Эхин 26:3 - Библи

³ Гэбэшье мүнөө нэгэ хэдыхэн саг эндээ бай. Би шамай хододоо анхаржа, үршөөн үреэжэ байхаб. Ажаһуугааша энэ бүхы орон газарыеш хойшонхи шинии үри һадаһадта үгэнэб. Урдань шинии эсэгэ Абраһаамые найдуулжа үргэһэн тангаригаа бэелүүлхэб.

Бурятский Библия. Отдельные книги Ветхого Завета

³ Гэбэшье мүнөө нэгэ хэдыхэн саг эндээ бай. Би шамай хододоо анхаржа, үршөөжэ-үреэжэ байхаб. Ажаһуугааша энэ бүхы орон газарыеш хойшонхи шинии үедэ үгэнэб. Урдань шинии эсэгэ Абраһаамые найдуулжа үргэһэн тангаригаа бэелүүлхэб.

Эхин 26:3 ပူးပေါင်းရင်းမြစ်များ

Эхин 12:7

Тэндэ Эзэн Абрамда үзэгдэжэ, иигэжэ айладхаба: – Би энэ газар дайдые шинии үри һадаһадта үгэхэб! Иигэжэ өөртэнь үзэгдэһэн Эзэниие хүндэлжэ байһанаа элирхэйлэн, мал үргэл болгон шатааха шулуун шэрээ Абрам тэндэ түхеэрбэ.

Эхин 13:15

Нюдэнэйш хараагай хүрэхэ бүхы энэ дайдые шамда болон шинии үри һадаһадта хэтын хэтэдэ эзэлхыетнай үгэхэб.

Эхин 13:17

Ши энэ байһан газараа орхёод, энэ Минии шамда гэжэ үгэһэн бүхы газар дайдаар нүүн яба!

Эхин 15:18

Иигэжэ тэрэ үдэр Эзэн Абрамтай хэлсээ баталаад, айладхаба: – Египедэй хилэ дээрэхи голһоо эхилээд Евфрат мүрэн хүрэтэр нэмжыһэн энэ орон нютагые Би шинии уг удамда үгэнэб.

Эхин 17:19

Бурхан: – Үгы. Сарра, шинии һамган, хүбүү түрэхэ, тиихэдэнь тэрээндээ Исаак гэжэ нэрэ үгэхэш. Би баталһан хэлсээгээ тэрэ хүбүүндэ болон хойшонхи үедэнь хүсэн түгэлдэр бэелүүлхэб. Тэрэ болбол хэтэ мүнхын хэлсээн юм.

Эхин 17:8

Нүүжэ амидаржа байгаа энэ Ханаһаан нютагые хэтэ мүнхэдөө эзэмшэхээр шамда болон үри һадаһадташ үгэхэб. Таанадай шүтэхэ Бурхан Бил болоноб!

Эхин 20:1

Абраһаам урагшаа нүүжэ, Кадээш ба Шүүр хотонуудай хоорондо тогтон байһанаа Гэраар хотын дэргэдэ һуурижаба.

Эхин 25:11

Абраһаамай мордоһоной һүүлээр Бурхан тэрэнэй хүбүүн Исаагые үреэбэ. Исаак Бээр-Лахай-Рой, ондоогоор хэлэбэл, «Намайе наһан соом хаража байдаг Эзэнэй булаг» гэдэг газар нютагта ажаһуугаа.

Эхин 26:12

Энэ газар орондо нютаглаад, Исаак таряа таридаг һэн. Эзэн үреэжэ, урда жэлнүүдтэ орходоо зуу дахин баян ургаса нэгэ жэл тэрэ хуряаба.

Эхин 26:14

Гадна тэрээндэ мал һүрэг, зарасанар угаа олон байгаа. Энээндэнь Пилишт орон нютагай зон атаархадаг болобо.

Эхин 26:24

Тэрэ һүнинь Эзэн тэрээндэ үзэгдэжэ, иигэжэ айладхаба: – Би шинии эсэгэ Абраһаамай шүтэдэг Бурхан гээшэб. Юунһээшье бү ай. Намда үнэн сэхэ зараса Абраһаамда айладхаһанай ёһоор, Би хододоо шамай анхаржа, үреэл хайраяа элирхэйлжэ, үреэжэ, уг удамыеш олошоруулхаб.

Эхин 28:13

Эзэн гэшхүүрэй оройдо зогсоод, Яковта иигэжэ айладхажа байба: – Би Эзэн Бурхан мүнби! Шинии эсэгэнэр болохо Абраһаамай, Исаагай шүтэн зальбардаг Бурхамби. Энэ нэмжын байһан газарые Би шамда болон шинии уг удамда үгэнэб.

Эхин 28:15

Хаанашье ябаа һааш, Би шамтай суг ябажа, аршалхаб. Энэ орон нютаг руу дахин асархаб. Айладхаһанаа бэелүүлтэрээ Би шамайе орхихогүйб.

Эхин 31:3

Эзэн тэрээндэ иигэжэ айладхаба: – Ши үбгэ эсэгынгээ, түрэл гаралайнгаа нютаг буса. Би хододоо шамтай байлсахаб.

Эхин 35:12

Абраһаам болон Исаагта үмсэ болгон үгэхөөр найдуулһан тэрэ орон нютагые Би шамда үргэхэб. Тиигээд тэрэ газар шинии үхи хүүгэдээр үеһөө үедэ дамжан байдаг угай газар болохо.

Эхин 39:2

Иосиф тэрэнэй гэртэ байжа, ажалынь хэдэг болобо. Эзэн тэрээниие анхаржа, үршөөдэг байһан ушарһаа Иосифой хэһэн ажал хододоо урагшатай, һайн бэлэй.

Эхин 39:21

Зүгөөр Эзэн тэндэшье тэрээнтэй байлсажа, үршөөл хайраяа элирхэйлбэ. Тиимэһээ түрмэ шороной ноёной һанаанда Иосиф тааруу болобо.

Эхин 48:21

Һүүлээрнь Израиль Иосифто хэлэбэ: – Абашни удахагүй хада гэртээ харихань. Харин Бурхан таанадтай хамта байжа, үбгэ эсэгэнэрэйтнай нютаглан байһан Ханаһаан орон таанадые бусаан абаашаха.

Эхин 50:24

Наһа барахынгаа урда тээ Иосиф аха дүүнэрээ дуудаад, иигэжэ хэлэбэ: – Минии мордохо саг дүтэлжэ байна. Гэбэшье Бурхан таанадта туһалха, энэ орон нютагһаа гаргажа, үбгэ эсэгэнэрнай болохо Абраһаамда, Исаагта, Яковта үгэхөөр тангариглаһан тэрэ орон нютаг руу абаашаха.

1 Угай бэшэг 16:16

Энэ хадаа Абраһаамтай баталһан хэлсээниинь, Исаагта үгэһэн тангаригынь юм.

Псалманууд 105:8

Харин Эзэн Өөрын нэрын түлөө, Өөрын хүсэ шадал харуулхын түлөө тэдэниие абараа.

Псалманууд 105:9

Иигэжэ Тэрэ Хулһата далайда занаба – тэрэ шэргэбэ, хуурай газараар мэтэ тэдэниие гүн далайгаар хүтэлэн гаргаа,

Псалманууд 32:8

Бүхы дэлхэй Эзэнһээ айн һүрдэн байг, юртэмсын бүхы оршин һуугаашад урдань шэшэрэлдэг лэ!

Псалманууд 39:12

Эзэн, үршөөлөө намһаа бү хаһыт! Энэрэл хайратнай, үнэнтнай намайе үргэлжэ хамгаалжа байг лэ!

Египедһээ гаралга 2:24

Ёолооень соносоһон Бурхан Абраһаам, Исаак болон Яковтай хэлсээ баталһанаа һанаандаа оруулба.

Египедһээ гаралга 3:12

– Би шамтай суг хажуудаш байхаб. Минии шамайе эльгээһэнэй дүлгэ тэмдэг иигэжэ тудаха: Египедһээ арадыем гаргаһанайш хойно энэ хада дээрэ Бурханда зальбаран, ёһолол бүтээхэ сагтнай ерэхэ, – гэжэ Бурхан харюусаба.

Египедһээ гаралга 6:4

Ханаһаан орондо тэдэ хэсэжэ ябагша һэн. Тэрэ орон нютагые өөһэдынь болгожо үгэхэ тухай тэдэнтэй хэлсээн баталаа бэлэйб.

Египедһээ гаралга 6:7

Таанадые Минии арад болгожо, Бурхантнай болохоб. Таанадые Египедэй дарлалтаһаа гаргаһан танай Эзэн Бурхан гэжэ һанажа ябахат.

Египедһээ гаралга 6:8

Абраһаамда, Исаак болон Яковта үгэхэб гэжэ тангариглаһан орон дэбисхэртэ таанадые оруулхаб, уг удамарайтнай эзэлэн һууха газар болгожо үгэхэб. Би Эзэн мүн гээшэб!»

Исай 43:2

Уһа гаталхадаш Би шамтай байхаб. Гол мүрэнөөр гарахадаа шэнгэхэгүйш. Гал дундуур ябаашье һаа, шатахагүйш. Элдэб гай гасалангууд шамайе дайрахагүй.

Исай 43:5

Бү ай, Би шамтай хамтаб! Би шинии уг удамые зүүн болон баруун зүгүүдһээ суглуулан, гэртэнь асархаб.

Михей 7:20

Эртэ урда сагта манай элинсэг хулинсагта тангариглан найдуулһанаа бэелүүлжэ, Яковай болон Абраһаамай үри һадаһадта – Өөрын арад зондо Та үнэн сэхэеэ, үршөөл хайраяа бэлэглэхэт.

Тоололго 23:19

худал зүйл хэлэжэ байха хүн бэшэл Бурхан. Ушар болоод лэ һанаһанаа хубилгаха, уладай хүбүүн бэшэл Тэрэ. Айладаһан зарлигаа хубилгаха юм аал Тэрэ? Найдуулһанаа хубилгахагүйл Тэрэ. Айладаанаал Тэрэ айладаха, айладажа найдуулагшаяа Тэрэ бүтээхэл.

Хуули дабталга 1:8

Харагты, энэ газар дайдые Би таанадта үгэнэб! Үбгэ эсэгэнэртэтнай – Абраһаамда, Исаагта, Яковта мүн үри хүүгэдтэнь үгэхэб гэжэ Минии, Эзэнэй, тангариглан найдуулһан газар руу ошожо, эзэмдэгты».

Хуули дабталга 34:4

Тиигээд Эзэн тэрээндэ хандан, иигэжэ айладаба: – Үри хүүгэдтэтнай энэ газар үгэхэб гэжэ Абраһаамда, Исаак болон Яковта «Минии тангариглан найдуулһан газар энэл даа». Шамда өөрынгөө нюдөөр энэ газар харахыешни зүбшөөгөөб, гэбэшье ши тиишээ орожо шадахагүйш.

Филиппынхидтэ 4:9

Минии хэлэжэ, юумэ хэжэ байхада намһаа һуража, ойлгожо абаһан бүгэдые бэелүүлжэ байгты. Тиигэбэл зүрхэ сэдьхэлдэмнай, һанал бодолдомнай амгалан байдал үршөөдэг Бурхан манай дунда оршожо байхал.

Еврейнүүдтэ 11:9

Бурханай үгэхэб гэжэ найдуулһан орон нютагта тэрэ баһал Бурханай найдуулгада хүртэһэн Исаак Яков хоёртойгоо этигэл һүзэгөөрөө хариин хүндэл майханууд соо амидардаг һэн.

Еврейнүүдтэ 6:17

Найдуулһан юумыень абаха ёһотой байһан хүнүүдтэ эрхэ хүсэлөө хубилгахагүй байһанаа элеэр харуулхын тулада Бурхан найдуулгаа тангаригаараа баталаа.