Египедһээ гаралга 4:18 - Библи

¹⁸ Моисей хадам эсэгэ Итроодо ошожо: – Би ябахам, Египедтэ байһан аха дүүнэртээ бусахамни. Амиды юм гү тэдэмни, ошожо харахамни, – гэжэ хэлэбэ. – Тиигыш даа, аян замдаа һайн ябаарай, – гэжэ Итроо үреэбэ.

Египедһээ гаралга 4:18 ပူးပေါင်းရင်းမြစ်များ

Эхин 45:3

– Би Иосифби, – гэжэ тэрэ аха дүүнэртээ хэлэбэ. – Эсэгэмнай үнэхөөр мэндэ гү? Харин тэдэнь зуг татан зогсоод, үгэшье хэлэхэ аргагүй бахардашанхай байгаа һэн.

4 Хаан түрэнүүд 5:10

Элишаа тэрээндэ элшэнээ эльгээжэ: «Ши долоо дахин Иорданда шунга. Тиихэдэшни шинии бэе сэбэрлэгдэн арюудхагдажа, элдиншни үгы болохо», – гэжэ хэлүүлбэ.

4 Хаан түрэнүүд 5:19

Элишаа Наамаанда хандажа: – Амар амгалан ябагты, – гэжэ хэлэбэ. Наамаан гэр тээшээ зорижо, холошье ошоогүй ябаба.

Египедһээ гаралга 2:21

Моисей тэрэ айлайда байха гэжэ шиидэбэ. Рэүһээл удангүй Циппоораа гэжэ басагаяа Моисейдэ хадамнаба.

Египедһээ гаралга 3:1

Моисей мидиан угсаатанай газарта хадам эсэгэнь болоһон Итроо санаартанай хони адуулдаг һэн. Нэгэтэ хонидоо сүл губи руу тууһаар туужа, Бурханай хада Хорээб тээшэ дүтэлэн ерэбэ.

Лука 7:50

– Этигэлшни шамайе абарба, амгалан мэндэ ябыш даа, – гэжэ Иисүүс үнөөхи эхэнэртэ хэлэбэ.

Хэрэгүүд 15:36

Нэгэ хэды сагай үнгэрхэдэ Павел Барнаабада: – Эзэнэй Үгэ ямар хотонуудта номноо һэмди, тэдэ хотонуудаар ябаад, тэндэ ажаһууһан аха дүүнэрээ эрьеэд, хэрэгүүдынь ямархан бэ гэжэ харая, – гэһэн дурадхал оруулба.

Хэрэгүүд 16:36

Харуулшан захиралтыень Павелда дамжуулба: – Захирагшад таанадые табиха гэһэн захиралта үгэбэ. Мүнөө эндэһээ гаража ошоходотнай болохо.

Тимофейдэ 1-дэхи 6:1

Бурханай нэрэ алдарые, манай һургаалые хүнүүдэй муулахагүйн тула дарлалтада байһан барлагууд эзэдээ алишье талаһаань хүндэлжэ байха ёһотой.

Ударидагшад 18:6

Санаарта тэдэндэ иигэжэ хэлэбэ: – Энхэ амгалан ябагты. Ошожо ябаһан аян замыетнай Эзэн хараха.

1 Хаан түрэнүүд 1:17

Элии тэрээндэ: – Амгалан һайн ябыш даа. Израилиин Бурхан шинии гуйһан гуйлтые бэелүүлхэнь болтогой! – гэбэ.