Ерэмияа 25:10 - Библи

¹⁰ Баярай, хүхилдөөнэй абяа, түрэ найрай жаргалтай абяа дуунуудые Би таанадта таһалдуулхаб. Талха татаха орооһогүй, дэн аһааха тоһогүй болохот.

Ерэмияа 25:10 ပူးပေါင်းရင်းမြစ်များ

Эстээр 3:13

Энэ зарлигай ёһоор иудей он тоололгын арбан хоёрдохи һарын, ондоогоор хэлэбэл, адаар һарын арбан гурбанда, нэгэ үдэрэй туршада хүгшэн залуу гэжэ илгангүй, хүүгэд, эхэнэр гэжэ хайрлангүй, бүхы иудейнүүдые алажа хюдаад, эд зөөрииень хуряан абаха ёһотой байба. Хаанай элшэнэр улас түрын бүхы можо аймагуудаар иимэ бэшэгүүдые абаашаба.

Эстээр 7:4

Маанадые мүнгэнэй түлөө усадхаха гэжэ байна. Хэрбээ минии арад түмэниие нээрээшье богоол болгон худалдаха гэжэ байгаагүй һаань, эзэн хаамни, танда би нэгэшье хандахагүй байгааб.

Эстээр 8:11

Хаанай нэрээр бүтээгдэһэн энэ зарлигай ёһоор бүхы хотонуудаар ажаһуугааша иудейнүүд сугларжа, өөһэдыгөө хамгаалха эрхэтэй болобо. Энэ юун бэ гэбэл, хэрбээ ямар нэгэн угсаатанай гү, али нютаг можын зоной иудейнүүдые дайража, эхэнэр, хүүгэдтэ добтолжо, эд зөөрииень буляажа абахаяа һанаа һаань, иудейнүүд мүн лэ тэдээндэ добтолжо, бүхы зонииень алажа усадхаад, эд зөөрииень олзолхо эрхэтэй болоо бэлэй.

Исай 47:2

Таряа тээрмэдэ! Нэмэргэеэ абажа, хормойгоо шуугаад, нюсэгэн хүлөөрөө гол гатала!

Ерэмияа 16:9

Минии, Израилиин Бурханай, Түмэн Сэрэгтэ Эзэнэй айладхал соносогты! Танай амиды мэндэ, хараһаар байтартнай хүхюун зугаагай, түрэ найрай жаргалтай абяануудые үгы болгон болюулхаб.

Ерэмияа 48:33

Моһаабай үрэжэлтэ газарта жаргал, баяр таһалдаба. Үзэмэй жэмэсээр архи дараха хэрэг болюулааб. Үзэмэй архи дараха, баярай абяа гаргаха хэншье үгы.

Ерэмияа 7:34

Энэ газар ханха зайдан болохо. Иудын хотонуудаар болон Иерусалимай үйлсэнүүдээр зугаа нааданай, баяр баясхалангай абяа дууе, түрэ найрай жаргалтай абяа Би таһалдуулхаб!

Гашуудал 5:15

Зүрхэнэймнай баяр замхаба, хатарнай уй гашуудалаар һэлгэгдэбэ.

Эзэкээл 26:13

Энээнэй удаа дуу дуулаха, ятагаар наадан хүгжэмлэхэ абяан бэшэ дуулдахагүй.

Һошээ 2:11

Баяр зугааень – жэл бүриин болон һара бүриин һайндэрнүүдыень, амаралтын үдэрэй һайндэрые, юрэдөө, бүхы сэнгэл зугааень үгы хэхэб.