Ерэмияа 11:20 - Библи

²⁰ Түмэн Сэрэгтэ Эзэн! Та үнэн зүбөөр шүүбэрилнэт. Зоной зүрхэ сэдьхэл, һанаан бодол шалган туршадагта. Би Танда зарга хэрэгээ даалгааб. Тиимэһээ тэдэнһээ үһөөгөө абахыетнай би хараһуулби, зүбшөөгыт.

Ерэмияа 11:20 ပူးပေါင်းရင်းမြစ်များ

Эхин 18:25

Би үнэншэхэгүйб – тиимэ байхагүй! Та иимэ юумэ хэхэгүйт! Зүб шударга зониие дорой ябадалтай золигуудтай хамта хосороохогүйт. Зүб шударга хүнүүд муу муухай хэрэг үүсхэгшэдтэй хамта хэһээлтэдэ хүртэхэ ёһогүй. Тиимэ байхагүй! Хамаг дэлхэйн Үйлэ шиидхэгшэ алдуута шиидхэбэри гаргаха ёһогүйл! – гэбэ.

4 Хаан түрэнүүд 19:14

Хэзэкияа элшэнэрһээ хуймал бэшэг абажа уншаад, Эзэнэй һүмэдэ орожо, тэрэнээ Эзэнэй урда дэлгэбэ.

1 Угай бэшэг 28:9

Ши, минии хүбүүн, Соломоон, өөрынгөө эсэгын Бурханиие мэдэрэ, үнэн зүрхэнһөө, хамаг сэдьхэлһээ Тэрээндээ алба хэжэ яба, Эзэн сэдьхэлыш, һанаан бодолыень мэдэжэ байха. Хэрбэеэ Тэрэниие бэдэрээ һааш, Тэрэниие олохош; харин Тэрэнээ мартабалшни, Тэрэ шамайе хэтын хэтэдэ орхихо.

1 Угай бэшэг 29:17

Минии Бурхан мэдэнэб, Та үнэн зүрхэнһөө дурланат, сэдьхэлһээ туршанат; би сэбэр сэдьхэлһээ эдэ бүхые үргэнэб, минии хараһаар Танай арад Тандаа баясан, үргэл үргөөл.

Иоов 5:8

Би шам шэнги һаа, Бурханда хандажа, ушараа хэлэхэ һэм.

Псалманууд 35:2

Муу хүн нүгэлдэ дуратай, тэрэнь – зүрхэн соонь, харин Бурханһаа айха гээшэ тэрээндэ байхагүй.

Псалманууд 43:1

[Дуунай бүлэгэй хүтэлбэрилэгшэдэ: Коорахай уг удамай ирагуу үгэнүүд.]

Псалманууд 57:1

[Дуунай бүлэгэй хүтэлбэрилэгшэдэ: «Бү усадхыт» гэдэг аялга. Давидай бэшэһэн шүлэг.]

Псалманууд 58:10

Минии Хүсэ шадал! Би Тан руу харанаб. Юуб гэбэл, Бурхан минии хорохо газар мүн.

Псалманууд 7:10

Муу муухай зоной уур сухал эсэслэг! Зүб шударга Бурхан, Та зүрхэ, дотор нэбтэ харадагта, үнэн зүб хүниие дэмжыт!

Псалманууд 7:8

Арадууд Таниие тойрон сугларха, тэдээн дээгүүр, үндэртэ, хан шэрээдээ заларыт!

Псалманууд 7:9

Та арадуудые шүүхэт. Эзэн, миниишье зарга хэрэгые шиидхыт: би гэмгүйб, зүб гээшэб.

Псалманууд 98:9

Эзэн Бурханииемнай үргэмжэлэгты! Нангин хада дээрэнь һүгэдэн мүргэгты! Юуб гэбэл, Эзэн Бурхамнай арюун нангин юм.

Ерэмияа 12:1

Эзэмни, минии Тантай зарга хэрэг ябуулаа һаа, Та хододоо үнэн зүб байхат. Гэбэшье Би Тантай үнэн шударгы ёһын хэрэгүүд тушаа адхаг һэжэгтэ баригдан хөөрэлдэхэ байнаб. Муу ябадалтайшуулда юундэ аза талаан туданаб, этигэлгүй, зүй буса зон юундэ хашалгүй амар байнаб?

Ерэмияа 12:3

Харин, Эзэн, Та намайе мэдэнэт, минии юу хэдэгые харанат, Танда дуратайем ойлгонот. Үүсэлэгдэхэ хонид мэтээр тэдэниие шэрэжэ, һалгаагдаха үдэр хүрэтэрынь тэдэниие тусгаар харууһалыт.

Ерэмияа 15:15

Тиихэдэнь би: – Эзэн, Та бүхы юумэ мэдэнэт. Намайе ой ухаандаа оруулжа, һанаагаа нам тушаа табижа, хойноһоомни мүрдэн ябагшадһаа минии түлөө үһөөгөө абыт! Намайе алатарынь дайсадтамни тэсэбэри тэбшээ үзүүлжэ бү байгыт. Танай түлөө минии доромжолуулагдадагые Та мэдэнэт.

Ерэмияа 17:10

Бил, Эзэн, зоной һанаа бодол нэбтэ хаража, зүрхэ сэдьхэлыень туршадагби! Ажаһуудаг заяг заршамайнь ёһоор, үйлэ хэрэгүүдэйнь лэ ёһоор тэдээндэ хандадагби!

Ерэмияа 17:18

Хойноһоом мүрдэгшэдэй нэрыень хухалыт, харин намайе дүмөөрэйт, Эзэмни. Тэдэниие һүрдөөн айлгыт, харин намайе бү һүрдөөгыт. Тэдээндэ гай зоболон асаржа, тэһэ биса сохиит!

Ерэмияа 20:12

Та, Түмэн Сэрэгтэ Эзэн, зониие үнэн зүбөөр шалган байнат. Зүрхэ сэдьхэлдэнь, ой ухаандань юунэй байгаашые мэдэнэт. Дайсадһаамни үһөөгөө абажа байхыетнай харахамни болтогой! Ушарынь гэбэл, хэрэгээ Танда даалгаа бшууб.

Гашуудал 3:58

Та намайе абараат, ами наһым аршалаат.

Гашуудал 3:59

Эзэн, минии гомдол харанат, хэрэгым шүүбэрилэн шиидхыт!

Гашуудал 3:64

Эзэн, хэһэн хэмээрнь тэдээндэ харюулыт!

Эзэкээл 11:5

Эзэнэй Һүлдэ намда халин орожо, улад зондо иимэ мэдээсэл дамжуулхыемни Эзэн захирба: – Израилиин арад түмэн, таанадай нэгэ юумэ хэлэжэ байдагые, теэд ондоо юумэ сэдьхэжэ байдагые Би мэдэнэб.

Хэрэгүүд 17:31

юундэб гэхэдэ, Бурхан юртэмсэ дэлхэйе үнэн зүб зарга шиидхэбэреэр шүүхэ үдэрөө тогтоогоо, тиин Зарга шүүгшэеэ Тэрэ томилон табяа. Тэрэниие Бурхан амидыруулжа, бүхы хүнүүдтэ гэршэ баримта болгон үгөө.

Филиппынхидтэ 4:6

Юундэшье һанаагаа бү зобогты, зальбарха бүхэндөө Бурханда баясхалан хүргөөд, хэрэгтэй юумэеэ гуйжа байгты.

Тимофейдэ 2-дохи 4:14

Түмэр дархан Александр намда ехэл муу юумэ хээ һэн. Эзэн хэһэн зэргээрнь тэрээндэ харюулаг лэ.

Пётрой 1-дэхи хандалга 2:23

Тэрэниие доромжолжо байхада, Тэрэ доромжолһон харюу үгөөгүй, Тэрэ зобожо байхадаа, зобоогшодойнгоо урдаһаа занаагүй, зүгөөр Тэрэ Өөрыгөө үнэн сэхэ Заргашын гарта үгөө.

Гэршэлгэ 18:20

Огторгой тэнгэри, Бурханай хүнүүд, элшэд, лүндэншэд, энээндэ хүхин баясыт! Таанарай түлөө тэрэ ниислэлые Бурхан хэһээгээл!»

Гэршэлгэ 2:23

Тэрэ гэргэнэй үхибүүдые үхүүлхэб. Тиихэдэмни хүнэй зүрхэ сэдьхэлые, һанал бодолые сүм мэдэдэг байна, тиин хүн бүхэндэ хэһэн үйлэ хэрэгэйнь зэргээр хүртөөхэ байна гэжэ Намайе һүзэглэгшэдэй бүхы бүлгэмүүд ойлгохо.

1 Хаан түрэнүүд 16:7

Теэд Эзэн Самуилда айладхан: – Тэрэнэй түхэл маяг болон нюргаар үндэрыень бү хара. Би тэрэниие тоохогүйб. Юуб гэхэдэ, Эзэн хүндэл адляар харадаггүй. Хүн нюурыень лэ харадаг, Эзэн зүрхэ сэдьхэлыень харадаг гээшэ, – гэбэ.

1 Хаан түрэнүүд 24:15

Израилиин хаан хэнэй хойноһоо гаража ерээ гээшэб? Хэниие та мүрдэн байнабта? Энэ хадаа үхэһэн нохойн, нэгэ булуудхын хойноһоо ябаһантай адли.