Эхин 2:17 - Библи

¹⁷ Зүгөөр һайн муугай илгаае мэдэрүүлдэг модоной жэмэсэй ойронь хүрэжэ болохогүй. Тэрэниие оройдоо бү эди. Эдеэ һаа, тэрэл үдэртөө үхэхэш.

Бурятский Библия. Отдельные книги Ветхого Завета

¹⁷ Зүгөөр һайн муугай илгаае мэдэрүүлдэг модоной жэмэсэй ойронь хүрэжэ болохогүй. Тэрэниие оройдоо бү эди. Эдеэ һаа, тэрэл үдэртөө үхэхэш.

Эхин 2:17 ပူးပေါင်းရင်းမြစ်များ

Эхин 2:9

Энэ сэсэрлиг соогоо Эзэн Бурхан харахада аятай, эдихэдэ амтатай жэмэстэ мододые ургуулба. Сэсэрлигэй дунда ажамидарал үршөөдэг модон, тиихэдэ һайн, мууе ойлгохо болгодог эрдэмэй модон һуулгагдаба.

Эхин 20:7

Зүгөөр ши мүнөө тэрэниие үбгэндэнь бусаа. Тэрэшни лүндэншэ хүн, шинии амиды үлэхын тула уншалга хэхэ, тиихэдэнь Би шамайе амиды мэндэ үлөөхэб. Хэрбээ тэрэниие үбгэндэнь бусаагаагүй һаа, өөрөөшье, шинии хамаг угшье хосорхо!

Эхин 3:11

– Нюсэгэнши гэжэ хэн шамда хэлээб? – гэжэ Эзэн Бурхан асууба. – Хорюултай модоной алим эдеэ аалтайш?

Эхин 3:17

Хүндэ Эзэн Бурхан айладхаба: – Һамганайнгаа үгэдэ орожо, Минии хорюултай гэһэн алим эдиһэнэйш түлөө, шамһаа уршагтажа энэ газар хараалда хүртэбэ, шэмэтэ үрыень шадал шэнээгээ гарган, зобожо абадаг байхаш.

Эхин 3:19

Хүлһөө адхан эдеэ хоол олодог байхаш. Газарһаа абтаһан хадаа дахинаа газартаа бусахаш. Юуб гэбэл, ши тоборог шорой гээшэш, иимэл ёһонһоо юрын лэ шорой тооһон болохош.

3 Хаан түрэнүүд 2:37

Гаража, Кидроон горхо гаталаа һаа, заабол хосорхош – энээниие мэдэжэ бай. Өөрөөл зэмэтэй болохош, – гэбэ.

3 Хаан түрэнүүд 2:42

Хаан хүниие эльгээжэ, Шимэй гэгшые дуудаад: – Иерусалимһаа гарабал, заабол тэрэ үдэртөө үхэхэш гэжэ би шамда Эзэнэй нэрээр тангариглан соносхоо бэшэ аалби? «Зай» гэжэ ши намда хэлээ бэлэйш.

Ерэмияа 26:8

дамжуулан хэлэхэ тухай Эзэнэй захирһан бүхы үгэнүүдые минии хэлэжэ дүүргэхэдэ, тэдэ намайе барижа: – Ши үхэхэ ёһотойш!

Эзэкээл 18:13

мүнгэ түрүүлдэг. Иимэ хүбүүн амиды мэндэ байха аал? Үгы! Иимэ жэгшүүритэй муухай юумэ хэһэндээ тэрэ заабол хосорхо. Өөрөөл үхэлдөө зэмэтэй гээшэ.

Эзэкээл 18:32

Би, Эзэн Бурхан, хэнииешье үхэг гэжэ хүсэнэ бэшэб. Муу юумэ үйлэдэхэеэ болижо, амиды мэндэ байгыт!

Эзэкээл 18:4

Хүн бүхэнэй – эхэ, эсэгын, үхибүүнэйнь – ами наһан Минии мэдэлэй. Нүгэл үйлэдэгшэ хэн нэгэн өөрынгөөл хэһэнэй түлөө хосорхо.

Эзэкээл 33:14

Муу хэрэг үйлэдэгшэдэ «үхэхэш» гэжэ айладхахадам, тэрэ нүгэл хэхэеэ болижо, һайн, үнэн юумэ үйлэдэжэ эхилбэ гэел даа.

Эзэкээл 33:8

Муу хүниие үхэхэ гэжэ айладхахадам, тэрэ өөрын лэ нүгэлэй түлөө үхэхэ. Нүгэлтэ ябадалаа орхихо тухайнь тэрэниие һэргылээгүй гээшэ һаа, ши, Эзэкээл, үхэһэндэнь зэмэтэй болохош.

Тоололго 26:65

Ушар юуб гэхэдэ, тэдэнэрые булта сүл губида үхэхэ гэжэ Эзэн айладаһан байгаа. Гэбэшье Епуннээгэй хүбүүн Халээб, Нүүнэй хүбүүн Иисүүс хоёр лэ амиды үлөө һэн.

Римэйхиндэ 1:32

Тиимэ юумэ үйлэдэжэ байһан хүн бүхэн үхэлдэ хүртэхэ табилантай гэжэ Бурханай хэлэһые мэдэжэ байһаншье һаа, тэдэнэр нүгэлтэ юумэ хэжэл байдаг, үшөө тиихэдэ бусад зониие тиимэ юумэ үйлэдүүлхэдэ түлхидэг.

Римэйхиндэ 6:16

Хэнэй үгэ дууланат, тэрэнэйл барлагынь болонот гэжэ таанад мэдэнэгүй аалта? Таанад нүгэлэй барлагынь байбал, үхэлдэ хүртэхэт, зүгөөр Бурханай үгөөр байдаг барлагынь байбал, үнэн сэдьхэлтэй болохот.

Римэйхиндэ 6:23

Хэһэн нүгэл шэбэлэйтнай түлөөһэниинь үхэл юм. Харин манай Эзэн Иисүүс Христоостой нэгэдэн мүнхэ амидархань Бурханай үршөөл бэлэг юм.

Римэйхиндэ 8:2

Ушарынь юуб гэбэл, Иисүүс Христоостой хамта ажамидаруулжа байһан Һүлдын хуули намайе нүгэлэй ба үхэлэй хуулиһаа сүлөөлөө.

Коринфынхидтэ 1-дэхи 15:22

Хүнүүд булта Адаамтай холбоотой байһан дээрэһээ яажа үхэдэг бэ, тон тиигэжэл булта Христоостой холбоотой байһан дээрэһээ амидыруулагдаха.

Коринфынхидтэ 1-дэхи 15:56

Үхэлэй хадхуурай хорон нүгэл шэбэл соо, нүгэл шэбэлэй хүсэн Хуули соо.

Галадуудта 3:10

Харин Хуули сахижа аршалагдахаб гэжэ һанаһан хүн бүхэн хэһээгдэхэ. Юундэб гэхэдэ, «Хуулиин зүйл бүхэниие үргэлжэ гүйсэдхэжэ байгаагүй хүн бүхэн хэһээгдэхэ», – гэжэ Нангин Бэшэг соо хэлээтэй байдаг.

Эфесэйхиндэ 5:14

Гэрэл туяагай ашаар элирүүлэгдэһэн бүхы юумэн гэрэл туяа болоно. Тиимэһээ иигэжэ хэлэдэг байха: «Унтажа байһан хүн, һэри, амидыра, Христоос шамайе гэрэлтүүлхэ».

Хуули дабталга 27:26

«Бурханай энэ һургаалай үгэнүүдые бэелүүлдэггүй, тэдэниие сахин дүүргэдэггүй хүн хараалай ехэ хараал шэнгээхэ!» Бүхы арад зон харюусаха: «Болтогой!»

Хуули дабталга 30:15

Анхарагты, би таанадта ами наһан ба үхэл хаталай, аза жаргал ба гай зоболонгой нэгыень шэлэхые мүнөөдэр дурадханаб.

Хуули дабталга 30:19

Мүнөө гэршэ болохыень огторгой газар хоёрые дууданаб: ами наһан ба үхэл хаталай, юрөөл ба хараал шэрээлэй нэгыень шэлэхые би мүнөөдэр таанадта дурадханаб. Өөһэдын болон үри һадаһадайнгаа амиды мэндэ ажаһуухын тула ами наһа шэлыт!

Колоссынхидтэ 2:13

Таанад нүгэл хэдэг, отолуулаагүй, Бурханай хүнүүд бэшэ байһан дээрэһээ урдань үхэһэн хүнүүдтэл адли байгаат. Харин Бурхан таанадые мүнөө Христоостой хамта амидыруулаа. Бурхан бидэнэй бүхы нүгэлнүүдые хүлисөө.

Тимофейдэ 1-дэхи 5:6

Харин хүсэлэнгүүдээ хангажа байдаг бэлбэһэн эхэнэр амилжа байһаншье мүртөө үхэһэнтэй адли юм.

Яковай хандалга 1:15

Харата хүсэлэнгүүднай бүрилдэһөөр нүгэл түрүүлнэ, харин нүгэлнай ехэ боложо халихадаа, үхэл түрүүлнэ.

Иоаннай 1-дэхи хандалга 5:16

Хэрбээ ахань үхэлдэ хүргэдэггүй нүгэл хэнэ гэжэ мэдэжэ, хаража байһан хүн Бурханда мүргэг, тиихэдэнь Бурхан тэрээниие амиды байлгаха. Үхэлдэ хүргэдэггүй нүгэл хэһэн хүн тухай эндэ би хэлэжэ байнаб. Харин үхэлдэ хүргэдэг нүгэл гэжэ бии. Тиимэ нүгэл хэгшэдэй түлөө зальбарха ёһотой гэжэ би эндэ хэлэнэгүйб.

Гэршэлгэ 2:11

Һүзэглэгшэдэй бүлгэмүүдтэ Арюун Һүлдын хэлэһэниие шэхэтэй юм һаа, шагнаг лэ! Илаашые хоёрдохиёо һүнөөхэгүй».

Гэршэлгэ 20:14

Удаань үхэл, үхэлэй орон хоёрые гал дүлэтэ нуур руу хаяһан байна. Энэнь хоёрдохи үхэл – гал дүлэтэ нуур мүн байһан юм.

Гэршэлгэ 20:6

Түрүүшын амидыруулгын үедэ дахин амидырагдаха хүнүүд жаргалтай. Тэдэнэр Бурханай хүнүүд мүн. Тэдэнэр хоёрдохиёо үхэхэгүй. Тэдэнэр Бурханай, Христоосой санаартадынь болохо, мянган жэлэй туршада Иисүүстэй хамта засаг түрэ барижа байха.

Гэршэлгэ 21:8

Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.

1 Хаан түрэнүүд 14:39

Израилиие абарһан Бурханай нэрээр тангаригланаб. Миниишье хүбүүн Ёнатаан хэһэн байгаа һаа, заабол үхэхэ ёһотой, – гэбэ. Арад зоной дундаһаа тэрээндэ харюусаха нэгэшье хүн байбагүй.

1 Хаан түрэнүүд 14:44

Саул: – Ёнатаан! Ши заабол үхэхэ ёһотойш. Энээниие гүйсэдхөөгүй һаамни, Бурхан намайе хэһээхэнь болтогой! – гэбэ.

1 Хаан түрэнүүд 20:31

Ишайн хүбүүнэй энэ газар дээрэ амиды байгаа сагта шишье, шинии хаан түрэшье тогтохогүй. Мэнэ гэһээр хүниие эльгээжэ, тэрэниие намда асара. Тэрэ заабол үхэхэ ёһотой, – гэбэ.

1 Хаан түрэнүүд 22:16

Гэбэшье хаан: – Ахимээлэх, ши заабол үхэхэ ёһотойш. Ши болон шинии эсэгын бүхы гэр бүлэ, – гэбэ.