Египедһээ гаралга 7:4 - Библи

⁴ Харин таанадай үгэ фараон дуулахагүй. Одоол тиихэдэ Египет Минии гарай хүндые мэдэхэ даа! Минии арад болохо Израиль угсаатаниие сэрэг шэнгеэр жагсаан Египедһээ гаргахаб. Хэһээлтэм шанга!

Египедһээ гаралга 7:4 ပူးပေါင်းရင်းမြစ်များ

Египедһээ гаралга 10:1

Эзэн Моисейдэ айладаба: – Фараондо ошо. Минии дүлгэ тэмдэгүүдые фараондо ба албатан зондонь үзүүлхэ зорилгоор тэрэниие эсэргүүсүүлээб.

Египедһээ гаралга 11:9

– Фараон үгыеш дуулаха дурагүй байна, Египет орондо Минии үйлэдэһэн гайхамшаг үзэгдэлнүүд үшөөл олон болохын тула энэ хэрэгтэй, – гэжэ Эзэн Моисейдэ айладаба.

Египедһээ гаралга 12:51

Тэрэ үдэр Эзэн Израиль угсаатаниие Египедһээ сэрэг шэнгеэр жагсаан гаргаба.

Египедһээ гаралга 13:3

Моисей угсаата арадтаа хэлэбэ: – Египедһээ, богоол байһан газарһаа гараһан энэ үдэрые һанажа ябагты, тэндэһээ таанадые Эзэн хүсэ хүсэлэн гаргаа һэн. Эһээгдэһэн юумэ бү эдигты.

Египедһээ гаралга 13:9

Энэ хадаа Эзэнэй зарлиг тогтоохын тулада гар дээрэш тэмдэг, нюдэнэйш урда хүшөө болохо ёһотой. Эзэнэй зарлиг хуули үгэ хэлэндэш хододоо байха ёһотой, юуб гэхэдэ, Эзэн хүсэ хүсэлэн, Египедһээ шамайе гаргаһан байна.

Египедһээ гаралга 18:8

Израилиин зоной түлөө фараондо ба тэрэнэй арад албатанда Эзэнэй юу хэһэн тухай, губида гаталһан хүшэр зам, Эзэнэй тэдэниие абарһан тухай Моисей хадам эсэгэдээ хөөрэбэ.

Египедһээ гаралга 3:19

Би мэдэнэм, хүсэтэ гараар баадхаагүй һаа, Египедэй фараон ябахыетнай зүбшөөхэгүй.

Египедһээ гаралга 3:20

Би Өөрын хүсэтэ гар Египет руу һунаахаб, эди шэдеэрээ элдэб гайхамшаг үзэгдэл харуулхаб – тиихэдэм лэ таанадые табиха.

Египедһээ гаралга 6:1

– Фараондо юу хэхыем харахаш даа; Минии хүндэ гарай баалалтаар удамайш зониие тэрэ табиха, табихаһаа байтагай орон нютагһаа үлдэжэ гаргаха, – гэжэ Эзэн Моисейдэ харюусаба.

Египедһээ гаралга 6:26

Израилиин хүбүүдые сэрэг шэнгеэр жагсаагаад, Египедэй газарһаа гаргагты гэжэ Эзэнэй зонхилһон Аһароон Моисей хоёр болоно.

Египедһээ гаралга 6:6

Израиль угсаатанда иигэжэ дуулга: «Би Эзэнби! Би таанадые Египедһээ гаргахаб, дарлалтаһаа сүлөөлхэб! Би таанадые абархаб, Минии гар һунаалгаатай, хэһээлтэм шанга!

Египедһээ гаралга 7:13

Теэд фараон тэдэнэй үгэ шагнаха дурагүй байба. Эзэнэй айладаһаар лэ болобо.

Египедһээ гаралга 7:16

иигэжэ тэрээндэ хэлэхэш: «Сүл губида ошожо Намда үргэл хэхыень Минии арадые табииш», – гэжэ Эзэн, еврейнүүдэй Бурхан, шамда дамжуулаа. Харин ши мүнөө болотор үгыень дууланагүйш.

Египедһээ гаралга 8:15

Харин фараон баханууд үгы болоо гэжэ мэдэхэдээ, үнөөхи үсэд зандаа диилдэн, үгыень дуулахаяа болибо даа. Эзэнэй урид айладаһаниинь бэелбэ.

Египедһээ гаралга 8:19

Египедэй эльбэшэд «Энэ Бурханай гар ха даа» гэжэ фараондо хэлэбэ. Фараон үсэд зангаа хубилгабагүй, үгэ дуулабагүй. Эзэнэй урид айладаһаарнь лэ болобо.

Египедһээ гаралга 9:12

Гэбэшье Эзэн фараоной үсэдые хүдэлгэжэ, тэрэ үгэ дуулабагүй. Моисейдэ Эзэнэй урид айладаһаарнь лэ болобо.

Египедһээ гаралга 9:3

хүдөө байгаа бүхы малдаш – моридтош, элжэгэ тэмээнүүдтэш, сар үхэртэш, хони ямаандаш – Эзэнэй хүндэ гар бууха, аймшагтай үхэл тахал эхилхэ!

Һургаал 19:29

Убайгүйдэ хэһээлтэ байха, мунхагай нюрга сохихо арга олдохо.

Исай 26:9

Һүниндөө минии сэдьхэл Тан руу тэгүүлдэг, үглөөнһөөшье эхилээд, Таниие бэдэрнэм. Газарта Танай шүүхэ сагай ерэхэдэ, дэлхэйн зон зүб ябадалда һурана.

Гашуудал 3:3

Иигээд Тэрэ намайе дахин дахин, үдэр бүри сохино.

Эзэкээл 14:21

Энэ хадаа Эзэн Бурханай айладхал үгэнүүд: – Эгээл хүндэ дүрбэн хэһээлтэеэ – дайн дажар, үлэн хооһон байдал, арьяатаниие, үбшэ хабша Иерусалим руу эльгээжэ, улад зониие, мал тэндэ хюдахаб.

Эзэкээл 25:11

Иигэжэ Моһаабые хэһээхэдэм, Намайе Эзэн гээд зон мэдэдэг болохо.

Эзэкээл 30:14

Патроос хотые һандаргахаб, Цооһаниие галдахаб. Ниислэл хото Тэбээс мүн лэ һандаргагдаха.

Эзэкээл 30:19

Египедые хэһээжэ дүүргэхэдэм, таанад Намайе Эзэн гээд ойлгохот.

Гэршэлгэ 15:4

Хэн Танһаа айхагүйб даа, Эзэн Бурхан, Танай нэрэ солые хэн алдаршуулан магтахагүйб даа?! Гансал Та нангин гэгээнта! Бүхы арадууд Танай урда һүгэдэн унажа мүргэхэл. Юундэб гэбэл, Танай үнэн зүб хэрэгые бултадаа үзөө хараа.

Гэршэлгэ 16:7

Тахилай шэрээгэй хажууһаа иигэжэ хэлэхыень би дуулааб: «Тиимэ даа, Хамагые зонхилогшо Эзэн Бурхан, Танай гаргаһан шиидхэбэринүүд үнэн зүб!»

Гэршэлгэ 19:2

Ушарынь хэлэбэл, Тэрэнэй шиидхэбэринүүд үнэн зүб юм! Бүхы газар дэлхэйнхидые зальхайруулһанайнь түлөө аргагүй забхай Янхан эмые Бурхан шүүбэрилэн гэмнээ! Зарасанарайнь шуһа адхаруулһанайнь түлөө Янхан эмые Бурхан хэһээгээ!

Ударидагшад 2:15

Эзэн израильшуудһаа холодобо. Тиихэдэнь израильшууд хаанашье дайлалдахадаа, ходол дайсадта диилдэдэг болобо. Хэрбэеэ оршон тойрон ажаһуудаг арадуудай хуурмаг бурхадта шүтэн мүргөө һаа, таанад ходол диилдэхэт гэжэ Эзэн уридшалан израильшуудта айладаа, тангариглаа һэн. Израильшууд олиггүй ехээр тулин зобобо.