Эхин 18:1 - Библи

¹ Үдын наранай халуунда, Мамрээгэй сарса мододой дэргэдэ, майханайнгаа үүдэндэ Абраһаамай һуужа һуухада тэрээндэ Эзэн дахин үзэгдэбэ.

Бурятский Библия. Отдельные книги Ветхого Завета

¹ Үдын наранай халуунда, Мамрегэй сарса мододой дэргэдэ, майханайнгаа үүдэндэ Абраһаамай һуужа һуухада тэрээндэ Эзэн дахин үэгдэбэ.

Эхин 18:1 ပူးပေါင်းရင်းမြစ်များ

Эхин 12:7

Тэндэ Эзэн Абрамда үзэгдэжэ, иигэжэ айладхаба: – Би энэ газар дайдые шинии үри һадаһадта үгэхэб! Иигэжэ өөртэнь үзэгдэһэн Эзэниие хүндэлжэ байһанаа элирхэйлэн, мал үргэл болгон шатааха шулуун шэрээ Абрам тэндэ түхеэрбэ.

Эхин 13:18

Иигээд Абрам майханаа хуряагаад, аян замда гаража, Хэброон хотын хажууда тогтон, тэндэхи Мамрээ гэдэг хүнэй сарса мододой дэргэдэ ерэбэ. Тэрэ Эзэндэ зорюулан, шулуугаар баһа нэгэ үргэлэй шэрээ барин бодхообо.

Эхин 14:13

Тэрэ үедэ Абрам еврей эмоор обог зонтой хамта Мамрээ гэдэг хүнэй сарса модото харьяата газартань ажаһуужа байгаа. Энэ хугасаа соо тэрэ Мамрээтэй, Эшхоол, Анээр гэдэг дүүнэртэйнь анда нүхэд болоһон юм. Нэгэтэ Содом хотоһоо арай амиды тэрьедэһэн нэгэ хүн Абрамда ерээд, юун болоһон тухай дуулгаба.

Эхин 15:1

Энэ болоһон үйлэ хэрэгүүдэй удаа нэгэ хэды сагай үнгэрөөд байхада Абрамда үзэгдэл үзэгдэжэ, тэрэ Эзэнэй иимэ айладхал дуулаба: – Абрам, юунһээшье бү ай! Би шамайе хододоо хаража хамгаалжа, угаа ехэ һайн һайханиие үршөөхэб.

Эхин 17:22

Иигээд Бурхан ябашаба.

Эхин 18:22

Тиигээд Эзэнтэй суг ябаһан хоёр замайнь нүхэд Эзэниие болон Абраһаамые орхижо, Содом руу шэглэбэ.

Эхин 20:1

Абраһаам урагшаа нүүжэ, Кадээш ба Шүүр хотонуудай хоорондо тогтон байһанаа Гэраар хотын дэргэдэ һуурижаба.

Эхин 26:2

Эзэн Исаагта үзэгдэжэ, иигэжэ айладхаба: – Ши эдеэ хоол бэдэржэ Египет бү ошо. Харин Минии шамда заажа үгэһэн нютаг орон руу зорижо байрла.

Эхин 35:27

Тэрэ үедэ Яковай эсэгэ Исаак Кирьяат-Арбаагай, ондоогоор нэрлэбэл, Хэброон хотын ойрохоно Мамрээдэ ажаһууһан юм. Урдань Исаак Абраһаам эсэгэтэеэ хамта тэндэ ажаһуужа байһан юм. Яков тэндэ ошожо, эсэгэтэеэ уулзаба.

Эхин 48:3

Тиигээд Яков Иосиф хүбүүндээ иигэжэ хандаба: – Ханаһаан ороной Лүүз гэдэг газарта байхадамни, Түгэс Хүсэтэ Бурхан намда үзэгдэжэ, үреэгөө бэлэй.

2 Угай бэшэг 1:7

Тэрэл һүниндөө Бурхан Соломоондо үзэгдэжэ: – Юун шамда хэрэгтэйб, Намһаа гуйхадаш болохо, – гэжэ айладхаба.

Египедһээ гаралга 4:1

Моисей харюудань хэлэбэ: – Намда этигэнгүй, үгыем дуулангүй, «Эзэн шамда үзэгдөөгүй» гэжэ зоной хэлээ һаа, яаха болонобиб?

Хэрэгүүд 7:2

– Аха дүүнэрни, үбгэ эсэгэнэрни, намайе шагнагты! Манай үбгэн эсэгэ Абраһаамай Харраан хото нүүхын урда тээ, Месопотамида байхадань, алдарта Бурхан тэрээндэ ерэжэ,

Еврейнүүдтэ 11:9

Бурханай үгэхэб гэжэ найдуулһан орон нютагта тэрэ баһал Бурханай найдуулгада хүртэһэн Исаак Яков хоёртойгоо этигэл һүзэгөөрөө хариин хүндэл майханууд соо амидардаг һэн.

Еврейнүүдтэ 13:2

Аяншадые гэртээ угтан оруулхаяа бү мартагты. Тиигэжэ зарим хүнүүд өөһэдөөшье мэдэнгүй Эльгээмэлнүүдые гэртээ айлшалуулһан байна.

Нүүнэй Иисүүс 5:13

Иисүүс Ерихооной хажууда байхадаа, гартаа һэлмэтэй хүнэй урдаа зогсожо байхые хараа. Иисүүс хажуудань ошоод: – Манай гүш, али манай дайсадай гүш? – гэжэ һураа.