүн ондоо бурхадай нэрэһээ хэлэбэл, иимэ лүндэншэ үхэхэ ёһотой».