Египедһээ гаралга 6:8 - Библи

⁸ Абраһаамда, Исаак болон Яковта үгэхэб гэжэ тангариглаһан орон дэбисхэртэ таанадые оруулхаб, уг удамарайтнай эзэлэн һууха газар болгожо үгэхэб. Би Эзэн мүн гээшэб!»

Египедһээ гаралга 6:8 ပူးပေါင်းရင်းမြစ်များ

Эхин 14:22

Гэбэшье Абрам иигэжэ харюусаба: – Һэтэрхэй зүүшье, түгдэрхэй тэбэнэшье танай зөөриһөө абахагүйб гэжэ огторгой газар хоёрые бүтээгшэ Дээдэ Эзэн Бурханай урда тангаригланаб. «Би Абрамые баян болгооб» гэжэ хожом танай хэлэжэ байхагүйн тула иигэнэб.

Эхин 15:18

Иигэжэ тэрэ үдэр Эзэн Абрамтай хэлсээ баталаад, айладхаба: – Египедэй хилэ дээрэхи голһоо эхилээд Евфрат мүрэн хүрэтэр нэмжыһэн энэ орон нютагые Би шинии уг удамда үгэнэб.

Эхин 26:3

Гэбэшье мүнөө нэгэ хэдыхэн саг эндээ бай. Би шамай хододоо анхаржа, үршөөн үреэжэ байхаб. Ажаһуугааша энэ бүхы орон газарыеш хойшонхи шинии үри һадаһадта үгэнэб. Урдань шинии эсэгэ Абраһаамые найдуулжа үргэһэн тангаригаа бэелүүлхэб.

Эхин 28:13

Эзэн гэшхүүрэй оройдо зогсоод, Яковта иигэжэ айладхажа байба: – Би Эзэн Бурхан мүнби! Шинии эсэгэнэр болохо Абраһаамай, Исаагай шүтэн зальбардаг Бурхамби. Энэ нэмжын байһан газарые Би шамда болон шинии уг удамда үгэнэб.

Эхин 35:12

Абраһаам болон Исаагта үмсэ болгон үгэхөөр найдуулһан тэрэ орон нютагые Би шамда үргэхэб. Тиигээд тэрэ газар шинии үхи хүүгэдээр үеһөө үедэ дамжан байдаг угай газар болохо.

Нэхэмьяа 9:15

Та тэдэнэртэ үл залгахыень огторгойһоо хилээмэ, шулуун хабсагайһаа уһа гаргажа, ундыень харяагаалта. Та тэдэнэртэ үгэхэб гэжэ гараа үргэн тангариглаһан газар руу ошожо, эзэлэн абахыень айладаалта.

Египедһээ гаралга 13:5

Ханаһаан, хээт, эмоор, хиив ба евүүс угсаатанай анхан һууһан, һү тарагаар, бал тоһоор билтаржа байһан газар үгэхэб гэжэ эсэгэнэртэтнай Эзэн тангариглаһан юм. Эзэнэй тиишэнь таанадые оруулхада, энэ һарада алдангүй иимэ мүргэл хэдэг байхат:

Египедһээ гаралга 32:13

Өөрын богоолнууд Абраһаам, Исаак ба Израильда юун тухай тангариг үгэһэнөө һаныт – тэдэнэй уг удамые тэнгэриин одо мүшэд шэнги олон болгохоб, тэдээндэ гэжэ найдуулһан газараа уг удамдань хэтын хэтэдэ эзэмшэн һуухыень үршөөхэб гэжэ Өөрыгөө гэршэ болгон тангариглаа бэлэйт!

Египедһээ гаралга 6:2

Тиигээд Бурхан Моисейдэ айладаба: – Би Эзэн гээшэб!

Египедһээ гаралга 6:4

Ханаһаан орондо тэдэ хэсэжэ ябагша һэн. Тэрэ орон нютагые өөһэдынь болгожо үгэхэ тухай тэдэнтэй хэлсээн баталаа бэлэйб.

Египедһээ гаралга 6:6

Израиль угсаатанда иигэжэ дуулга: «Би Эзэнби! Би таанадые Египедһээ гаргахаб, дарлалтаһаа сүлөөлхэб! Би таанадые абархаб, Минии гар һунаалгаатай, хэһээлтэм шанга!

Эзэкээл 20:15

Тэрэнэй орондо юумээр элбэг-дэлбэг эгээл һайхан газар нютаг руу таанадые оруулхагүйб гэжэ элһэн губи дотор Би тэдээндэ тангариглаа һэм.

Эзэкээл 20:23

Иигээд элһэн сүл губида ондоо шахаа тангариг үргэбэб, үндэһэ яһатадай дундуур тэдэниие тараан сасахаб гэжэ тангариглаа бэлэйб.

Эзэкээл 20:28

Үгэхэб гэжэ тангариглан найдуулһан газар руу Би тэдэниие асарааб, харин тэдэ обоо бүхэн дээрэ, һаглагар модон бүхэн доро тахил үргэжэ, үзэмэй дараһан архи үргэжэ, санзай ууюулжа байгаа.

Эзэкээл 20:42

Үбгэ эсэгэнэртэтнай тангариглан найдуулһан Израилиин газар уһан руу таанадые оруулхадам Намайе Эзэн гээд таанад мэдэрхэт.

Эзэкээл 36:7

Тойроод байгааша арадуудтнай өөһэдөө наада энеэдэнэй зүйл болохо гэжэ Би, Эзэн Бурхан, шахаа тангаригаа үгэнэб.

Эзэкээл 47:14

Энэ газарые уг залгамжалгын газар болгон үршөөхэб гэжэ Би гараа үргэн тангариглаа бэлэйб. Мүнөө энэ газарые зүбөөр хубаарилан эдлэгты.

Тоололго 10:29

Моисей мидиан үндэһэ яһанай болохо хадам эсэгэ Рэүһээлэй хүбүүн Хобаабта иигэжэ айладаба: – Бидэндэ үгэхэб гэжэ үбгэ эсэгэнэртэмнай үгэеэ үгэһэн Эзэнэй газар тээшэ бидэнэр ошожо ябанабди. Ши бидэнтэй ябалса, ушар юуб гэхэдэ, Эзэн израильшуудта олон һайн юумэ найдуулаа, шамдашье һайн юумэн хүртэхэ.

Тоололго 11:12

Энэ бүхы арад зоной эхэ юм гүб? Тэдэниие би түрөө юм гүб? Үхибүү харууһалдаг эхэнэр мэтэ эдэнэрые үргөөд яба гэжэ Та намайе юундэ бааланабта? Үбгэ эсэгэнэртэтнай үгэхэб гэжэ тангариглан найдуулһан газартам эдэниие дахуулан абааша гэжэ Та намайе юундэ албаданабта?

Тоололго 14:30

Тиимэһээ үгэхэб гэжэ Минии гараа үргэн тангариглаһан тэрэ газарта таанадай хэншье хүрэжэ ошохогүй. Гансал Епуннээгэй хүбүүн Халээб, Нүүнэй хүбүүн Иисүүс тэрэ газар дээрэм хүлөө табиха.

Тоололго 23:19

худал зүйл хэлэжэ байха хүн бэшэл Бурхан. Ушар болоод лэ һанаһанаа хубилгаха, уладай хүбүүн бэшэл Тэрэ. Айладаһан зарлигаа хубилгаха юм аал Тэрэ? Найдуулһанаа хубилгахагүйл Тэрэ. Айладаанаал Тэрэ айладаха, айладажа найдуулагшаяа Тэрэ бүтээхэл.

Хуули дабталга 32:40

Гараа огторгой руу һарбайжа, Өөрын амиды байһаар тангаригланаб:

Хуули дабталга 4:31

Эзэн Бурхантнай нигүүлэсхы сэдьхэлтэй Бурхан юм. Тэрэ таанадые орхихогүй, һалгаахагүй, үбгэ эсэгэнэртэйтнай баталһан хэлсээгээ, тангариглаһанаа Тэрэ мартахагүй.

Нүүнэй Иисүүс 24:13

Танда Би газар үгөөб, тэрээн дээрэ таанар ажаллаагүйт, танай баряагүй хотонуудые үгөөб, тэдээн соо таанар һуунат, танай һуулгаагүй уһан үзэмэй, оливын сэсэрлигүүдһээ таанар жэмэсынь эдинэт».

Гэршэлгэ 10:6

Огторгой тэнгэриие, газар дэлхэйе, уһан далайе, тэндэхи бүхы юумэнүүдые заяаһан хэтэ мүнхэдөө Амидаран мандагшын алдар нэрээр тэрэ Эльгээмэл иигэжэ тангариглан хэлэбэ: «Саашадаа удааруулагдахагүй.

1 Хаан түрэнүүд 15:29

Юрэдөө, Израилиин Мүнхэ Бурхан айладхаһан үгэеэ эбдэдэггүй, хэһэн хэрэг тухайгаа гэмшэдэггүй. Юуб гэхэдэ, Тэрэ хүнтэй адли бэшэ, гэмшэхэ бэшэ, – гэбэ.