Египедһээ гаралга 4:13 - Библи

¹³ – Эзэн Бурхан минии! Хайрлыт даа, ондоо хүниие эльгээхэ аргагүй юм гүт? – гэжэ Моисей гуйба.

Египедһээ гаралга 4:13 ပူးပေါင်းရင်းမြစ်များ

Эхин 24:7

Эзэн, юртэмсын Бурхан, намайе түрэһэн нютаг, түрэл гэрһээм хариин газар абаашахадаа, «Би шинии үри һадаһадта энэ орон нютагые үмсын эдлэлэй болгон үгэнэб» гэжэ тангариглаа юм. Эзэн Бурхан Огторгойн Эльгээмэлээ эльгээн, шинии аян зам заажа үгэхэ, зохёохо бэзэ. Тиихэдэнь ши тэндэһээ хүбүүндэмни һамга олохо бэзэш.

Эхин 41:35

Тиигээд хото бүхэндэ хаанай таряа нөөсэлдэг газарта тэрэ ургаса таряагаа нөөсэлжэ, харуулшадые табиг лэ.

Эхин 48:16

Намайе ёро муухай хүсэнһөө хамгаалжа байһан Эльгээмэл эдэ хоёр хүбүүдые үреэхэнь болтогой! Минии нэрые эдэ хоёр хүбүүд залгамжалан абажа, үбгэ эсэгэнэр болохо Абраһаамай, Исаагай нэрэнүүдые уламжалан абажа ябахань болтогой! Эдэ хүбүүдэй үри һадаһадынь үй түмэн болохонь болтогой!

3 Хаан түрэнүүд 19:4

өөрөө бүхэли үдэр алхалан, сүл губи руу ерээд, һаглагар модоной һүүдэр доро һуугаад, үхэхые хүсэн байба. Тэрэ иигэжэ хэлэбэ: – Намда хүрөөл даа. Үхэһэн хүнһөө үлүү бэшэб, тиимэһээ, Эзэн, ами наһыем абыт!

Египедһээ гаралга 23:20

Харагтыл даа, Би танай урда Эльгээмэлээ эльгээхэм. Тэрэ таанадые замдатнай һахижа, Минии бэлдэһэн газарта абаашаха.

Египедһээ гаралга 4:1

Моисей харюудань хэлэбэ: – Намда этигэнгүй, үгыем дуулангүй, «Эзэн шамда үзэгдөөгүй» гэжэ зоной хэлээ һаа, яаха болонобиб?

Египедһээ гаралга 4:12

Зай, иигээд ошо. Шинии аманһаа үгын гарахада, Би байлсахаб, юу хэлэхыешни һургахаб.

Египедһээ гаралга 4:14

Эзэн Моисейдэ уурлан хэлэбэ: – Левиин угай Аһароон дүүшни гэжэ байна. Үгэ хүүртээ тэрэ бэрхэ гэжэ мэдэнэм. Эндэһээ ябахадаш, урдаһаашни тэрэ ушарха, шамайе хараад, аргагүй баярлаха.

Ерэмияа 1:6

Тиихэдэнь би: – Аяа, Эзэн Бурхамни! Юун гэжэ хэлэхэеэ мэдэнэгүйлби, үшөө залуу байнаб, – гэжэ харюусабаб.

Ерэмияа 20:9

Теэд минии: «Эзэн тухай бэшэ һануулхагүйб, Тэрэнэй нэрэһээ бэшэ айладхахагүйб» гэжэ хэлэхэдэ, зүрхэ сэдьхэлдэмни гал шатажа байһандал, яһаарни дамжан гараһандал болоно. Тэрэниие досоогоо барижа туршааб, теэд шаданагүйб.

Иона 1:3

Иона Эзэнһээ зугадан, Таршииш ошохоёо зорибо, Яафада хүрэжэ ерэбэ, Таршииш тээшэ тамарха онгосо бэдэржэ олобо, түлбэрииень сүм түлэбэ, онгосо руу оробо, Таршиишта Эзэнһээ хорохо зорилготойгоор бултантай хамта тамаралгада гараба.

Иона 1:6

Онгосын дарга тэрээндэ ерээд: – Ши юундэ унтажа хэбтэнэбши? Бодо, өөрынгөө Бурханда хандан мүргыш; тиигэбэлшни, Бурхан маниие анхаран, амиды мэндэ үлөөхэ аалам, – гэбэ.

Матвей 13:41

Хүн түрэлхитэнэй Хүбүүн Эльгээмэлнүүдээ ябуулха, тэдэнь хаан орон соонь бүхы буруу ябадалтаниие болон бусад зониие нүгэлдэ оруулагшадые суглуулха,

Иоанн 6:29

– Бурханай эльгээһэн хүндэ таанар этигэгты, тиихэдээл Бурханай хэрэгые бүтээһэн болохот, – гэжэ Иисүүс харюусаба.

Ударидагшад 2:1

Эзэнэй Эльгээмэл Гилгаалһаа Бохиимдо ерээд, Эзэнэй хэлэһэн зарлигыень израильшуудта иигэжэ дамжуулба: «Би таанадые Египедһээ гаргааб, таанадай үбгэ эсэгэнэртэ тангариглан найдуулагша газартаа таанадые асарааб. Таанадтай баталһан хэлсээгээ хэзээдэшье эбдэхэгүйб гэжэ Би хэлээ һэм.