Ерэмияа 14:15 - Библи

¹⁵ Тиимэһээ Би, Эзэн, Минии эльгээгээгүй, гэбэшье Минии нэрэһээ абарал буулгажа байгааша лүндэншэдтэй юу хэхэ байһанаа дуулгахамни. Тэдэ «Дайн дажар, үлэсхэлэн хооһон байдал энэ газар нютагта болохогүй» гэжэ хэлээ бэлэй. Харин Би тэдэниие дайн дажарта болон үлэнхэ хооһон байдалда оруулан хюдахаб!

Ерэмияа 14:15 ပူးပေါင်းရင်းမြစ်များ

3 Хаан түрэнүүд 22:25

Михай хэлэбэ: – Хорохо газар бэдэржэ, нэгэ таһалгаһаа нүгөө таһалга руу гүйжэ байхадаа энээниие мэдэхэш даа.

Ерэмияа 20:6

Шам тухай хэлэхэ болоо һаа, Пашхуур, ши гэр бүлөөрөө олзо болон Вавилоон руу баряанда ошохош. Тэндэ ши буулгаһан хуурмаг абаралнуудыешни соносодог нүхэдтэйгээ хамта үхэхэш, тэндээл хүдөөлүүлэгдэхэт», – гэжэ айладхал буулгабаб.

Ерэмияа 23:30

Бэе бэеһээ дуулаһан үгэнүүдээ Минии айладхал гээд тунхагладаг худал лүндэншэдэй урдаһаа эсэргүүсэнэб!

Ерэмияа 27:15

Тэдэниие эльгээгээгүй тухайгаа Өөрөө Эзэн тунхаглаа бэлэйл. Эзэнэй таанадые үлдэн гаргахын, таанадай үхэхын тула тэдэ зорюута Эзэнэй нэрэһээ худал үгэнүүдые соносхоно. Тиигэжэ таанад болон энэ худал үгэнүүдые хэлэгшэ лүндэншэд алуулхат.

Ерэмияа 6:15

Тэдэ өөһэдынгөө үйлэдэһэн бузар муу муухайһаа эшэнэ гү? Үгы, огто эшэнэгүй. Улайхаяашье тэдэ мэдэхэгүй ха. Тиимэһээ бултандал адли тэдэ хэһээгдэхэ. Улад зониие шүүбэрилхэеэ ерэхэдээ, Би тэдэниие газар руу шабхадан унагаахаб! Энэ болбол Би, Эзэн, айладхана мүн!

Ерэмияа 8:12

Арад зомни, өөһэдынгөө үйлэдэһэн жэгшүүритэй юумэнһээ таанад эшэнэ гээшэ гүт? Үгы! Таанад оройдоошье эшэнэгүйт. Яажа улайдагыешье мэдэхэгүй байнат. Тиимэһээ бусад арадтай адли унан һалахат. Шүүбэрилхэ сагтам таанад һалгаагдахат! Энэ болбол Би, Эзэн, тунхаглана мүн!

Ерэмияа 8:13

Тэдэнэй ургасые үгы хэхэб. Үзэм жэмэсэй эшэ дээрэ нэгэшье үзэм үлэхэгүй, инжирэй модон дээрэ инжир бултадаа үгы болохо, набша хагдарха. Минии тэдэндэ үгэһэн газар нютагшье тэдэнэй бэшэ болохо.

Гашуудал 1:19

Би амарагуудаа дуудааб, теэд тэдэ намда урбаа. Санаартадни, үндэр наһатайшуулни хото соо хосоржо байна, үхэлһөө зайлахын тула эдеэ хоол гуйраншалжа ябана.

Гашуудал 2:20

Эзэн, нам руу хараагаа шэглүүлыт, харыт! Бэшэ хэндэ иимэ хэрзэгыгээр хандаа бэлэйт?! Эхэнүүд тэжээһэн хүүгэдээ эдижэ байна! Танай нангин үргөө соо санаартад, лүндэншэд алуулна!

Эзэкээл 13:14

Таанадай будаһан ханые унагаахаб, тиихэдэмни байрань харагдаха. Тэрээнтэй хамта таанадшье хосорхот. Тиихэдээ Намайе Эзэн гэжэ мэдэхэт.

Эзэкээл 13:15

Ханада, мүн тэрэниие будагшад дээрэ уур хилэнгээ шэглүүлхэб. Хана үгы болоо, тэрэниие будагшадшье үгы гээд таанадта дуулгахаб.

Эзэкээл 13:9

Худал үзэл үзэдэг, уридшалан хэлэнэбди гэжэ худал тунхагладаг лүндэншэдые Би хэһээхэб. Минии улад зоной зүбшэжэ байхада тэдэ хамта байлсахагүй, нэрэнүүдынь Израилиин арад түмэнэй тоо бүридхэл соо бэшэгдэхэгүй, һөөргөө Израилиин газар уһан руу тэдэ бусахагүй. Тиихэдээ тэдэ Намайе Эзэн Бурхан гээд мэдэхэ.

Эзэкээл 14:10

Тэдэ хоюулаа хэһээгдэхэ: асуужа байгааша хүншье, худал үгэнүүдые хэлэгшэ лүндэншэшье.

Эзэкээл 14:9

Тиихэдэ Минии нэрэһээ худал үгэнүүдые дуулгажа байгша лүндэншые Би арад түмэнэйнгөө дундаһаа үгы хэхэб.

Эзэкээл 33:6

Харин тэрэ харуулшан дайсанай дүтэлжэ байһые хараашье һаа, улад зониие һэргылэн бүреэгээр үлеэбэгүй гэел даа. Дайсанай ерэжэ, нүгэлтэй зонииень алахада, тэдэнэй хосорһондо харуулшан лэ зэмэтэй гээд Би тоолохоб.

Амоос 7:17

Тиимэһээ Эзэн иимэ айладал дуулгана: «Һамганшни янхан эхэнэр болохо, үхи хүүгэдшни һэлмээр усадхагдаха, газар хэмжэгшэ газарыеш бусадта хубаан тарааха, өөрөө ши нангин бэшэ газарта хосорхош. Израиль баряанда хариин дайда руу туугдаха!»

Михей 3:5

Эдилгэ үгэдэг зондо амгалан тайбаниие худал найдуулжа, эдилгэ үгэдэггүй зондо дайн дажар болохо гэжэ һүрдөөжэ байгааша худалша лүндэншэд арад зониием мэхэлнэ. Эзэн эдэ лүндэншэдтэ иигэжэ айладхана:

Хуули дабталга 18:20

Минии айладаагүй юумэ Минии нэрэһээ лүндэншын ярибал, мүн ондоо бурхадай нэрэһээ хэлэбэл, иимэ лүндэншэ үхэхэ ёһотой».

Гэршэлгэ 19:20

Арьяатаниие шүүрэн бариба, тэрээнэй урда элдэб дүлгэ тэмдэг харуулжа, арьяатанай тамга табяад, тэрэнэй хүрэг дүрсэдэ һүгэдэн мүргүүлжэ байһан хуурмаг лүндэншые арьяатантай хамта шүүрэн бариба. Тэдэ хоёрые хоюулыень дүрэжэ байһан хүхэртэй нуур худар амидыгаар шэдэбэ.