Экклезиаст 5:17 - Библи

¹⁷ Гэхэтэй хамта һайн һайхан юумэ мүн лэ харагдаа гээшэ: өөртэнь үгэһэн үдэрнүүдтэ ууха, эдихэ ба нарата үдэр соо хэһэн ажалаараа сэдьхэлээ ханалга Бурханай хэшэг мүн.

Экклезиаст 5:17 ပူးပေါင်းရင်းမြစ်များ

Эхин 3:17

Хүндэ Эзэн Бурхан айладхаба: – Һамганайнгаа үгэдэ орожо, Минии хорюултай гэһэн алим эдиһэнэйш түлөө, шамһаа уршагтажа энэ газар хараалда хүртэбэ, шэмэтэ үрыень шадал шэнээгээ гарган, зобожо абадаг байхаш.

3 Хаан түрэнүүд 17:12

Харин тэрэ эхэнэр: – Танай Эзэн Бурханай нэрээр тангаригланаб, намда хилээмэн үгыл. Аяга соо нэгэ адха гурил, нэгэ дуһал болохо гэхээр оливын тоһон бии. Харагты даа, би хоёр модо оложо суглуулаад, гэртээ ошожо, энээниие бэлэдхэжэ болгохоб, тиигээд хүбүүнтэеэ хамта эдеэд, удаань хоюулаа үхэхэбди, – гэбэ.

4 Хаан түрэнүүд 1:2

Ахазияа Самаридахи өөрынгөө ордоной дээдэ дабхарһаа унажа, хэрэлсынгээ тохойлуур эбдэжэ бэрхэтээд, «Энэ бэрхэтэлгэһээ һайжарха гүб гэжэ Экрооной бурхан Баалзэбүүлһээ һурагты» гэһэн даабаритайгаар элшэдээ эльгээбэ.

4 Хаан түрэнүүд 1:6

Тэдэнэр иигэжэ харюусабад: – Бидэнэй урдаһаа нэгэ хүн угтажа гараад: «Таанадые эльгээһэн хаандаа бусагты. Эзэн иигэжэ айладана гээд дамжуулагты: „Израильда Бурхан үгы юм аал? Ши Экрооной шүтөөн Баалзэбүүлһээ үршөөл хайра гуйхаяа эдэ элшэдээ намда эльгээбэ гүш? Ши энээнэйнгээ түлөө оронһоо буунгүй үхэхэш!“» – гэжэ хэлээ.

4 Хаан түрэнүүд 5:27

Наамаанай элдин үбшэн шамда, шинии үри һадаһадта бүхы наһандатнай халдаг! – гэжэ хэлэбэ. Гэһаази элдин үбшэнһөө хужаруутажа, саһан мэтэ сагаан шэг шарайтай болошоод, Элишаагай гэрһээ гараба.

Иоов 21:25

Тиихэ зуура ондоо нэгэн жаргал нэгэтэшье үзэнгүй, халагла халаглаһаар үхэдэг.

Псалманууд 102:9

Тэрэ хододоо бушаганажа байдаггүй, хэтэ мүнхэдөө уурлажа байдаггүй.

Псалманууд 127:2

Өөрын ургуулагша үрэ жэмэс эдихэдээ жаргалтай байхаш, һайн һайхан амидархаш.

Псалманууд 39:6

Эзэн Бурхамнай! Хэды олон юумэ бүтээгээ гээшэбта! Хэды олон гайхамшагта хэрэгүүдые маанад тушаа түсэблөөт, хэниишье Тантай сасуулмаар бэшэ. Би тэрэ гайхамшагта үйлэнүүдые олондо зарлан хэлэхэб, гэбэшье тэдэ тоолошогүй олон юм.

Экклезиаст 2:10

Нюдэнэй хүсэһэн хамаг юумэ дуран соогоо абадаг, сэнгэл баярһаа татагалзадаггүй һэм. Юундэб гэхэдэ, энэ хадаа бүхы минии хэшээл хүдэлмэриин ашаг үрэ гэжэ тоолодог, зүрхэ сэдьхэлни эдэ бүгэдэһөө үнэхөөр урмашан баясадаг бэлэй.

Экклезиаст 2:23

Юундэб гэхэдэ, үдэрэй зоболон бохиноһон ажалынь уйдхарһаа өөрэ юумэ асархагүй, һүнииньшье амар заяа гэжэ байхагүй. Мүн лэ дэмы хүлгөөн.

Экклезиаст 2:24

Эдихэ уухамни һайн, ажал үйлэмни урагшатай гэжэ сэдьхэлээ баярлуулхаһаа үлүү юумэн хүнэй хубида байхагүй. Теэд энэньшье Бурханай мэдэлдэ гэжэ би харабаб.

Экклезиаст 7:14

Ажана тэгшэ үдэртэ аза жаргалаар ханадаг бай, урагшагүй үдэртэ сэдьхэн бодомжоло: али бүхые Бурхан бии болгодог һэн тула Тэрэнэй хэрэг хүн буруушааха бэшэ.

Хэрэгүүд 12:23

Бурханай алдар соло дуудангүй байһанайнь түлөө Эзэнэй Эльгээмэл Иродые гэнтын үбшэнгөөр дайража, Ирод хаан үтэ хорхойдо барюулан үхэбэ.