Ерэмияа 23:36 - Библи

³⁶ Иигээд тэдэ «Эзэнэй хүндэ ашаан» гэһэн үгэнүүдые дуугарха ёһогүй. Тиигэжэ дуугараа һаань, Би айладхалаа тэдээндэ үнэхөөр хүндэ ашаан болгожорхихоб. Улад зон Минии, өөһэдынгөө амиды мэндэ Бурханай, Түмэн Сэрэгтэ Бурханай, үгые ондоо болгоо.

Ерэмияа 23:36 ပူးပေါင်းရင်းမြစ်များ

4 Хаан түрэнүүд 19:4

Ассириин хаан ахамад түшэмэлөө амиды Бурханиие доромжолхо-баһахын тула эльгээгээ. Эзэн Бурхантнай баһаһан тэдэ үгэнүүдые соносожо, хэлэһэн хүнүүдыень хэһээхэ бэзэ. Амиды мэндэ үлэһэн өөһэдынгөө зон тушаа Бурхандаа зальбарыт».

Псалманууд 12:3

Би хэды болотор һанаагаа зобон байхабиб? Бүхэли үдэртөө зүрхэм үбдэнэ. Хэды болотор дайсадни дээгүүрни гараад байхаб?

Псалманууд 120:3

Тэрэ шамайе хүл алдуулхагүй. Шамайе Хамгаалагша һажахагүй.

Псалманууд 149:9

бэшэгдэһэн шүүхын шиидхэбэриие тэдэнэй талаар гүйсэдхэхын тула. Энэ хадаа Тэрээндэ үнэн сэхэ зондо хүндэтхэл мүн. Эзэниие магтагты!

Псалманууд 64:8

Долгиной шааяае, зоной шууялдахые, далайн хүнхинөөе Та номгоруулаат!

Һургаал 17:20

Хуурмаг хүн һайниие олохогүй. Хара мэхэтэй хүн зоболондо орохо.

Исай 28:22

Минии һэргылхэдэ, наада бү баригты! Тиигээ һаа, таанад тэрьедэжэ шадахагүйт. Түмэн Сэрэгтэ Эзэнэй бүхы орон нютаг хюдан һалгааха гэһэн түсэб тушаа би дуулаһан байнаб!

Исай 3:8

Иерусалим бүдэрэн унахаяа байна, Иудын хан түрэ доройтон һандарна, юуб гэхэдэ, тэдэ Эзэнэй урдаһаа һөөргэдэн дуугарна, хэрэг ябуулна, Алдарта Бурханай хараа нюдэндэ энэ доромжолол мүн.

Ерэмияа 10:10

Харин Та, Эзэн, ори ганса, үнэн бодото Бурхан болонот. Та – амиды Бурхан, хэтэ мүнхэдөө зонхилдог Хаан гээшэт. Танай уур сухалһаа газар дэлхэй доһолжо, үндэһэ яһатан Танай уур хилэн тэсэжэ шададаггүй.

Ерэмияа 23:37

Лүндэншэһөө «Эзэн юун гэжэ харюусааб?» гэжэ гү, али «Эзэн юун гэжэ айладхааб?» гэжэ асуугаарайгты.

Гашуудал 2:14

Лүндэншэдшни шамда дэмы юумэ, худал хэлэжэ байгаа, шинии нүгэлнүүдые буруушаагаагүй, баряанда туугдан ошохыешни болюулаагүй. Тэдэ шамда худал хуурмаг үгэнүүдые хэлэжэ, туугдан ошохо туйлдаш хүргөө.

Матвей 12:36

Зарга шүүбэриин болохо Үдэр таанад хэзээшьеб дэмы шашаһан үгэ бүхэнэйнгөө түлөө тоосоо хэжэ харюусахат гэжэ таанарта баталан хэлэнэб.

Лука 19:22

Эзэниинь тэрээндэ хэлэбэ: «Хара мэхэтэй барлаг, хэлэһэн үгыншни ёһоор шамайе хэһээхэб! Өөрын бэшэ юумэ абадаг, өөрөө таряагүй ургаса хададаг шэрүүн хүн гэжэ намайе мэдэжэ байгааш.

Хэрэгүүд 14:15

– Хүнүүд, юу хэжэ байнабта? Бидэ таанадтал адли юрын хүнүүд гээшэбди! Таанадай онгонуудһаа зайсажа, дээдэ огторгой, газар, далай, досоонь байгааша бүхы юумэ бүтээһэн Амиды Бурханда һүгэдэн хандахынтнай тула бидэ таанадта Һайн Мэдээсэл асараабди.

Галадуудта 6:5

Юуб гэхэдэ, хүн бүхэн өөрынгөө ашаа бэрхэшээлые өөр дээрээ абажа ябаха.

Хуули дабталга 5:26

Гал дүлэн сооһоо дуугаржа байһан амиды Бурханай хоолойе бидэндэл адли дуулажа, амиды мэндэ үлэһэн амитан бии юм аал?

Фессалоникиинхидтэ 1-дэхи 1:9

Маанадай таанадта ошоходо, таанадай яажа бидэниие угтажа абаһан тухай, онгонуудаа орхижо, Бурханда хандаһан тухайтнай булта хөөрэлдэнэ. Үнэн зүб ба амиды Бурханда алба хэхэ һанаатайгаар, маанад дээрэ ерээдүйдэ бууха ёһотой Бурханай уур сухалһаа аршалжа байһан, үхөөд амидырһан Христоосой тэнгэриһээ буужа ерэхые хүлеэхэ һанаатайгаар таанад Бурханда хандаат.

Пётрой 2-дохи хандалга 3:16

Павел хандалга бүхэндөө энээн тухай хэлэнэ. Тэрэнэй хандалганууд соо ойлгоходо хүшэр юумэнүүд баһа бии, тэрэнииень үндэһэ һууригүй, харанхы мунхаг хүнүүд Нангин Бэшэгэй ондоошье номуудтал адли буруугаар, хазагайруулан тайлбарилдаг. Тиигэжэ тэдэ зон өөһэдтөө үхэл бэдэрнэ.

1 Хаан түрэнүүд 17:26

Тиихэдэнь Давид хажуудаа зогсожо байһан хүнүүдтэ: – Энэ пилишт хүниие алажа, Израилиие доромжолхые болюулһан хүн ямар шагнал абахаб? Бэлгэеэ отолуулаагүй энэ пилишт хүн амиды Бурханай сэрэгые доромжолжо байха хэн гээшэб? – гэбэ.

1 Хаан түрэнүүд 17:36

Танай богоол болохо би арсалан, баабгайн али алинииньшье алаһан байхаб. Тэрэ бэлгэеэ отолуулаагүй пилишт хүндэ амиды Бурханай сэрэгые доромжолһонойнь түлөө тэдээндэл адли юумэн болохо, – гэбэ.