Ерэмияа 17:13 - Библи

¹³ Эзэн, Та – Израилиин найдабарит. Танһаа арсан ошогшод нэрээ гутааха, тооһон дээрэ бэшэһэн бэшэгтэл үгы болохо. Юуб гэбэл, тэдэ Таниие, Эзэниие, сэбэр уһанай булагые, орхибо ха юм.

Ерэмияа 17:13 ပူးပေါင်းရင်းမြစ်များ

Псалманууд 22:4

Үхэлэй харанхы хүндыгөөр ябабашье, хорото мууһаа айхагүйб, юуб гэбэл, Та, Эзэн, намтай хамта байнат. Танай һабаа, Танай баяг намайе хамгаалан, амар амгалан байлгана.

Псалманууд 71:5

Нара һарын яларан толорхо сагта үеһөө үедэ Танһаа айн һүрдэжэ байг лэ.

Псалманууд 97:7

Тэнгис далай болон тэрээн соо байгааша бүхэн, юртэмсэ болон тэрээн соо амидарагша бүхэн нэерэн байг лэ!

Һургаал 10:7

Үнэн ёһото ябадалтай хүн һайн дурасхаал үлөөнэ, нүгэлтэ хүнэй нэрэ үгы болодог.

Һургаал 14:14

Замһаа хадуурһан хүн үйлынгөө үреэр болоно. Һайн хүн хэһэн үйлэдөө сэдьхэлээ ханана.

Исай 1:28

Буһалгаалагшад, нүгэлтэй зон усадхагдаха, Эзэниие мартагшад һалаха.

Исай 66:5

Эзэнһээ айдаг, үгыень дууладаг зон, Тэрэнэй иимэ үгэ шагнагты: «Намда этигэдэг байһандатнай танай арад зоной заримашуул таанадые үзэн ядажа, харшална. Эзэн Өөрынгөө хүсэ шадал харуулаг лэ, таанадые манай хараһаар байтар абараг лэ, баярлахыетнай харахабди гэжэ тэдэ хэлэнэ. Тэдэ эшхэбтэр байдалда орохо!

Ерэмияа 14:8

Оо, Израилиин Найдабари, зобохо үедэмнай маанадые Абарагша! Юундэ Та манай газар нютагта ерүүл хүн мэтэ, нэгэ һүни хонохоёо ороһон аяншан мэтэ байнабта?

Ерэмияа 17:17

Намайе ухаа алдуулан айлгажа бү байгыт. Гай тодхорой үедэ Та минии аршалалтат.

Ерэмияа 17:18

Хойноһоом мүрдэгшэдэй нэрыень хухалыт, харин намайе дүмөөрэйт, Эзэмни. Тэдэниие һүрдөөн айлгыт, харин намайе бү һүрдөөгыт. Тэдээндэ гай зоболон асаржа, тэһэ биса сохиит!

Ерэмияа 17:5

Эзэн иигэжэ айладхана: Намһаа буруу хаража, зондо найдажа, хэзээ нэгэтэ үхэхэ юумэндэ найдан түшэглэгшэд хараал шэнгээхэ!

Ерэмияа 19:4

Ушарынь гэбэл, зон Намайе орхижо, энэ газар бузарлаа, өөһэдөөшье мэдэхэгүй, үбгэ эсэгэнэрэйньшье мэдэхэгүй, Иудын хаашуулайшье танихагүй ондоо бурхадта санзай эндэ ууюулаа. Гэм зэмэгүй зоной шуһаар энэ газарые дүүргээ.

Ерэмияа 2:13

Ушарынь гэхэдэ, Минии арад зон хоёр нүгэл үйлэдэһэн байна: сэбэр уһанай эхин болохо Намайе орхёо, ямаршье уһа тогтоодоггүй, нүхэ һүбэтэй хонхо яамые хабсагайда сабшан хээ.

Ерэмияа 2:17

Израиль, энээниие таанад өөһэдөө үүдхээт! Минии, Эзэн Бурханайтнай, таанадые дахуулан ябаха үедэ Намайе орхёот.

Ерэмияа 50:7

Тэдэниие ологшо хэн нэгэн залгиха һанаатай бэлэй. Дайсадынь иигэжэ хэлэнэ: – Бидэ буруу бэшэбди, тэдэ Эзэнэй урда нүгэл хээ. Элинсэг хулинсагынь Эзэндэ найдадаг бэлэй, тиимэһээ тэдэ өөһэдөө Тэрээндэ үнэн сэхэ байха ёһотой байгаа.

Эзэкээл 13:9

Худал үзэл үзэдэг, уридшалан хэлэнэбди гэжэ худал тунхагладаг лүндэншэдые Би хэһээхэб. Минии улад зоной зүбшэжэ байхада тэдэ хамта байлсахагүй, нэрэнүүдынь Израилиин арад түмэнэй тоо бүридхэл соо бэшэгдэхэгүй, һөөргөө Израилиин газар уһан руу тэдэ бусахагүй. Тиихэдээ тэдэ Намайе Эзэн Бурхан гээд мэдэхэ.

Эзэкээл 16:63

Хэһэн юумыеш Би хүлисэхэб, гэбэшье ши тэдэниие мартахагүйш, үгэшье хэлэхэеэ эшэжэ байхаш. Энэ болбол Би, Эзэн Бурхан, айладхана мүн!

Эзэкээл 36:32

Израилиин улад зон, мэдэгты, таанадай түлөө эдэ бүгэдые хэнэ бэшэб. Хэһэн хэрэгһээ эшэжэ зобон байгты. Энэ хадаа Би, Эзэн Бурхан, айладхана мүн!

Даниил 12:2

Газарай шорой соо унтажа байгааша зоной олонхинь тиихэдэ нойрһоо һэрихэл: заримань хэтэ мүнхэ ами наһатай болохо, нүгөөшүүл хэтэ мүнхэдөө нэрээ хухарха, хүндэгүй болохо.

Ёһээл 3:16

Эзэн Сионһоо нэерэн, Иерусалимһаа дуугаа шангадхаха. Газар тэнгэри шэшэрхэ. Гэбэшье Эзэн арад түмэнэйгөө хорохо газар, Израилиин хүбүүдэй бата тулга болохо.

Захарияа 13:1

Тэрэ үдэр Давидай гэр бүлынхидтэ, Иерусалимай оршон һуугшадта шэнэ булаг урдаха. Тэрэ булаг нүгэл наманшалхын ба бузар арилгахын түлөө дэлбэрхэ.

Захарияа 9:12

Шорондо һуугшад, гэртээ ябагты! Найдаха найдабари танда бии, Би таанадта бусанам.

Лука 10:20

Таанад ада шүдхэрнүүдые мэдэлдээ оруулһандаа бэшэ, харин нэрэеэ тэнгэридэ бэшүүлһэндээ баярлагты!

Иоанн 4:10

– Бурханай юу үршөөдэгые, шамһаа уһа эриһэн хүнэй Хэн байһые мэдэжэ байгаа һаа, ши өөрөө Тэрэниие гуйха бэлэйш, тиихэдэшни Тэрэ шамда амидаралта уһа үгэхэ һэн, – гэжэ Иисүүс харюусаба.

Иоанн 4:14

Харин Минии үгэхэ уһа ууһан хүн хэзээдэшье ундаа хүрэхэгүй. Минии үгэхэ уһан тэрэ хүнэй досоо булаг болон дэлгэржэ, мүнхын амидарал олгохо.

Хэрэгүүд 28:20

Энэ талаар уулзажа хөөрэлдэхын тула би таанадые өөртөө дуудааб. Юуб гэхэдэ, Израилиин зоной найдажа байһан хүнэй түлөө би гэнжэлүүлээд ябанаб.

Тимофейдэ 1-дэхи 1:1

Этигэл һүзэгөөрөө үнэн сэхэ хүбүүн Тимофейни, шамайе би Павел амаршалнаб. Би манай Абарагша Бурханай ба манай этигэл найдал болоһон Эзэн Христоос Иисүүсэй захиралтаар Христоос Иисүүсэй элшэн болоһон хүнби. Бурхан Эсэгэ болон манай Эзэн Иисүүс Христоос шамда һайн һайханиие, үршөөл хайра ба амгалан тайбаниие үршөөг лэ.

Гэршэлгэ 20:15

Амидаралай ном соо бэшэгдээгүйшүүлые гал дүлэтэ нуур худар шэдээ һэн.

Гэршэлгэ 21:6

Намда тэрэ хэлэбэ: – Бүтэбэ! Би Альфа, Омега гээшэб, Түрүүшынхинь, Һүүлшынхинь гээшэб. Ундаа хүрэһэн хүндэ амидаралай булагай уһанһаа миинтэ уулгахаб.

Гэршэлгэ 22:1

Болор мэтэ ялалзаһан амидаралгын уһанай гол мүрэниие удаань намда Эльгээмэл харуулаа. Тэрэ гол мүрэн Бурханай болон Үргэлэй Хурьганай хаан шэрээгэй дороһоо урдан гарадаг.

Гэршэлгэ 22:17

Арюун Һүлдэшье, хадамай басаганшье: «Ерэ!» – гэнэд. Шагнажа байгаашашье: «Ерэ!» – гэг. Ундаа ехээр хүрэгшэдшье ерэг! Амидаралгын уһа абаха дуратайшуул ерэжэ, тэрэ уһа миинтэ абаг лэ!

Гэршэлгэ 7:17

Юундэб гэхэдэ, хаан шэрээгэй урда зогсожо байгааша Үргэлэй Хурьган тэдэ хүнүүдэй адуулагша эзэниинь боложо, мүнхэдөө амидаралай уһанда тэдэниие залан абаашаха. Эдэ хүнүүдэй нюдэнэй нулимсые Бурхан Өөрөө аршаха».