Египедһээ гаралга 39:42 - Библи

⁴² Эзэнэй Моисейдэ заан захирһанай ёһоор лэ Израилиин арад зон жэншэдгүй нарин бүтээгээ бэлэй.

Египедһээ гаралга 39:42 ပူးပေါင်းရင်းမြစ်များ

3 Хаан түрэнүүд 6:38

Арбан нэгэдэхи жэлдээ, жэлэй наймадахи бүүл һарада Һүмын барилга бүхыдөө түгэсөө, бүхы хэрэгсэлнүүдынь хэгдээ, һанаһан юумэн булта бүтөө һэн. Соломоон хаан тэрэниие долоон жэл баряа бэлэй.

2 Угай бэшэг 8:15

Иигэжэ Давид хаанай санаартад болон левидүүд тухай, нөөсэнүүд тушаа захиралта жэншэдгүй сахигдаа һэн.

Египедһээ гаралга 12:28

Израиль угсаатан Эзэнэй Моисей Аһароон хоёрто айладаһые бүгэдыень бүтээбэ.

Египедһээ гаралга 35:10

Уран гартайшуултнай ерэжэ, Эзэнэй захирһые бултыень бүтээг:

Египедһээ гаралга 39:32

Уулзалгын асар майхан һүмэ бариха ажал түгэсэбэ. Израилиин зон Моисейдэ Эзэнэй зааһан зарлигаар жэншэдгүй наряар бүтээбэ.

Египедһээ гаралга 39:41

һүмэдэ алба хэхэ хубсаһа – Аһароон санаартын һахилай хубсаһа ба тэрэнэй хүбүүдэй һахилай хубсаһа асараа бэлэй.

Египедһээ гаралга 39:43

Моисей ябажа хараба, Эзэнэй захирһанай ёһоор нарин хэгдэһэн байба. Моисей тэдэниие адислан үреэбэ.

Ерэмияа 13:5

Эзэнэй намда захирһанай ёһоор, би ошожо, тэрэниие Евфрадай хажуугаар нюубаб.

Тоололго 9:22

Хэрбэеэ майхан һүмэ дээрэ тэрэ үүлэнэй хэдэн үдэр гү, али нэгэ һарашье тогтоо һаань, израильшууд тэрэ үүлэнэй тамаран саашаа ошохыень хүлеэжэ, тогтон байрлаһан газартаа байна. Гэбэшье тэрэ үүлэнэй дэгдэн саашаа тамархадань, аян замаа үргэлжэлүүлхэ гэжэ тэдэнэр, майхануудаа хуряагаад, тогтон байрлаһан газарһаа ябанад.

Матвей 28:20

Таанарта Минии захиһан бүхы юумэнүүдые сахижа байхыень тэдэниие һургагты. Би таанадтай хамаг юумэнэй эсэс хүрэтэр хододоо хамта байхаб.

Хуули дабталга 12:32

Минии таанадта захиһан юумэ бултыень дүүргэхэеэ оролдогты, хэлэһэндэм юушье бү нэмэгты, бү хороогты!

Тимофейдэ 2-дохи 2:15

Һайн албатан байнаш гэһэн Бурханай магтаалда хүртэхын тула һайнаар ажаллажа байгаарай. Хэжэ байһан ажалһаа эшэжэ зобохогүйн тула Бурханай үгые үнэн зүбөөр һургажа байгаарай.

Тимофейдэ 2-дохи 4:7

Бүхын барилдаанда би һайн барилдааб, урилдаанай тэмсээндэ гүйжэ дүүргээб, этигэл һүзэгөө алдаагүйб.