Экклезиаст 10:20 - Библи

²⁰ Ухаан соогоошье хааниие бү хараа, нойрсохо үргөөдөөшье баян тухай муу үгэ бү хэлэ. Тэнгэриин шубууд үгыеш дамжуулжа болохо, далита амитан үгыншни удха ойлгуужа магад.

Экклезиаст 10:20 ပူးပေါင်းရင်းမြစ်များ

4 Хаан түрэнүүд 6:12

Түшэмэлнүүдэйнь нэгэн тэрээндэ хандажа: – Минии эзэн хаан, бидэнэй хэншье дуулганагүйл. Танай унталгынгаа таһалга соо хэлэһэн үгэнүүдые Израилиин лүндэншэ Элишаа Израилиин хаанда дамжуулан хэлэжэ болохо, – гэжэ хэлэбэ.

Эстээр 2:22

Энээниие дуулахадаа, Мордохай Эстээр хатанда хэлэбэ. Эстээр энээниие хаанда дамжуулжа, Мордохайн мэдүүлһэн тушаа мэдээсэбэ ха.

Египедһээ гаралга 22:27

Хүнһөө субыень барисаанда абабал, наранай оротор бусааха ёһотойш –

Египедһээ гаралга 22:28

бэеэ хушаха хубсаһан тэрээндэ бэшэ үгы ха юм. Хайшан гээд унтаха юм? Тэрэ Намда хандахал – Би тэрэниие дуулахаб, юуб гэбэл, Би энэрхы сэдьхэлтэй мүн.

Египедһээ гаралга 8:3

Нил мүрэн соо үй түмэн баханууд исалха, багтажа ядан уһанһаа гаража, ордон соошни, байдаг таһалгадашни, унтадаг орон шэрээдэшни мүлхижэ ерэхэ. Түшэмэл албатанайш, улад зонойш гэрнүүдтэ, гал зуухадатнай, эһээбэри талхандатнай орохо.

Исай 8:21

Эльбэ жэльбэтэйшүүлые шагнагша зон зоболондо дарлагданхай, үлэсхэлэн хооһон газар дэлхэйгээр тэнэжэ ябаха. Гэдэһээ үлдэжэ ябахадаа тэдэ сухалдажа, хаанаа болон Бурханаа харааха. Тэдэ өөдөө огторгой руу гү,

Лука 10:40

Харин Марфа айлшанаа хүндэлхэ гэжэ туха сүлөөгүй хүдэлнэ. Тиигээд Иисүүстэ дүтэлжэ: – Эзэн аа, энэ минии дүүгэй хамаг ажалаа нам дээрэ хаяад байхыень харанагүй гүт? Эгэшэдээ туһала гэжэ дүүдэм хэлыт, – гэбэ.

Лука 19:40

– Шабинараймни абяагүй болоо һаа, харгы дээрэхи шулуунууд хашхаралдаха, – гэжэ Иисүүс тэдээндэ харюусаба.

Хэрэгүүд 23:5

– Аха дүүнэр, энэ хүн ахамад санаарта гэжэ би мэдээгүйлби, – гэжэ Павел харюусаба. – «Арадайнгаа удамаршые хараажа бү бай», – гэжэ Нангин Бэшэг соо бэшээтэй юм.