Ерэмияа 23:31 - Библи

³¹ Өөрынгөө үгэнүүдые Минии үгэнүүд мэтээр соносходог худал лүндэншэдэй урдаһаа эсэргүүсэнэб!

Ерэмияа 23:31 ပူးပေါင်းရင်းမြစ်များ

3 Хаан түрэнүүд 22:11

Хэнаанаагай хүбүүн Цэдэкиия өөртөө түмэр эбэрнүүдые хэжэ, иигэжэ соносхобо: – Эзэн мүн айладхана: Араамай улад зониие иимэ эбэрнүүдээр мүргэжэ, дууһан хюдахаш.

2 Угай бэшэг 18:5

Израилиин хаан дүрбэн зуугаад лүндэншые суглуулжа: – Галаадай Рамоодто добтолхомнай гү, али үгы гү? – гэжэ асууба. Тэдэ: – Добтологты, Бурхан тэрэниие танай гарта үгэжэ байна, – гээд харюусаба.

Исай 30:10

Тэдэ үзэлшэдтэ «үзэл бү үзэгты» гэнэ, мэдэлшэдтэ «мүн болохо юумэ бидэндэ бү харуулагты, бидэнэй дуулахаяа һанаһан юумэ хэлэгты, аятай юумэ мэргэлэгты.

Ерэмияа 23:17

Минии үгэ дуулахаһаа арсадаг зондо тэдэ «Амар амгалан байхат» гэжэ хэдэн дахин хэлэжэл байна. Үсэд, һанаашаараа юумэ хэдэг зондо «гай тодхор таанадтай тохёолдохогүй» гээд хэлэнэ.

Ерэмияа 23:30

Бэе бэеһээ дуулаһан үгэнүүдээ Минии айладхал гээд тунхагладаг худал лүндэншэдэй урдаһаа эсэргүүсэнэб!

Ерэмияа 23:32

Минии, Эзэнэй, айладхал шагнагты! Худал зүүдэнүүдээ хөөрэжэ, тэдэ худал хуурмагаараа болон һайрхуу үгэнүүдээрээ арад зонойм толгой эрьюулнэ. Би тэдэниие эльгээгээгүйб, ямаршье захиралта үгөөгүйб. Тэдэ улад зондо ямаршье туһагүй. Энэ болбол Би, Эзэн, айладхана мүн!

Ерэмияа 28:15

Энээниие би лүндэншэн Ханаанияада дуулгажа, үшөө: – Ханаанияа, шагна! Эзэн шамайе эльгээгээгүй. Зониие худал юумэндэ этигүүлжэ байнаш!

Ерэмияа 28:17

Иигэжэ Ханаанияа тэрэл жэлэй долоодохи һарада наһа бараа бэлэй.

Михей 2:11

Һалхин мэтэ хүн, таанадай һанаае худалаар тэгшэлжэ, «үзэмэй дараһан архи тухай болон үшөө дахин үзэмэй дараһан архи тухай!» гэжэ хэлэжэ байгааша хүн һанаандатнай таараха байгаа.

Хуули дабталга 18:20

Минии айладаагүй юумэ Минии нэрэһээ лүндэншын ярибал, мүн ондоо бурхадай нэрэһээ хэлэбэл, иимэ лүндэншэ үхэхэ ёһотой».