Ерэмияа 17:20 - Библи

²⁰ Иудын хаашуулда болон улад зондо, Иерусалимда ажаһуудаг, эдэ бартаануудаар орон ерэдэг бүхы зондо Минии айладхал шагнахыень дуулга.

Ерэмияа 17:20 ပူးပေါင်းရင်းမြစ်များ

Ерэмияа 13:18

Эзэн намда: – Хаанда болон хатан эхэдэнь хаан шэрээһээ бууха тухай хэлэ. Юуб гэхэдэ, тэдэнэй гоё һайхан титим толгойһоонь унаа.

Ерэмияа 17:19

Эзэн намда иигэжэ айладхаба: – Иудын хаашуулай орожо-гаража байдаг Иерусалимай ниитын бартаануудта ошожо, энэ соносхол дабта.

Ерэмияа 19:3

Эзэн намда иигэжэ хэлэхыем захирба: – Иудын хаашуул, Иерусалимай ажаһуугшад, Израилиин Бурханай, Түмэн Сэрэгтэ Эзэнэй, айладхал шагнагты! Энэ газар нютагта Би гай тодхор татахамни, тэрээн тушаа дуулаһан хүн бүхэн угаа ехээр бахардаха.

Ерэмияа 19:4

Ушарынь гэбэл, зон Намайе орхижо, энэ газар бузарлаа, өөһэдөөшье мэдэхэгүй, үбгэ эсэгэнэрэйньшье мэдэхэгүй, Иудын хаашуулайшье танихагүй ондоо бурхадта санзай эндэ ууюулаа. Гэм зэмэгүй зоной шуһаар энэ газарые дүүргээ.

Ерэмияа 21:11

Иудын хаанай гэр бүлэдэ, Давидай уг удамда энэ мэдээсэл тунхаглахыемни Эзэн намда захирба: – Минии, Эзэнэй, айладхал соносогты! Үдэр бүри хэрэгүүдые үнэн зүбөөр шүүбэрилэн байгты. Хүн зониие дарлагшадһаань аршалагты. Иигээгүй һаатнай, муу юумэ хээ һаатнай, Минии уур хилэн гал дүлэн мэтэ соробхилжо, хэншье тэрэниие унтаргаажа шадахагүй.

Эзэкээл 2:7

Дуулаа, үгышье һаань, Минии үгэнүүдые тэдээндэ дамжуула. Зүрилдөөтэй зон гээд бү мартаарай.

Эзэкээл 3:17

– Хүнэй үри Эзэкээл! Би шамайе Израилиин арад зониие харууһалха хүн болгон табибаб. Минии һэргылэлтэнүүдые ши тэдээндэ дамжуулжа байхаш.

Һошээ 5:1

Санаартад, энээниие шагныта! Израилиин улад зон, соносогты! Хаанай гэр бүлэ, шэхээ табигты! Таанадые шүүн, заргада оруулхань! Ушар юуб гэхэдэ, таанад Мицпаада болон Табоорто улад зондо занга табижа байгаат.

Амоос 4:1

Самариин эхэнэрнүүд, таанад тобир тарган үнеэнүүд мэтэт! Таанар ядуу зониие дарлажа, үгытэйшүүлые харшалан даран байнат! Үбгэдтөө «Үзэмэй дараһан архи асар! Уухамнай!» гэжэ хэлэнэт.

Михей 3:1

Би иигэжэ хэлэбэб: Яковай гэр бүлын толгойлогшод, Израилиин удамаршад, шагныта! Зүб, бурууе таанар мэдэнэбди гэжэ һананат.

Гэршэлгэ 2:29

Һүзэглэгшэдэй бүлгэмүүдтэ Арюун Һүлдын хэлээшые шэхэтэй юм һаа, шагнаг лэ!»