Ерэмияа 22:24 - Библи

²⁴ Эзэн Ёякиимэй хүбүүн, Иудын хаан Ехонияа гэгшэдэ иигэжэ айладхаба: – Би Өөрөөрөө тангаригланаб, Минии баруун гарта тамгатай бэһэлигшье байгаа һааш, Би шамайе һугалжа хаяхаб!

Ерэмияа 22:24 ပူးပေါင်းရင်းမြစ်များ

4 Хаан түрэнүүд 24:12

Иудын хаан Ехонияа Вавилооной хаанда өөрыгөө эхэтэеэ, түшэмэлнүүдтэеэ, сэрэгүүдэйнгээ дарганартай, дүтынгөө хүнүүдтэй хамта бэеэ тушааба. Энэ ушар Вавилооной хаанай наймадахи жэлээ хан түрэеэ засаглажа байхада болобо.

4 Хаан түрэнүүд 24:15

Тэрэ Ехонияае Вавилоон абаашаба. Тэрээнтэй хамта хан эхые, хаанай хатадые, дүтынь хүнүүдые, орон нютагтаа нэрэтэй солотой болоһон ноёд һайдые туужа абаашаба.

1 Угай бэшэг 3:16

Ёякиимэй хүбүүд: Ехонияа, Цэдэкиия.

2 Угай бэшэг 36:9

Ехонияа арбан найма наһатайдаа хаан боложо, гурбан һара ба арбан үдэр Иерусалимда хааншалаа. Эзэнэй урда тэрэ жэгшүүритэй муухай хэрэгүүдые үйлэдэдэг байгаа.

Дуунай дуун 8:6

Зүрхэндөө ши намайе тамгалжа, тэбэридээ ши намайе ласада! Дуран гээшэ үхэл шэнги хүсэтэй. Хара гээшэ хүүр шэнги үршөөлгүй. Дуранай гал түймэр мэтэ дүрэлзэдэг. Халуун дүлэниинь хуйхалан шатаадаг.

Исай 49:16

Альган дээрээ нэрыеш бэшээб, хэрэмүүдшни Минии урда ходо үзэгдэнэ.

Ерэмияа 13:18

Эзэн намда: – Хаанда болон хатан эхэдэнь хаан шэрээһээ бууха тухай хэлэ. Юуб гэхэдэ, тэдэнэй гоё һайхан титим толгойһоонь унаа.

Ерэмияа 22:28

Би хэлэбэб: «Ехонияа хаан хаясаанай, хэндэшье хэрэггүй бутарһан шабар амһарта мэтэ болоо юм гү? Юундэ тэрэ болон уг удамынь баряанда туужа абаашагдан, өөһэдэйнь мэдэхэ-танихагүй газар нютаг руу зайлуулагдаба гээшэб?»

Ерэмияа 22:6

Иудын хаанай ордон хадаа Намда Галаадай газартал, Ливаанай орьёлдол гоё һайхан юм. Теэд Би тэрэниие хооһон, ханха зайдан, хэнэйшье ажаһуухагүй газар болгохоб.

Ерэмияа 24:1

Эзэнэй намда үзэгдэл үзүүлхэдэнь, Эзэнэй үргөөгэй урда табяатай хоёр түрсүүг инжир харабаб. (Энэ хадаа Вавилооной хаан Навуходоносорой Иудын хаан, Ёякиимэй хүбүүн Ехонияа гэгшые, Иудын түшэмэлнүүдые урашуул болон дархашуултай хамта Иерусалимһаа олзолон абажа, Вавилоон руу абаашаһанай удаа болоо бэлэй.)

Ерэмияа 28:4

Би мүн лэ Иудын хаан, Ёякиимэй хүбүүн Ехонияа гэгшые Вавилоон руу сүлэгдэһэн Иудын бүхы зонтойнь хамта һөөргэнь бусаахаб. Мүн даа, Вавилооной хаанай хүсэ шадалые бута сохин бууруулхаб. Энэ болбол Би, Эзэн, айладхана гээшэб! – гэжэ тунхаглана.

Ерэмияа 29:2

Ехонияа хаанай, тэрэнэй хатан эхын, ордоной түшэмэлнүүдэй, Иудын хан түрын болон Иерусалимай ноёдой, уран гартанай болон дархашуулай Иерусалимһаа гаргагдан туугдаһанай удаа

Ерэмияа 37:1

Ёякиимэй хүбүүн Ехонияагай орондо Вавилооной хаан Навуходоносор Ёшияагай хүбүүн Цэдэкиия гэгшые Иудын хаан болгобо.

Хаггай 2:23

Энэ болбол Түмэн Сэрэгтэ Эзэн айладхана мүн! Шалтиээлэй хүбүүн Зэрубабээл, тэрэ үдэр Эзэн шамайе, Өөрын богоолые, шэлэн абажа, Өөрын нэрэһээ зонхилдог болгохо. Энэ хадаа Түмэн Сэрэгтэ Эзэн айладаа мүн!