Ерэмияа 28:14 - Библи

¹⁴ Түмэн Сэрэгтэ Эзэн, Израилиин бурхан, эдэ бүхы үндэһэ яһатан дээрэ түмэр хөөмэгшэ углаха, тиихэдэнь тэдэ Вавилооной хаан Навуходоносорто алба хэдэг болохо. Зэрлиг амитадыешье Навуходоносорто алба хэдэг Тэрэ болгохол!» гээд Ханаанияада дуулга, – гэбэ.

Ерэмияа 28:14 ပူးပေါင်းရင်းမြစ်များ

Ерэмияа 15:12

Эзэн намда: – Хэн нэгэн түмэр, хойто зүгһөө асарагдаһан түмэр, үгышье һаа, гуулин хухалжа шадаха гү? Үгы!

Ерэмияа 27:4

Түмэн Сэрэгтэ Эзэн, Израилиин Бурхан, иимэ айладхал хаашуулдаа тэдэнэй дуулгаха тухай минии хэлэхые захирба:

Ерэмияа 27:8

Харин Вавилооной хаан Навуходоносорто алба хэдэггүй, мэдэл доронь ородоггүй үндэһэ яһатан гү, али хаан түрэ олдоо һаань, Би тиимэ үндэһэ яһатаниие Навуходоносорой гараар усадхатараа дайн дажараар, үлэсхэлэн хооһон байдалаар болон тахал үбшөөр зобоон-хэһээн байхаб.

Ерэмияа 40:4

Зай, би таниие гэнжэһээ сүлөөлнэб. Намтай хамта Вавилоон руу ошохоёо һанаа һаатнай, би тан тухай һанаагаа табидаг байхаб, ошоходотнай болохо. Харин ошохоёо һанаагүй һаа, бү ошогты. Бүхы орон нютаг танай урда байна, дуратай газартаа ошоходотнай болохо.

Гашуудал 1:14

Нүгэлөөрни Тэрэ хөөмэгшэ хэжэ, гартаа уян баряа, тэрэ хөөмэгшэ хүзүүем дарана, тэрээн доро хүсэгүй бүдэрэн байнаб. Мултархын аргагүй гарта намайе Эзэн дамжуулаа!

Даниил 2:38

Хүн түрэлтэниие, хаанашье байг, ан арьяатаниие, жэгүүртэ шубуудые танай мэдэлдэ Тэрэ үгөө. Тэрэ хүрэгэй алтан толгой гэбэл, та болонот.

Һошээ 10:11

Таряа сохихо ажалда һурамхи гунжан үнеэн мэтэ Израиль. Би Өөрөө һайхан хүзүүн дээрэнь хөөмэгшэ тохохоб, хүндэ ажалда хүдэлүүлхэб. Иудые газар хахалха, Яковые борнойлхо ажалда зарахаб.

Хуули дабталга 28:48

Эзэн таанадай урдаһаа дайсадые эльгээхэ. Тэдээндэ алба хэхэт. Үлэн хооһон, ехэ ангаһан, нюсэгэн сурба, бүхы юумээр дуталдажа ажаһуухат. Хүзүүндээ хөөмэгшэ углуулһандал, үхэтэрөө хүшэр хүндэ мүлжэлгэ, дарлалта доро байхат.

Хуули дабталга 4:20

Таанадые Эзэн түмэр зууха сооһоо абажа гаргаһандал, Египедһээ абаран гаргаа. Өөрын арад түмэн болгохын тула. Энэнь бэелээ.