Египедһээ гаралга 9:27 - Библи

²⁷ Фараон Моисей Аһароон хоёрые дуудажа асаруулаад хандаба: – Энэ удаа би нүгэлтэй байһанаа мэдэрнэб; Эзэнтнай үнэниие айладаа юм байна, харин минии болон албатан арадайм буруу элирбэ гээшэ.

Египедһээ гаралга 9:27 ပူးပေါင်းရင်းမြစ်များ

2 Хаан түрэнүүд 12:13

Давид Натаанда хэлэбэ: – Би Эзэнэй урда нүгэлтэйб. – Эзэн шамайе хүлисөө. Ши үхэхэгүйш.

2 Угай бэшэг 12:6

Хаан болон удамаршад үгэнүүдэй зүб байһые мэдэржэ, иигэжэ хэлэбэ: – Эзэнэй мэдэлээр лэ болохо.

Псалманууд 129:4

Харин Та хүлисэдэгта, бидэ урдатнай айн зогсонолди.

Псалманууд 9:16

Үндэһэтэнүүд өөһэдын малтаһан нүхэндэ унаа, өөһэдын нюуһан торон зангада хүлөөрөө орошоо.

Египедһээ гаралга 10:16

Фараон яаралтай Моисей Аһароон хоёрые ерүүлээд хэлэбэ: – Эзэн Бурханайтнай урда, танай урда би гэмтэйб.

Египедһээ гаралга 10:17

Үшөө дахин үршөөгыт, Эзэн Бурхандаа зальбарыт, энэ үхэлтэ үйлэ намһаа холодуулаг лэ.

Египедһээ гаралга 8:25

Фараон Моисей ба Аһароониие дуудажа ерүүлээд хэлэбэ: – Манай газар нютагһаа гарангүй Бурхандаа үргэл хэгты.

Египедһээ гаралга 8:8

Фараон Моисей Аһароон хоёрые дуудажа ерүүлээд хэлэбэ: – Эзэндэ зальбаржа, намһаа, минии албатан арадһаам эдэ бахануудые зайлуулагты! Тиихэдэтнай Израиль угсаатаниие Бурхандаа үргэл хэхыень табихаб.

Гашуудал 1:18

Теэд Эзэн зүб шударга! Юуб гэхэдэ, би үгыень дуулаагүйб. Бүхы арад түмэн, шагнагты, зоболонгым харагты: залуу басагад, хүбүүдни баряанда туугдан ошожо байна.

Даниил 9:14

Гай тодхор бидэндэ эльгэхэеэ, буулгахаяа Эзэн удаарбагүй. Эзэн Бурханай хэһэн бүхы үйлэ хэрэгүүдынь зүб, харин бидэл үгыень дуулаагүйбди.

Тоололго 21:7

Арад зон Моисейдэ ерээд, иигэжэ хэлэбэ: – Бидэнэр Эзэндэ, танда дураа гутан гэмэрэлдэжэ, өөһэдтөөл нүгэл хэбэбди. Эзэнһээ үршөөл хайра бидэндэ гуйгыт даа. Эзэн эдэ могойнуудаа бидэнһээ холодуулаг лэ! Моисей арад зондоо үршөөл хайра гуйжа, Эзэндэ һүгэдэн зальбарба.

Тоололго 22:34

Балаһаам Эзэнэй Эльгээмэлдэ: – Би нүгэл хэбэб. Нарин харгы дээрэм зогсоходотнай, намда һаалта хэнэ гэжэ таниие огто би һанаагүйб. Буруушаагаа һаатнай, нютагаа тэхэрин бусаһуууб, – гэбэ.

Матвей 27:4

– Гэм зэмэгүй хүниие барижа үхэлэй саазада хүртүүлхэдээ би нүгэл үйлэдэбэб, – гэбэ. Нүгөөдүүлынь: – Тэрэшни манда ямар хамаатай юм? Шиниил хэрэг ха юм, – гэжэ харюусаа һэн.

Римэйхиндэ 2:5

Харин таанад зүрюутэжэ, Бурханда хандахаяа арсанат. Тиигэжэ Тэрэнэй уур сухалаа элирүүлхэ, газар дэлхэйнхидые гэмнэн шүүбэрилхэ үдэр хүрэтэр таанад өөһэдтөө бүрил муу хэһээлтэ бэлдэжэ байнат.

Римэйхиндэ 3:19

Хүн түрэлхитэнэй өөрыгөө сагааруулхаяа болихын тула, бүхы газар дэлхэйнхидые Бурханай зарга шүүбэридэ оруулхын тула Хуули соо хэлэгдэһэн бүхы юумэнүүд Хуулиин мэдэлдэ байһан хүнүүдтэ хандуулаатай гэжэ бидэ мэдэнэбди.

Нүүнэй Иисүүс 7:20

Харюудань Ахаан Иисүүстэ хэлээ: – Зүб, би Эзэнэй урда, Израилиин Бурханай урда нүгэлтэйб, тиимэ юумэ хээб:

1 Хаан түрэнүүд 15:24

Саул Самуилда: – Би нүгэл хээб. Арад зонһоо айжа, үгыень дуулажа, Эзэнэй захиралта ба танай үгые дүүргээгүйб.

1 Хаан түрэнүүд 15:30

Саул: – Би нүгэл хээб. Гэбэшье мүнөө минии арад зоной аха захатанай болон Израилиин урда намайе хүндэлыт даа, намтай хамта бусыт. Би Эзэн Бурхандатнай һүгэдэн мүргэхэмни, – гэжэ гуйба.

1 Хаан түрэнүүд 26:21

Тиихэдэнь Саул: – Би нүгэлтэйб. Бусажа ерыш, минии хүбүүн Давид! Би дахин шамда гай тодхор хэхэгүйб. Юуб гэбэл, минии ами наһанай шамда хайратай байһые мүнөө элирхэйлээш. Би ухаагүй юумэ хэжэ, ехэ алдуу гаргааб, – гэбэ.