Эхин 17:10 - Библи

¹⁰ Бидэнэй хоорондо хэлсээнэй баталагдаһые гэршэлһэн зүйл гэбэл, танай угай эрэ хүн бүхэндэ бэлгэ отолхо ёһолол хэгдэхэ ёһотой.

Бурятский Библия. Отдельные книги Ветхого Завета

¹⁰ Бидэнэй хоорондо хэлсээнэй баталагдаһые гэршэлһэн зүйл гэбэл, танай угай эрэ хүн бүхэндэ бэлгэ хүндэхэ ёһолол хэгдэхэ ёһотой.

Эхин 17:10 ပူးပေါင်းရင်းမြစ်များ

Эхин 17:11

Иигэжэ энэ Минии болон таанадай хоорондо хэлсээнэй баталагдаһые гэршэлхэ тэмдэг болохо.

Эхин 17:23

Тэрэл үдэртөө Абраһаам Эзэнэй захирһанай ёһоор, гэртээ байһан эрэ хүн бүхэнэй бэлгэ отолбо. Өөрынь хүбүүн болон гэртэнь түрэһэн бүхы эрэшүүл, тэдээндэ ажал хэдэг, хари газарһаа худалдажа абаһан бүхы богоолнууд бэлгэндээ отололго хүүлэбэ.

Эхин 17:27

Тэдэнэйдэ түрэһэн бүхы эрэшүүл, хари газарһаа худалдажа абаһан бүхы богоолнууд тэрэ үдэр мүн лэ бэлгэндээ отололго хүүлэбэ.

Эхин 21:4

Хүбүүнэйнгээ түрэһөөр долоон хоногой үнгэрһэнэй удаа Абраһаам Бурханай захиралтын ёһоор бэлгыень отолбо.

Эхин 34:15

Зүгөөр нэгэ эрилтыемнай дүүргээ һаатнай – таанадай хамаг эрэшүүлэй маанад мэтэ отололго хүүлээ һаа, зүбшөөл үгэхэбди.

Эхин 34:22

Зүгөөр маанадаар сугтаа ажаһууха, нэгэ арад болохын тула тэдэнэр нэгэл эрилтэ табина: манай эрэшүүл тэдээн шэнги бултаараа бэлгэ отолуулга хүүлэхэ ёһотой гэнэ.

Египедһээ гаралга 12:48

Танайда ерүүл хүн Эзэндэ зорюулагдаһан Паасхын һайндэр һайндэрлэхэ гээ һаань, тэрэнэй гэр бүлын бүхы эрэнүүдэй бэлгэ отолоорой, тэрэнэйл һүүлээр һайндэрлэхэ эрхэтэй тэрэ болохо. Танай орон нютагта түрэһэн хүн мэтэ болохо. Бэлгэеэ отолуулаагүй хүн һайндэрлэхэ ёһогүй.

Египедһээ гаралга 4:25

Циппоораа һамганиинь тиихэдэнь хурса шулуугаар хүбүүнэйнгээ бэлгэ отолжо абаад, шуһыень Моисейн хүлдэ түрхибэ. Тиигээд хэлэбэ: – Шуһаар холбоотой эрэ нүхэрни ши мүн!

Ерэмияа 4:4

Минии арад түмэн бологты, зүрхэ сэдьхэлээ хубилгагты. Иудын ба Иерусалимай улад зон, тиигээгүй һаатнай, таанарай үйлэдэһэн муу муухай хэрэгүүдһээ боложо, Минии уур хилэн гал дүлэн мэтэ бушаганаха. Хэншье тэрэниие унтаргаажа шадахагүй.

Иоанн 7:22

Бишыхан хүбүүдэйнгөө бэлгэ отолуулха ёһо заншал таанарта Моисей захяа һэн (үнэндөө Мойсейһээ урда, үбгэ эсэгэнэр тиигэжэ захяа), тиигээд таанар субботодошье отолуулна ха юмта.

Хэрэгүүд 7:8

Абраһаамтай хэлсэһэнээ баталан, Бурхан бэлгээ отолуулха заншал тогтообо. Абраһаам Исаак хүбүүтэй болоходоо, наймадахи үдэртэнь тэрэнэйнгээ бэлгэ отолуулаа, Исаак Яковай бэлгэ отолуулаа, тиин Яков манай арбан хоёр үбгэ эсэгэнэрэй бэлгэ отолуулһан түүхэтэй.

Римэйхиндэ 2:28

Гадна талаһаа еврейдэл адляар ажамидарһантнай, отолуулһан байдалтнай таанадые жэнхэни еврейнүүд болгоногүй.

Римэйхиндэ 3:25

Бурхан маанадтай эбтэй эетэй болохын тула Христоосые тахил болгон эльгээгээ. Тиимэһээ бидэ Тэрээндэ һүзэглэһэнэйнгөө ашаар Бурхантай эблэрнэбди. Бурхан урдань тэсэбэритэй, нүгэлтэнүүдые тоонгүй байһанаараа үнэн зүб байһанаа харуулба. Баһа Иисүүстэ һүзэглэһэн зониие үнэн сэдьхэлтэй гэжэ тоолоходоо, Бурхан үнэн зүб байһанаа харуулна.

Римэйхиндэ 3:28

Ушарынь юуб гэхэдэ, хүн Хуулиин тогтоолнуудые дүүргэһэнээрээ бэшэ, харин һүзэгэйнгөө ашаар Бурханай урда үнэн сэдьхэлтэй болодог гэжэ бидэ тоолонобди.

Римэйхиндэ 3:30

Бурхан ори ганса ушарһаа бүхы арадуудай Бурхан мүн. Тиин Бурхан бусад арадуудые еврейнүүдтэй тон адляар һүзэгэйнь ашаар Өөрынгөө урда үнэн сэдьхэлтэй байлгадаг.

Галадуудта 3:28

Тиимэһээ мүнөө еврейнүүд, бусад арадуудшье илгаагүй, барлагууд, сүлөөтэйшүүлшье илгаагүй, эрэшүүл, эхэнэрнүүдшье илгаагүй. Таанад булта мүнөө нэгэн адли боложо, Иисүүс Христоостой нэгэдэбэт.

Галадуудта 6:12

Хүнүүдтэ һайшаагдаха дуратай зон бэлгээ отолуулхыетнай баадхана, тиихэдээ тэдэнэр Христоосой хэрээһэнэй түлөө хашуулха мүрдүүлхэ дурагүй байна.

Эфесэйхиндэ 2:11

Таанад түрэхын еврей-бэшэнүүд байгаат, өөһэдыгөө отолуулһан (бэеын эрхэтэниие гараараа отолхо гэһэн удхатай) гэжэ нэрлэдэг еврейнүүд таанадые «отолуулаагүй» гэжэ нэрлэдэг байгаа, урдань хэд байһанаа бү мартагты,

Хуули дабталга 10:16

Тиимэһээ энэ сагһаа хойшо Эзэнэй үгэ дууладаг бологты, саашадаа бү үсэрхэлдэгты.

Хуули дабталга 30:6

Эзэн Бурхантнай таанадые болон уг удамыетнай Өөр руунь зүрхэ сэдьхэлээрээ тэгүүлдэг болгохо, тиихэдэнь Эзэн Бурхандаа бүхы зүрхэ сэдьхэлээрээ дурлахат, иигэжэ амиды мэндэ үлэхэт.

Филиппынхидтэ 3:3

Тэдэнэр бэшэ, харин бидэнэр жэнхэни «отолуулга» хэһэн зон гээшэбди, юуб гэбэл, бидэ Бурханай Һүлдын ашаар Бурханда мүргэжэ, Иисүүс Христоостой нэгэдэһэндээ бахархан баясанабди. Бидэ бэеын эрхэтэнэй отолуулха ёһололдо найданагүйбди.

Нүүнэй Иисүүс 5:2

Тэрэ үедэ Эзэн Иисүүстэ иигэжэ хэлээ: – Шулуун хутага хээд, Израилиин хүбүүдэй бэлгэ дахяад отолхо болобош.

Нүүнэй Иисүүс 5:4

Иимэ шалтагаанаар Иисүүс Израилиин хүбүүдэй бэлгэ отолоо: Египедһээ гараһан бүхы эрэ түрэлтэй зон, дайлалдаха шадалтай бүхы зон замдаа элһэн губида хосороо.