Эхин 6:2 - Библи

² хүн түрэлтэнэй басагадай сэбэр һайханиие Огторгойн хүбүүд анхаржа, дуратай басагадые шэлэн, һамга абадаг болобо.

Бурятский Библия. Отдельные книги Ветхого Завета

² хүмүүн басагадай сэбэр һайханиие Огторгойн хүбүүд анхаржа, дуратай басагадые шэлэн, һамга абадаг болобо.

Эхин 6:2 ပူးပေါင်းရင်းမြစ်များ

Эхин 12:11

Египет орон орохынгоо урдахана тэрэ Сарада иигэжэ хэлэбэ: – Би шамайе сэбэр һайхан гэжэ мэдэнэб.

Эхин 24:3

Исаак хүбүүндэмни һамга оложо үгэхэб гэжэ огторгой газар хоёрые бүтээһэн Эзэн Бурханай нэрээр тангаригла. Тиихэдэ минии мүнөө ажаһуужа байгша орон нютагай, энэ ханаһаан обог зоной басага бэшэ,

Эхин 26:35

Эсаавай эдэ хоёр һамгадһаа боложо, Исаак Рэбээккаа хоёрой ажабайдал түбэгтэй болоо һэн.

Эхин 27:46

Удаань Рэбээккаа Исаагта иигэжэ хэлэбэ: – Эсаавай хээт яһатан хоёр һамгадһаа боложо, би зобоноб. Яковаймнай баһа хээт яһанай һамга абабалнь, амиды байһанһаа үхэһэмни дээрэ.

Эхин 3:6

Энэ модоной үрэ жэмэс эдихэдэ һайн, харахадашье аятай, мүн эрдэм мэдэсэшье үгэдэг гэһэн бодолдо эхэнэр абтаба. Тиигээд нэгэ алим жэмэс таһалжа абаад эдижэрхибэ, үбгэндөөшье үгэбэ – тэрэнь эдибэ.

Эхин 4:26

Шээт хожом хүбүүтэй болоод, тэрээндээ Эноош гэжэ нэрэ үгэбэ. Тэрэ сагһаа эхилэн, зон Эзэнэй нэрэ солынь дуудадаг болоо бэлэй.

Эхин 6:1

Түби дэлхэй дээрэ зон олошоржо эхилбэ. Басагадтай тэдэнэй болоходонь,

Эхин 6:3

Тиихэдэнь Эзэн зарлиг буулгаба: – Хүн гээшэ юрэ бусын амитан, тиимэһээ иимэ удаан тэдэниие байлгаха хэрэггүй. Энээнһээ хойшо хүнэй ами наһанай болзор, амиды ябаха, ажамидарха сагынь зуун хорин жэл болог.

2 Хаан түрэнүүд 11:2

Нэгэтэ үдэшэлэн Давид унтариһаа бодожо, хаанай ордоной хушалта дээрэ сэнгэжэ ябатараа бэеэ угаажа байһан нэгэ эхэнэрые хушалта дээрэһээ хараба. Тэрэ эхэнэр угаа һайхан байгаа.

Эзраа 9:12

Тэрэ газарай шэмээр амидархаяа, тэндээ бүхэжэн ажаһуухаяа, хүбүүдтээ дамжуулан хэтэдэнь үгэхэеэ һанаа һаа, тэдэнтэй хэзээшье бү эбсэгты, зөөридэнь бү обтогты. Басагадаа тэдэнэй хүбүүдтэ бү үгэгты, хүбүүдтээ тэдэнэй басагаар һамга бү хүүлэгты».

Иоов 1:6

Нэгэтэ Бурханай хүбүүдэй Эзэнэй үмэнэ ерэхэдэнь, тэдэнэй дунда эрлиг оролсобо.

Иоов 31:1

Өөрын эхэнэрһээ бэшые һайшааһан нюдөөр харахагүй гэжэ үнэн сэдьхэлһээ тангариглаа һэм.

Египедһээ гаралга 34:16

Тэдэнэй басагадые хүбүүдтээ һамган болгожо абабалтнай, танай хүбүүдые забхай ябадалда оруулха.

Исай 63:16

Теэд Та манай Эсэгэт. Манай элинсэг эсэгэнэр болохо Абраһаам, Израиль маанадые өөрын гэжэ бү тоог, харин Та, Эзэмнай, манай Эсэгэ болонот, хододоо «Абарагшамнай» гэжэ Таниие нэрлэдэг бэлэйлди.

Малаахи 2:11

Иуда эсэргүү бодол гаргажа, Израильда болон Иерусалимда жэгшүүритэ үйлэ хэгдэбэ. Тэрэ Эзэниие шүтэдэг газарые бузарлажа, хариин бурханай үхинтэй гэрлээ.

Малаахи 2:15

Үбгэн һамган хоёр хадаа бэе хүсэл ниилүүлжэ, нэгэ сэдьхэлтэй, һүнэһэ һүлдэтэй боложо, үри удамтай болог гэжэ Бурхан хүсөө. Тиигэбэл һүнэһэндөө анхаралаа таби. Залуудаа абаһан эхэнэртээ хара һанаа һанаашалжа бү бай.

Коринфынхидтэ 1-дэхи 7:39

Хадамтай эхэнэр нүхэрэйнгөө элүүр мэндэ байха сагта нүхэртэйгөө холбоотой. Харин нүхэрэйнь нүгшэбэл, тэрэ эхэнэр сүлөөтэй боложо, дуратай хүндөө дахин хадамда гараха эрхэтэй, гэхэтэй сасуу тэрэ хүниинь заабол Христоосто һүзэглэдэг хүн байха ёһотой.

Коринфынхидтэ 2-дохи 6:18

Би танай Эсэгэтнай болохоб, таанад Минии хүбүүд басагад болохот гэжэ түгэс хүсэтэй Эзэн хэлэнэ».

Хуули дабталга 14:1

Таанад Эзэн Бурханайнгаа арад зон болонот. Хэн нэгэнэй наһа барахада, гашуудалай тэмдэг харуулан, өөһэдыгөө хадхажа, отолжо бү байгты, магнай дээрэхи үһэеэ бү хюһагты.

Пётрой 2-дохи хандалга 2:14

Тэдэнэй нюдэдынь ташаяан хүсэлэнгөөр дүүрэнхэй, тэдэ нүгэл хэжэ бэеэ ханахагүй. Тулгагүй ахир хүнүүдыел зангадаа оруулдаг. Сэдьхэлынь хомхолзожо һуршанхай. Тэдэнэр үхэхэл табилантай юм.

Иоаннай 1-дэхи хандалга 2:16

Ушарынь гэбэл, оршолон юртэмсын бүхы юумэнүүд: нүгэл шэбэлые хэхэ шунал, нюдэнэй хүсэл шунал, омог бардам зан Эсэгэ Бурханһаа заяагдаагүй, харин оршолон юртэмсэһөө бии болоо.