Ерэмияа 23:20 - Библи

²⁰ Тэрэнэй һанаһанаа хээгүйдэнь энэ түгэсэхэгүй. Зон һүүлдэнь лэ энээниие ойлгохо.

Ерэмияа 23:20 ပူးပေါင်းရင်းမြစ်များ

Эхин 49:1

Яков хүбүүдээ ерүүлээд, иигэжэ хэлэбэ: – Зай, тойроод зогсогты, хүбүүдни. Ерээдүйдэ юун таанадые хүлеэнэб гэжэ хэлэхэмни.

3 Хаан түрэнүүд 8:47

Баряанда байхадаа тэдэ һэгээ орожо, «бидэ нүгэл хээбди, муу юумэ үйлэдөөбди, зэмэтэйбди» гэжэ нүгэлөө мэдэрэн гэмшэбэл, Танда зальбарбал,

4 Хаан түрэнүүд 23:26

Теэд Мэнашшээ харатай бузар хэрэгүүдээрээ Эзэниие доромжолжо, Иудын арад зондо аймшагтайгаар Тэрэниие сухалдуулжа, тэрэ уур хилэнсэнь заахашье замхаагүй бэлэй.

4 Хаан түрэнүүд 23:27

Эзэн иигэжэ хэлэнэ: – Би Израилиие газар дайда дээрэһээнь намнагшадал тон адляар иудынхидые баһал Өөрынгөө нюдэнһөө холодхон намнахаб! Би шэлэгшэ Иерусалим хотоһоо арсахаб! Би яагаад израильшуудые Өөрһөө холодхон намнаабиб, эгээл тэрээн шэнгеэр иудынхидые намнахаб! Минии шэлэгшэ хото – Иерусалимһаа арсахаб! «Эндэ Минии нэрэ оршохо» гэжэ хэлэһэн һүмэһөө арсахаб!

Һургаал 21:30

Эзэнэй һанаагүйдэ мэргэн сэсэн, оюун ухаан, хүнэй түсэб түлэблэл юуншье бэшэ.

Исай 14:24

Түмэн Сэрэгтэ Эзэн иигэжэ тангариг үргөө: «Үнэхөөр Минии һанаһан хэрэг бэелжэ, Минии түсэблэһэнэй ёһоор үйлэ бүтэхэ.

Исай 55:11

Минии айладаһан үгэ Намдаа һөөргөө бусадаггүй, һанаһан юумыемни бүтээдэг, Минии эльгээһэн зорилгонуудые дүүргэдэг.

Ерэмияа 30:24

Тэрэнэй һанаһанаа бэелүүлээгүйдэ уур хилэнгынь буурахагүй. Ерээдүй сагта зон эдэ бүгэдые ойлгохо.

Ерэмияа 4:28

Хосорһон зонойнгоо хойноһоо улад гашуудан уйлаха, огторгой гүн харанхы болохо. Би айладхааб, Би шиидээб, хожом тэрээн тушаа гэмшэхэгүйб, һөөргөө эрьежэ байхагүйб!

Ерэмияа 51:12

Вавилооной хэрэм хананууд руу добтолжо эхилхэ тухай тэмдэг үгэгты! Харуул бүхэлэгты, манаа табигты! Хүниие отуулагты!» Вавилооной улад зондо хэхэб гэжэ айладхаһанаа Эзэн бэелүүлбэ гээшэл.

Эзэкээл 21:10

Таанадые алахын тула тэрэ хурсадхагдаа, сахилгаан мэтэ ялаганахын тула мэлигдээ. Хэншье бү баярлаг, юуб гэхэдэ, хүн бүхэнтнай һэргылэлтэнүүдыем анхараагүй, тоогоогүй.

Эзэкээл 21:5

Һэлмэеэ хуй руу һөөргэнь хэхэгүй тухайм амитан бүхэн ойлгохо.

Захарияа 1:6

Минии богоол болохо лүндэншэдтэ һургаал болгон дамжуулһан Минии үгэнүүд, Минии гаргаһан шиидхэбэринүүд танай эсэгэ элинсэгүүдтэ бэелээгүй гэжэ байгаа гү? Тэдэ хэлэгшэ бэлэй: «Ябаһан харгыемнай, хэһэн хэрэгыемнай Эзэн яажа сэгнээ һэм, тиимээр лэ үйлэ бүтээгээ», – гэжэ Түмэн Сэрэгтэ Эзэн тунхаглаба гэбэ.