Египедһээ гаралга 7:17 - Библи

¹⁷ «Эзэн хэн гээшэб гэжэ мүнөө мэдэхэш!» – гэжэ Эзэн шамда айладана. Дулдыгаар Нил мүрэнэй уһа сохиходом, тэрэ уһан шуһан болошохо.

Египедһээ гаралга 7:17 ပူးပေါင်းရင်းမြစ်များ

3 Хаан түрэнүүд 20:28

Бурханай хүн Израилиин хаанда дүтэлжэ, иигэжэ хэлэбэ: – Эзэн иигэжэ айладана: «Намайе тала газарай бэшэ, хада уулын бурхан гэжэ араамшуудай хэлэһэндэнь Би шамда илалта үршөөхэб, ши иимэ ехэ сэрэг диилэхэш. Таанад Намайе Эзэн гээд ойлгохот».

4 Хаан түрэнүүд 19:19

Эзэн Бурхамни, Та болбол ори ганса Бурхан, бэшэ Бурхан байхагүй гээшые дэлхэйн бүхы хан түрэнүүд мэдэхын тула мүнөө маанадые дайсадһаамнай абарыт!

Псалманууд 105:29

Бурханиие хэрэгүүдээрээ уурлуулба, иигэжэ дундань тахал үбшэн тараба.

Псалманууд 9:16

Үндэһэтэнүүд өөһэдын малтаһан нүхэндэ унаа, өөһэдын нюуһан торон зангада хүлөөрөө орошоо.

Египедһээ гаралга 1:22

Фараон бүхы албатан арадтаа иимэ захирал буулгаба: – Һая түрэһэн хүбүүдыень уһа гол руу хаягты, басагадай түрэбэл, амиды үлөөгты.

Египедһээ гаралга 10:2

Египедые ямар хэһээлтээр Минии хэһээһэн тухай, гайхамшаг үзэгдэлнүүдые хайшан гэжэ Минии үзүүлһэн тухай хүбүүдтээ ба аша гушанартаа хөөрөөрэйгты! Эзэн хэн гээшэб гэжэ мэдэхынтнай тула эсэргүүсүүлээб!

Египедһээ гаралга 4:9

хоёр дүлгэдэ үнэншөөгүй, шинии үгэ дуулаагүй һаань, Нил мүрэнһөө уһа удхан абажа, эрьедэ адха. Мүрэнһөө удхаһан уһаншни хуурай газар дээрэ шуһан болошохо.

Египедһээ гаралга 5:2

– Эзэн гээшэш хэн гээшэб? Юундэ би Тэрэнэй үгэ дуулажа, израильшуудые табиха болоо хүмбиб? Эзэн гэжэ мэдэхэшьегүйб, тэдэ зониие табихашьегүйб, – гэжэ фараон харюусаба.

Египедһээ гаралга 6:7

Таанадые Минии арад болгожо, Бурхантнай болохоб. Таанадые Египедэй дарлалтаһаа гаргаһан танай Эзэн Бурхан гэжэ һанажа ябахат.

Египедһээ гаралга 7:20

Моисей Аһароон хоёр Эзэнэй захирһанай ёһоор бүтээбэ. Аһароон дулдыгаа үргэжэ, фараоной, тэрэнэй түшэмэлнүүдэй хараһаар байтар Нил мүрэнэй уһа сохибо. Нил мүрэн шуһаар урдаба.

Египедһээ гаралга 7:5

Минии хүндэ гарта сохюулхадаал Эзэн хэн гээшэб гэжэ Египет зон мэдэхэ даа. Тиихэдэнь лэ Израиль угсаатаниие тэндэһээ гаргахаб.

Эзэкээл 25:17

Угаа ехээр тэдэниие хэһээжэ, дүүрэн хэмжээгээр үһөөгөө абахаб. Иигэжэ шанга уур сухал дундаа хэһээхэдэм, тэдэ Намайе Эзэн гээд мэдэдэг болохо.

Эзэкээл 29:9

Иигэжэ танай, Египедэй, газар эзэгүй хооһон газар болохо. Эгээл тиихэдэ Минии, Эзэн Бурханай, энээниие үйлэдэһые мэдэхэт. «Нил мүрэн минии, би тэрэниие байгуулааб» гэжэ хэлэнэш.

Эзэкээл 30:19

Египедые хэһээжэ дүүргэхэдэм, таанад Намайе Эзэн гээд ойлгохот.

Эзэкээл 30:8

Танай орон газарые Би шатаахаб. Аршалагшадтнай бүгэдэ хосорхо. Тиихэдэл таанад Намайе Эзэн гээд мэдэрхэт.

Эзэкээл 32:15

Египедые хооһон элһэн сүл губи болгон, нэгэшье амиды амитаниие тэндэ үлөөнгүй байхадам, таанад Намайе Эзэн гээд мэдэдэг болохот.

Эзэкээл 32:6

Шинии шуһан хада уула хүрэтэр газар дүүргэжэ, гол горход болон урдаха.

Эзэкээл 38:23

Би, Эзэн, нангин гээшэб гэжэ дэлхэйн бүхы арадуудта Өөрыгөө харуулхын тула эдэ бүгэдые эрхилхэб».

Эзэкээл 39:28

Хариин арадуудай дундуур Өөрын арад зониие тараажа, удаань дахин суглуулаад, нэгыеньшье үлөөнгүй гэртэнь бусаахадам, Минии арад түмэн өөһэдынь Эзэн Бурхан байһыем мэдэрхэ.

Даниил 4:17

Танай хараһан модон мантан, гаһар, огторгой тулама үндэр, дэлхэйдэ хаагууршье харагдамаар бэлэй.

Даниил 4:32

Газар дэлхэй дээрэ амидарагшад юуншье бэшэ. Өөрын һанаһаар лэ Тэрэ огторгойн сэрэгтэй, газарай зонтой юумэ хэхэ. Хэншье гартань һөөргэдэжэ шадахагүй, «Яанабта?!» гэжэ хэлэхэгүй.

Даниил 5:21

Тэрэ зоной дунда амидархаяа болижо, ухааниинь балартан, ан арьяатан мэтэ болоод, зэрлиг элжэгэнүүдтэй байдаг, малдал адли үбһэ ногоогоор хооллодог, бэеынь шүүдэр угаадаг – юрэдөө, хүн түрэлтэнэй хан түрэнүүдые Дээдэ Бурхан зонхилдог, Өөрын дураар хэн нэгэниие хан шэрээдэ Тэрэл һуулгадаг гэжэ ойлготороо тэрэ иимэ байдалда байгаа.

Даниил 5:23

Огторгойн Эзэнэй урдаһаа һөөргэдэбэш: нангин ордонһоонь асарагдаһан амһартануудые шам руу асарба, түшэмэлнүүдтэеэ, һамгадтаяа, бага һамгадтаяа хамта тэдэ хундагануудһаа үзэмэй дараһан архи уубаш, тиигээд юушье харадаггүй, дууладаггүй, ойлгодоггүй мүнгэн, алтан, гуулин, түмэр, модон болон шулуун бурхадаа магтан-түүрээн байбаш. Харин ами наһа, хуби заяаеш зонхилон байдаг Бурханиие ши алдаршуулнагүйш.

Гэршэлгэ 11:6

Тэдэ хоёрой Бурханай үгэ айладхажа байха бүхы үдэрнүүдтэнь хура бороогой орохогүйн тула тэдэндэ огторгойе хаажархиха эрхэ засаг үгтэхэ; уһа мүрэнүүдые шуһан болгожорхихо, газар дэлхэйдэ өөһэдынгөө дура зоргоор гай аюул тохёолдуулха эрхэ засаг үгтэхэ.

Гэршэлгэ 8:8

Хоёрдохи Эльгээмэлэй бүреэгээ дуугаргахадань, дүрэжэ байһан мантан томо хада шэнги юумэн далайда унашаба. Тиихэдэнь далайн гурбанай нэгэ хубинь шуһан болошобо.