Египедһээ гаралга 7:19 - Библи

¹⁹ Эзэн Моисейдэ айладаба: – Дулдыгаа Египедэй бүхы уһан дээрэ – гол мүрэн, һэдэһэ, тэдэнэй һалаа, нуур, сөөрэмүүд дээрэ дэлгэн дэехэш гэжэ Аһароондо хэлэ, уһаниинь шуһан болохо. Бүхы Египедэй газар дайдаар – модон дээрэ, шулуун дээрэ – шуһан бии болохо.

Египедһээ гаралга 7:19 ပူးပေါင်းရင်းမြစ်များ

Эхин 1:10

Бурхан хуурай газарые «газар» гэжэ нэрлэбэ, сугларһан уһанда «далай» гэжэ нэрэ үгэбэ. Хэһэн ажалаа хаража, Бурхан сэдьхэлээ хананги байгаа.

4 Хаан түрэнүүд 4:29

Элишаа Гэһаазида иигэжэ хэлэбэ: – Ууса нюргаяа бэһэлэ, минии таяг гартаа абаад, харгыда гара. Харгы замдаа уулзаһан хүниие бү мэндэшэлэ, хэн нэгэнэй мэндэшэлээ һаа, бү харюуса, минии таяг үхибүүнэй нюур дээрэ таби.

Египедһээ гаралга 10:12

Эзэн Моисейдэ айладаба: – Египедэй газар тээшэ гараа дэлгэн дэел даа, таршаа шумуул дахяад добтолжо, бүхы ногооень, мүндэртэ сохюулаагүй бүхы ургамалыень дууһан һалгаг.

Египедһээ гаралга 10:21

– Тэнгэри өөдэ гараа дэлгэн дэехэдэш, Египедэй газарта тэмтэржэ ябамаар шэб харанхы болохо, – гэжэ Эзэн Моисейдэ айладаба.

Египедһээ гаралга 14:16

Харин өөрөө дулдыгаа далай тээшэ дэлгэн дэехэш – далай хажуу тээшээ эбхэрэн зайлажа, хуурай газар бии болохо. Израиль угсаатан далайн оёороор хуурай газарта ябаһан шэнги гарахал.

Египедһээ гаралга 14:21

Харин Моисей гараа далай дээгүүр дэлгэн дэебэ. Бүхэли һүниндөө Эзэн зүүн тээһээ шангаар үлеэһэн һалхи тууба, далайн долгин салгидан эбхэрбэ, далайн оёор үзэгдэбэ.

Египедһээ гаралга 14:26

Эзэн Моисейдэ зарлиг болобо: – Далай дээгүүр гараа дэлгэн дэехэдэш, эбхэрэн ошоһон уһа долгин һөөргөө тэхэрихэ, египедэй сэрэг, дайшалхы тэргэнүүд, морин сэрэгынь уһанда шэнгэхэ!

Египедһээ гаралга 4:9

хоёр дүлгэдэ үнэншөөгүй, шинии үгэ дуулаагүй һаань, Нил мүрэнһөө уһа удхан абажа, эрьедэ адха. Мүрэнһөө удхаһан уһаншни хуурай газар дээрэ шуһан болошохо.

Египедһээ гаралга 8:16

Эзэн Моисейдэ айладаба: – Дулдыгаа далайжа, газарай тооһо шорой шабхада гэжэ Аһароондо хэлэл даа, бүхы Египедэй шорой тооһон илааһан боложо хубилха.

Египедһээ гаралга 9:33

Моисей фараониие орхин, хотоһоо гарахадаа, Эзэн руу гараа дэлгэн дэебэ, тиихэдэнь тэнгэри дуугархаа болибо, мүндэр гансата замхаба, бороо тогтобо.

Исай 19:10

Бүд нэхэгшэд тодхорто орохо, хүлһэншэ ажалтан уруу дуруунууд болохо.

Исай 5:25

Эзэн Өөрын арад түмэндэ уур сухал боложо, гараа тэдээн руу һунгажа, сохихо! Хада ууланууд доһолжо, үхэһэн зоной хүүрнүүд бог шорой мэтэ үйлсэнүүдээр хэбтэхэ. Энээнэй удаашье Тэрэнэй уур хилэн унтархагүй, гарынь һунгаатай зандаа байха!

Аввакуум 3:8

Моридоо унаад, абаралай тэргэнүүдтээ залараад ерэһэнтнай гол мүрэнүүдтэ сухалдаһандаа, үгышье һаа, далайда уурлаһандаа гэжэ гү?