Египедһээ гаралга 38:1 - Библи

¹ Акаци модоор түгэс шатаалта үргэлэй шэрээ хэбэ. Тэрэнь тэбхэр – утаараа табан тохой ба үргэнөөрөө табан тохой, үндэрынь гурбан тохой болобо.

Египедһээ гаралга 38:1 ပူးပေါင်းရင်းမြစ်များ

2 Угай бэшэг 1:5

Хуурай аша, Үриин хүбүүн Бэцалээлэй гуулин түмэрөөр бүтээһэн үргэлэй шэрээ Гибэһоондо, Эзэнэй оршолой нангин майханай урда тээ байгаа. Соломоон ерэгшэ зонтоёо хамта тэндэ Эзэндэ үргэл хэжэ мүргэбэ.

2 Угай бэшэг 4:1

Соломоон хаан үргэлэй гуулин шэрээ бүтээлгэбэ. Тэрэнэй ута-үргэниинь аб адлихан, хорин тохой, харин үндэрынь арбан тохой һэн.

Египедһээ гаралга 25:5

элдээд утаһан хониной арһа болон нимгэн булгайр, акаци модо,

Египедһээ гаралга 30:17

Эзэн Моисейдэ айладаба:

Египедһээ гаралга 31:9

түгэс шатаалта үргэлэй шэрээ, бүхы хогшол хэрэгсэлтэйнь, угаалгын амһарта табюуртайнь,

Египедһээ гаралга 38:2

Дүрбэн углууень эбэр шэнгеэр дээшэнь ёдойлгоод, үргэлэй шэрээтэй нэгэн бүхэли болгобо. Шэрээгээ зэдээр бүрин хушаба.

Египедһээ гаралга 40:29

Уулзалгын майхан һүмын үүдэнэй хажууда түгэс шатаалта үргэлэй шэрээ табижа, Эзэнэй зааһаар, түгэс шатаалта үргэл хэбэ, хилээмэнэй үргэл хэбэ.

Египедһээ гаралга 40:6

Уулзалгын майхан һүмэдэ орохо үүдэнэй дэргэдэ түгэс шатаалта үргэлэй шэрээ табяарай.

Иоанн 6:37

Минии Эсэгын Намда үгэһэн хүн бүхэн Намда ерэхэ. Намда ерэһэн хүниие Би намнахагүйб.

Римэйхиндэ 12:1

Зай, аха дүүнэрни, Бурханай үршөөл хайраар өөһэдыгөө арюун сэбэр, таатай, амиды үргэл болгон Бурханда асарагты гэжэ гуйнаб. Тиигэбэл, тэрэтнай танай бодото алба болохо.

Еврейнүүдтэ 13:10

Майханда алба хэжэ байһан санаартад үргэлэй шэрээ дээрэһээ манай үргэһэн юумэнһээ абажа эдихэ эрхэгүй.

Еврейнүүдтэ 13:8

Тэрэ этигэл һүзэгынь болохо Иисүүс Христоос үсэгэлдэр, мүнөөдэршье, хэтын хэтэдэ хубилхагүй.

Еврейнүүдтэ 3:1

Бурханай баһал Өөртөө дуудаһан арюун гэгээн аха дүүнэрни! Баримталжа байһан һүзэгэймнай Ахамад Санаарта болгогдон эльгээгдэһэн Иисүүс тухай һанажа байгты.

Еврейнүүдтэ 9:14

Христоосой шуһан бузарнуудыень бүрин түгэс арилгадаг. Тэрэ мүнхын Һүлдөөр дамжуулан Өөрыгөө Бурханда үргөө. Тэрэнэй шуһань сэдьхэлыемнай үхэлдэ хүргэдэг хэрэгүүдһээ арилгаад, амиды Бурханда алба хэхэ аргатай болгохо.

Пётрой 1-дэхи хандалга 2:5

Таанад амиды шулуунуудта адли Бурханда ерэгты, тиигээд Бурхан таанадһаа һүмэ бодхоохо, тиигээд тэрэ һүмэдөө таанад гэгээн санаартан болоод, Иисүүс Христоосоор дамжуулан, Арюун Һүлдэһөө Бурханда һайшаагдаха оюун ухаанай үргэл асаржа байгты.

Гэршэлгэ 21:16

Тэрэ хото болбол ута үргэнөөрөө адли, тэбхэрхэн хэмжээнэй байгаа. Эльгээмэлэй өөрынгөө таягаар хото хэмжэхэдэнь, утаашаа хоёр мянга дүрбэн зуун модо байба, үргэниинь, үндэрынь утатайгаа адли байба.