Египедһээ гаралга 7:16 - Библи

¹⁶ иигэжэ тэрээндэ хэлэхэш: «Сүл губида ошожо Намда үргэл хэхыень Минии арадые табииш», – гэжэ Эзэн, еврейнүүдэй Бурхан, шамда дамжуулаа. Харин ши мүнөө болотор үгыень дууланагүйш.

Египедһээ гаралга 7:16 ပူးပေါင်းရင်းမြစ်များ

Египедһээ гаралга 10:3

Моисей Аһароон хоёр фараондо ерээд хэлэбэд: – Эзэн, еврейнүүдэй Бурхан, иигэжэ асуужа байна: Минии урда номгорхошни хэзээ юм бэ? Намда зорюулһан үргэл тахил бүтээхыень Минии арадые табииш.

Египедһээ гаралга 13:15

Фараоной үсэд бодолоор маанадые табингүй тамалхадань, Эзэн Египедэй зоной ууган хүбүүдэй, малайнь түрүүшын түлнүүдэй ами хороогоо. Тэрэ гэһээр лэ анхан түрэһэн малай эрэ түл Эзэндэ үргэнэб, өөрын ууган хүбүүнэй түлөө түлөөһэ үгэдэг заншалтай хүмби.

Египедһээ гаралга 14:5

Израиль угсаатан ябаа гэжэ Египедэй хаанда элидхэбэ. Фараон түшэмэлнүүдтэеэ гэнтэ бодолоо хубилгаба. – Юу хэбэ гээшэбибди? – гэжэ тэдэ дуугаралдаба. – Ажалыемнай хэжэ байһан ажалшадаа табиха ёһогүй байгаалди.

Египедһээ гаралга 3:12

– Би шамтай суг хажуудаш байхаб. Минии шамайе эльгээһэнэй дүлгэ тэмдэг иигэжэ тудаха: Египедһээ арадыем гаргаһанайш хойно энэ хада дээрэ Бурханда зальбаран, ёһолол бүтээхэ сагтнай ерэхэ, – гэжэ Бурхан харюусаба.

Египедһээ гаралга 3:13

Моисей Бурханда үгэлбэ: – Зай, би Израиль угсаатанда ерэжэ хэлэбэ гэлэйб: «Эсэгэнэрэйтнай Бурхан намайе таанадта эльгээбэ». Харин тэдэ намһаа иигэжэ асуухал: «Тэрэ Бурханайш нэрэ хэн бэ?» Тиихэдэнь юун гэжэ харюусаха болонобиб?

Египедһээ гаралга 3:18

Израиль угсаатанай аха захатан шинии үгэ дуулаха, тэдээнтэй сугтаа Египедэй фараондо ошожо, иимэ айладхал хэхэт: «Еврейнүүдэй Бурхан болохо Эзэн манда үзэгдөө; Эзэн Бурхандамнай зорюулһан үргэл хэхыемнай сүл губи тээшэ, гурбан үдэрэй зайда маанадые табиит».

Египедһээ гаралга 4:22

Харин ши фараондо иигэжэ дуулгахаш: «Израиль ууган хүбүүмни гэжэ Эзэн айладана.

Египедһээ гаралга 4:23

Намда үргэл хэхыень хүбүүем табииш гэнэб, табяагүй һааш, харюу болгожо, шинии ууган хүбүүнэй ами таһалхалби!»

Египедһээ гаралга 7:4

Харин таанадай үгэ фараон дуулахагүй. Одоол тиихэдэ Египет Минии гарай хүндые мэдэхэ даа! Минии арад болохо Израиль угсаатаниие сэрэг шэнгеэр жагсаан Египедһээ гаргахаб. Хэһээлтэм шанга!

Египедһээ гаралга 8:1

Эзэн Моисейдэ зарлиг болобо: Фараондо ошожо хэлэхэш: – Эзэн иигэжэ айладана: «Намда зорюулһан үргэл тахилаа бүтээхыень Өөрым арадые таби.

Египедһээ гаралга 8:20

Эзэн Моисейдэ айладаба: – Үглөөдэр үглөө эртэ бодожо, фараондо ошохо болобош. Гол руу ерэхэдэнь, иигэжэ хэлэхэш: «Эзэнэй айладхал иимэ: Намда үргэл хэхыень Минии арадые табииш!

Египедһээ гаралга 9:1

Эзэн Моисейдэ айладаба: – Фараондо ошоод иигэжэ хэлэ: Еврейнүүдэй Эзэн Бурхан: «Намда үргэл хэхыень Минии арадые табииш!

Египедһээ гаралга 9:13

Эзэн Моисейдэ зарлиг болобо: – Үглөөдэр үглөөгүүр эртэ бодожо, фараондо ошоод иигэжэ хэлэхэш: Эзэн, еврейнүүдэй Бурхан, иигэжэ айладана: «Намда зорюулһан үргэл тахилаа бүтээхыень Минии угсаата арадые табииш!

Исай 45:13

Киирые үнэн зүб үйлэ хэрэг ябуулхын тула Би тодоруулааб. Тэрэнэй ябадаг бүхы харгы зам жэгдэлхэб. Тэрэ Минии Иерусалим хото һэргээн бодхохо, баряанда байгааша Минии арад зониие сүлөөлхэ. Иимэ юумэ хэхэдэнь хэншье тэрээндэ шагнал үгэхэб гэжэ найдуулаа бэшэ. Иигэжэ Би, Түмэн Сэрэгтэ Эзэн, айладхана мүн!»

Ерэмияа 50:33

Түмэн Сэрэгтэ Эзэн иигэжэ айладхана: – Израилиин болон Иудын хан түрын улад зон дарлагданхай. Тэдэниие олзологшод бултадаа тэдэниие шанга баринхай, табиха дурагүй.