Ерэмияа 25:8 - Библи

⁸ Тиимэ ушарһаа Түмэн Сэрэгтэ Эзэн иигэжэ айладхажа байна: – Таанадай Минии үгэ дуулаагүй һэн тула

Ерэмияа 25:8 ပူးပေါင်းရင်းမြစ်များ

2 Угай бэшэг 24:19

Өөртэнь эрьен ерэхыень лүндэншэдыешье Тэрэ арад түмэндэ эльгээгээ. Тэдэнь зондо ойлгуулан хэлээ, гэбэшье зон анхарбагүй.

Исай 42:24

«Хэн Яковые дээрмэшэдтэ дамжуулжа үгөөб? Хэн Израилиие һүйдхэгшэдтэ үгөөб? Эзэн бэшэ гү? Бидэ Тэрэнэй урдаһаа нүгэл үйлэдөө бэлэйлди. Тэрэнэй үгөөр ажаһуугаагүйбди, хуулииень сахяагүйбди.

Ерэмияа 19:15

Израилиин Бурхан, Түмэн Сэрэгтэ Эзэн иигэжэ айладана: «Үзөөрэйгты, Минии үгэ дуулахагүй гэжэ үсэрхэһэнэйтнай түлөө Би тунхаглаһан бүхы гай тодхороо энэ хотодо болон оршон тойронхи һууринуудтань шэглүүлхэмни», – гээшые дуулгаа һэм.

Ерэмияа 22:21

Амжалтатай, дэбжэн байха үедэтнай Эзэнэй таанадта хандабашье, таанад үгыень дуулахаһаа арсаат. Бүхы наһаараа иигэжэ ябаат, үгыень дуулаагүйт.

Ерэмияа 25:7

Теэд Эзэнэй айладхаһаар, таанад Тэрэнэй үгэ дуулахаһаа арсаат. Өөһэдынгөө бүтээһэн шүтөөнүүдөөр Тэрэнэй уур сухал хүргөөт, өөһэдтөө гай тодхор татаат.

Ерэмияа 25:9

хойто зүгэй арадуудай болон Өөрынгөө албатан, Вавилооной хаан Навуходоносорой хойноһоо эльгээжэ, танай орон нютагай, улад зонойтнай, хүршэ арадуудайтнай урдаһаа дайлахыень асархамни. Таанадые хүршэнэртэйтнай хамта бүримүһэн усадхажа, хэтэ мүнхын һандарал, аймшагтай, угаа муухай зүйл болгон үлөөхэб. Энэ болбол Би, Эзэн, айладхана мүн!

Ерэмияа 29:19

Минии тэдээндэ Өөрын зарасанараа – лүндэншэдээ хэдэн дахин эльгээжэ байбашье, тэдэ Минии үгэ дуулахаяа арсаа.

Захарияа 1:4

«Нүгэлтэ харгыһаа, хилэнсэгтэ үйлэ хэрэгүүдһээ зайлагты», – гэжэ урданай лүндэншэд таанарай үбгэ эсэгэнэртэ хэлэдэг байгаашье һаань, тэдэ Намайе дуулаагүй, үгыем анхараагүй. Тиимэрхүү үбгэ эсэгэнэртээ адляар бү байгты гэжэ Түмэн Сэрэгтэ Эзэн айладажа байна.