Эхин 47:6 - Библи

⁶ Египет орон шинии мэдэл доро байдаг бэшэ аал? Тэдэнээ энэ ороноймнай эгээл һайхан газар болохо Гоошэн аймагта һуурижуула. Аха дүүнэрэйшни дунда мал һайнаар харууһалдаг зоной бии һаань, минии үмсын мал һүрэгые тэдэнэй харюусалгада үгөөрэй.

Бурятский Библия. Отдельные книги Ветхого Завета

⁶ Египет орон шинии мэдэл доро байдаг бэшэ аал? Тэдэнээ энэ ороноймнай эгээл һайхан газар болохо Гоошэн аймагта һуурижуула. Аха дүүнэрэйшни дунда мал һайнаар хаарууһалдаг зоной бии һаань, минии үмсын мал һүрэгые тэдэнэй харюусалгада үгөөрэй.

Эхин 47:6 ပူးပေါင်းရင်းမြစ်များ

Эхин 13:10

Лоот хараба: Иордан голой нюруу Цооһар хото хүрэтэр үргэлжэ бэлшээри, уһа һайтай, Эзэнэй Эдээм сэсэрлиг мэтэ, Египедэй баян шэмэтэй газар дайда мэтэ һалбаржа байба. Тэрэ үедэ Эзэн Содом болон Гоморро хотонуудые усадхаадүй байгаа.

Эхин 13:9

Үргэн салуу газар дайда урдашни байна бэшэ гү? Бэе бэеһээ таһарая. Шинии зүүлээ һааш, би баруулхаб. Шинии баруулаа һааш, би зүүлжээ ошохоб. Дуратай газараа шэлыш даа.

Эхин 20:15

Тиигээд Абимээлэх Абраһаамда иигэжэ хэлэбэ: – Зай, минии газар дайда танай урда. Дуратай газартаа ошожо байрлагты.

Эхин 34:10

Манаар суг ажаһуугты, газарнай үргэн, үмсэдөө абахада, аралжаа наймаа хэхэдэ болохо.

Эхин 45:10

Та минии хажууда ерэжэ, Гоошэн гэдэг газарта ажаһуудаг болохот. Үри хүүгэдээ, аша гушанараа, мал һүрэгөө, эд зөөриеэ бултыень абаад, Египет орон ерэгты.

Эхин 46:34

«Танай богоол болохо бидэнэр бага наһанһаа хойшо мүнөө болотор, манай эсэгэнэр мэтэ, мал адуулдаг зомди» гэжэ хэлээрэйгты. Тиихэдэтнай таанадые Гоошэн гэдэг газар нютагта һуурижуулха. Египедэй зон хүдөө нютагай нүүдэлшэ малшадта дээрэлхүүгээр хандадаг ушарһаа Иосиф энээниие хэрэглэн, аха дүүнэртээ эгээл һайхан газар дайда үгэхэ гэжэ һанаһан байгаа.

Эхин 47:11

Иигэжэ хаанай захирһанай ёһоор, Иосиф аха дүүнэрээ Египедэй эгээл һайхан газарта һуурижуулба. Энэнь Раамсээс хотын хажууда бэлэй.

Эхин 47:16

– Сагаан мүнгэнэй дууһаа һаань, малаа наашань асарагты, – гэбэ Иосиф. – Эдеэ хоол малаар андалдан абажа болохо.

Эхин 47:4

Тиигээд тэдэ эзэн хаанда иигэжэ хандаба: – Манай Ханаһаан нютагта үлэсхэлэн хооһон байдал тохёолдоо. Ган гасуурһаа уршагтажа, малай бэлшээри үгы болоод байна. Тиихэдэнь бидэ танай нютаг руу нүүжэ ерэһэн ушарһаа ядуухан бидэнэртэ Гоошэн гэдэг нютагта ажаһууха зүбшөөл үгэхыетнай гуйнабди.

Эхин 47:5

Египедэй хаан Иосифто хэлэбэ: – Эсэгэшни, аха дүүнэршни шамда гэжэ наашаа ерээ.

3 Хаан түрэнүүд 11:28

Соломоон Еробоһаамай шанга хүдэлдэгые обёоржо, Мэнашшээ болон Эпрааимай обогуудай газарнуудаар ябуулагдажа байгаа ажал хүдэлмэриие хинахыень томилбо.

2 Угай бэшэг 26:10

Зэлүүд хооһон газарташье самхагуудые тэрэ баряа, олон худагуудые малтаа. Тэрэ нюруу газараар бэлшээшэ олон малтай, газар элдүүрилхэ ажалда дуратай, тиимэһээ хада уулааршье сэсэрлиг ургуулааша, газар элдүүрилэгшэ олон албатантай бэлэй.

Египедһээ гаралга 18:21

Угсаатан соогоо хүндэтэй зониие – Бурханһаа түбэгшөөдэг, үнэн сэхэ, эдилгэ абадаггүй хүнүүдые – шэлэжэ, мянганай, зуунай, табинай, арбанай дарганар болгожо таби.

Египедһээ гаралга 18:25

Израилиин зон сооһоо хүндэтэй зониие шэлэжэ, толгойлогшод болгон табиба. Тэдэниие мянганай, зуунай, табинай, арбанай толгойдо табиба.

Египедһээ гаралга 9:10

Тэдэ зуухаһаа үнэһэ абажа, фараоной хажууда ошобо. Моисей үнэһэ тэнгэри өөдэ сасаба. Тиихэдэнь хүнүүдэй, мал амитанай бэедэнь яра эдеэрэтэй шарха гаража эхилбэ.

Египедһээ гаралга 9:21

Харин үгэдэнь анхараагүй ноёд зоноо, мал һүрэгүүдээ хүдөө талаһаа асарангүй орхибо.

Һургаал 21:1

Хаанай зүрхэн Эзэнэй мутарта адхаатай байһан уһанай урасхал мэтэ. Тэрэ хүсэһэн тээшээ шэглүүлдэг.

Һургаал 22:29

Ажалдаа шадамар хүниие хараа гүш? Тэрэ хаанай урда зогсохо. Нэрэ түрэгүй юрын хүнүүдтэ алба хэхэгүй.

Ерэмияа 40:4

Зай, би таниие гэнжэһээ сүлөөлнэб. Намтай хамта Вавилоон руу ошохоёо һанаа һаатнай, би тан тухай һанаагаа табидаг байхаб, ошоходотнай болохо. Харин ошохоёо һанаагүй һаа, бү ошогты. Бүхы орон нютаг танай урда байна, дуратай газартаа ошоходотнай болохо.

Иоанн 17:2

Бүхы хүнүүдые зонхилхо эрхэ засаг Хүбүүндээ олгоһон хадатнай Хүбүүнтнай өөртэнь даалгаһан бүхы хүнүүдтэ хэтэ мүнхын амидарал олгохо.

1 Хаан түрэнүүд 21:7

Тэрэ үдэр Саулай зарасанарай нэгэн тэндэ Эзэнэй урда байгаа бэлэй. Тэрэ эдоом хүн, нэрэнь Доһээг. Тэрэ хадаа Саулай хонишодой ахалагшань һэн.