Эхин 4:14 - Библи

¹⁴ Энэ орон нютагһаа, Өөрһөө намайе намнанат. Тиигэбэл, орон нютаггүй зольбо болохоб, дайралдаһан лэ хүн намайе алаха бшуу.

Бурятский Библия. Отдельные книги Ветхого Завета

¹⁴ Энэ орон нютагһаа, Өөрһөө намайе намнанат. Тиигэбэл, орон нютаггүй зольбо, дайралдаһан лэ хүн намайе алаха бшуу.

Эхин 4:14 ပူးပေါင်းရင်းမြစ်များ

Эхин 3:24

Хүниие намнаад, ажамидаралай һүлдын модондо хэнииешье дүтэлүүлхэгүйн тула сэсэрлигэй зүүн талын зам хаража хамгаалха үүргэтэй, баймга эрьелдэжэ, хүдэлжэ байдаг галта һэлмэтэй, галаар дүлэтэһэн амитад-харуулые Тэрэ табиба.

Эхин 4:13

– Энэ хэһээлтэ намда айхабтар хүшэр хүндэ, – гэжэ Хаяан Эзэндэ хэлэбэ. – Энээниие би даажа шадахагүйб.

2 Хаан түрэнүүд 14:7

Мүнөө бүхы түрэлхид минии урдаһаа тулажа, «ахаяа алаһан хүниие бидэндэ үгэ. Алаһан ахынь түлөө тэрэниие алахамнай» гэлдэнэ. Тэдэ иигэжэ минии ори гансахан ошо унтаргаажа, газар дээрэ үбгэнэймни нэрыешье, уг удамыеньшье үлөөхэгүйнь, – гэжэ тэрэ эхэнэр хэлэбэ.

Псалманууд 143:7

Үндэрһөө гараа һунгажа, намайе гүнзэгы уһанһаа, хариин зоной гарһаа абарыт.

Һургаал 14:32

Нүгэлтэн муу үйлынгөө түлөө хойшо хаягдадаг. Үнэн шударга хүн үхөөшье һаа, найдаха найдалтай.

Һургаал 28:1

Муу хүн хүнэй мүрдөө мүшхөөгүй байхада зугадажа ябадаг, үнэн шударга хүн арсалан шэнги доро зүрхэтэй.

Исай 8:22

али доошоо хүрьһэтэ газар руушье шэртэхэдээ, гансал зоболон ба харанхые, шэг харанхые хараха. Тиигээд тэрэ харанхыда өөһэдөө абташаха.

Ерэмияа 52:3

Иерусалимай болон Иудын зоной Эзэнэй уур сухалые аргагүй ехээр хүдэлгэхэдэ, Тэрэ тэдэниие буруушаажа, тэдэнһээ буруу хараба. Цэдэкиия Вавилооной хаанай урдаһаа эсэргүүсэн бодобо.

Һошээ 13:3

Энээнэйнгээ түлөө тэдэ үглөөнэй манан, түргэн хатадаг шүүдэр, таряа сохиходо гарадаг мэхиинэ, соргоор бааяһан утаан мэтэ үгы болохо!

Левит 26:17

Таанад руу эрьен, уур хилэн болохоб, дайсанайнгаа урда унахат. Дайсадтнай таанадые эзэрхэхэ. Таанад хүнэй намнаашьегүй һаа, һэегүй тэрьелхэт.

Левит 26:36

Таанадһаа үлэһэн зоной дайсадай газарта байхадань, зүрхэ сэдьхэлдэнь аймхай зан оруулхаб. Набшаһанай һаршаганаан тэдэниие айлган намнаха. Хүнэй намнаагүй байхада, һэлмэһээ тэрьелһэн мэтээр гүйлдэн унаха.

Тоололго 35:19

Шуһанай түлөө үһөө нэхэгшэ нэгэн алууршаниие намнан барижа хамаагүй алахадань болохо.

Тоололго 35:27

үһөөгөө нэхэгшэтэй уулзаад, алуулбал, тэрэниие алагша хүн харюусалгада татагдахагүй.

Матвей 25:41

Тиигээд хаан Тэрэнэй зүүн талада байгаашадта хандан: «Бурханай хараалда хүртэгшэ таанад, Намһаа холо бологты! Шолмосто, мүн тэрэнэй эльгээмэлнүүдтэ бэлдээтэй хэтэ заяанай гал тамада ошогты!

Матвей 25:46

Тиигээд тэдэ буруутаһан зон хэтэ заяандаа хэһээгдэхэ, харин Бурханай һайшаалда хүртэһэн зон мүнхын амидаралда хүртэхэ.

Хуули дабталга 28:64

Дэлхэйн нэгэ захаһаа нүгөөдэ заха болотор ажаһуугша бүхы арадуудаар таанадые Эзэн тарааха. Өөрынгөө танихагүй, үбгэ эсэгэнэрэйнгээшье мэдэхэгүй ондоо бурхадта, модоор, мүн шулуугаар хэгдэһэн бурхадта, тэндэ һүгэдэн, мүргэн байхат.

Хуули дабталга 28:65

Теэд тэрэ арадуудай хоорондо һанаантнай тэгшэ байхагүй, «минии» гэхэ, хүлөөшье амаруулха газар олохогүйт. Зүрхэнтнай айн һалаганан байха, нюдэдтнай шэргэхэ, сэдьхэлтнай сүхэрхэ. Эдэ бүгэдые Эзэн эльгээхэ.

Фессалоникиинхидтэ 2-дохи 1:9

Эзэнэй ерэхэ тэрэ үдэр тэдэ зон Эзэнһээ, Тэрэнэй алдарта һүр хүсэнһөө амяарлагдаад, хэтын хэтэдэ хэһээгдэн зобохо.