Египедһээ гаралга 34:7 - Библи

⁷ Үршөөл хайрань мянганшье үедэ хубилдаггүй: зэмэ, нүгэл, гэмтэ ябадал Тэрэ тэсэн даадаг. Теэд гэмтэниие гэмгүй гэхэгүй: эсэгын нүгэлэй түлөө үри хүүгэдыень, аша гушанарыень хэһээдэг!

Египедһээ гаралга 34:7 ပူးပေါင်းရင်းမြစ်များ

Эхин 19:16

Зүгөөр Лоот яаха гээшэб гэжэ бодолгото болон удаарба, хүдэлбэгүй. Эзэнэй Лоодые хайрлаһан ушарһаа тэдэ хоёр Эльгээмэлнүүд Лоодые, тэрэнэй һамга болон хоёр басагадыень гарһаань хүтэлэн, хотоһоо гаргаба.

3 Хаан түрэнүүд 8:30

Минии болон Өөрын арад түмэн Израилиин энэ газарта зальбаржа гуйжа байхада, огторгойдо оршогшо газарһаа маанадые анхаржа, нүгэлымнай хүлисэжэ хайрлыт!

3 Хаан түрэнүүд 8:32

Та огторгойһоо энээнииень дуулажа, богоолнуудайнгаа зарга хэрэг шиидхэжэ, гэмтэниие элирүүлжэ, гэмынь амасуулыт, харин гэмгүй хүниие сагааруулан аршалыт!

2 Угай бэшэг 30:9

Эзэндэ эрьехэдэтнай, арад зонииетнай, үхи хүүгэдытнай баряанда баряад байгша зон хайрлажа эхилхэ, тиигээд өөрын газар уһан руу тэдэ бусажа шадаха. Эзэн Бурхантнай энэрхы, хайрлаха сэдьхэлтэй, Тэрээндэ шүтэжэ эхилхэдэтнай, таанадһаа буруу харахагүй.

Нэхэмьяа 1:5

хэлэбэб: – Агууехэ, һүрөөтэ Огторгойн Эзэн Бурхан! Танай захяануудые бэелүүлэгшэдтэй, Танда үнэн зүрхэнһөө дурлагшадтай, үнэн сэхэ Танай хэлсээе наринаар бэелүүлэгшэдтэй баталһан Хэлсээгээ сахин дүүргэнэт.

Нэхэмьяа 9:32

Ассириин хаашуулай үеһөө энэ болотор Танай бүхы арадай, манай эсэгэнэрэй хуби заяанда, мүн манай лүндэншэдэй, санаартадай, манай удамаршадай, хаашуулай хуби заяанда, маанадта үзэгдэһэн бүхы бэрхэшээлнүүдые багада бү тоолыт, Хэлсээгээ үнэн сэхээр хадагалагша, нигүүлэсхы, аймшагтай, хүсэтэй агуу Бурхан, Ээ манай Бурхан!

Иоов 10:14

Алибаа гэм үйлдэбэлни, Та анхарангүй үнгэрхэ ушаргүйт.

Псалманууд 103:3

Ордонойнгоо тулгуур баханануудые уһан соо шаагаат, үүлэдые Өөрынгөө тэргэ болгон хүлэглөөт, һалхинай жэгүүрээр ябанат.

Псалманууд 25:11

Харин би үнэн сэхээр ябанам, намайе абарыт, хайрлыт!

Египедһээ гаралга 23:21

Тэрээнһээ айжа ябагты, үгыень дуулагты, тэрээндэ харша юумэ бү хэгты. Тэрэ танай эсэргүүе тэбшэхэгүй, юуб гэхэдэ, тэрээн соо Минии нэрэ алдар оршоно.

Египедһээ гаралга 23:7

Гэмгүй хүниие гэмтэн болгожо, нүгөө талаһаа зүб гэмнэгшэ хүниие буруутан болгожо, үхэлдэ хүргэхэгүйн тулада худалаар гэмнэлгэ бү дэмжэ. Хоро һанагшада гэмыень Би амасуулхаб!

Египедһээ гаралга 33:19

Эзэн айладаба: – Бүхы һайн һайханаа урдууршни гаргахаб, шинии урда Өөрын нэрэ тунхаглахаб. Хэниие үршөөлдэ хүртөөхэ гэбэл, хүртөөхэб, хэниие хайрлаха гэбэл, хайрлахаб.

Египедһээ гаралга 34:9

дуугарба: – Эзэн минии! Танай урда таарамжатай байбални, мантай ябалсыт, Эзэн минии! Энэ арад угсаатан үсэд хүжүүн, тиигэбэшье манай нүгэл болон гэмтэ хазагай ябадалые хүлисыт даа! Маанадые Өөрын үбэ эзэмшэл болгыт!

Исай 45:21

Зарга шүүлгэндэ ерэжэ, хэрэгээ хөөрэгты. Хамта зүбшэгты. Хэн эртэнһээ энээниие мэдүүлжэ, олондо соносхооб? Өөрын арад түмэниие абарагша Би, зүб шударга Эзэн бэшэ гүб?! Намһаа ондоо Бурхан байхагүй!

Ерэмияа 30:11

Би таанадтай байхаб, абархаб. Таанарые арадуудай хоорондо тараагаа һэм, тэдэ арадуудые Би усадхахаб. Гэбэшье таанадые усадхахагүйб. Харин таанадые хэһээнгүй орхихогүйб, теэд хэһээхэдээ, үнэн зүбөөр хэһээлтэ амасуулхаб! Энэ болбол Би, Эзэн, айладхана мүн!

Ерэмияа 32:18

Мянгаад зондо үршөөл хайраяа бэлэглэнэт. Та агууехэ, Түмэн Сэрэгтэ Бурхан мүн!

Ерэмияа 9:24

Харин һайрхагша нэгэн Намайе газар дэлхэй дээрэ хайра энэрэл, хэрэг шүүбэрилгэ болон үнэн зүбые үйлэдэгшэ Эзэн мүн гэжэ ойлгодог, мэдэдэгээрээ һайрхаг лэ. Энээндэ Би дуратай байхалби. Энэ болбол Би, Эзэн, айладхана мүн!

Даниил 9:9

Эзэн Бурхамнай маанадые энэрэл хайраараа орхингүй, хүлисэг лэ. Бидэ урдаһаань эсэргүүсээбди,

Михей 6:11

Худал хэмжүүртэй, мэхэшэ зониие яагаад Би хүлисэхэбиб?!

Михей 7:18

Тандал адли нэгэшье Бурхан байхагүй. Та Өөрынгөө уг залгамжалгын хубида – Өөрын арадһаа амиды мэндэ үлэһэн маанарта нүгэлыемнай хүлисэнэт. Та хэтэ мүнхэдөө уурлажа байдаггүйт, хайрлаха, энэрэл үзүүлхэ дуратайт.

Наум 1:6

Тэрэнэй зэбүүрхэн байхада хэн амиды мэндэ байжа шадахаб? Шатан дүрэлзэжэ байгаа уурыень хэн тэсэхэб? Уур хилэнгынь гал мэтэ дэлгэржэ, хада ууланууд урдань нуран унанал.

Матвей 12:31

Тиимэһээл Би таанарта иигэжэ хэлэхэ байнаб: ямаршье харата үгэ хэлэһэн, али нүгэлтэ хэрэг үйлэдэһэн хүн бүхэн хүлисэгдэхэ; харин Арюун Һүлдые хараажа муушалһан хүн хүлисэгдэхэгүй.

Матвей 6:12

Манда муу юумэ хэгшэдые манай хүлисэдэгтэл адляар, маанадай буруу хэрэгүүдые хүлисыт даа.

Лука 7:42

Тэдэ хоёрой үриеэ бусааха аргагүй байһыень ойлгоод, мүнгэ урьһалагша хоюулыень хүлисөө һэн. Үриень хүлисэгшэдэ тэдэ хоёрой алиниинь үлүү ехээр энхэрхэ байнаб? – гэжэ Иисүүс һураба.

Лука 7:48

Тиигээд Иисүүс эхэнэртэ: – Нүгэлшни хүлисэгдэбэ, – гэжэ хэлэбэ.

Хэрэгүүд 13:38

Тиимэһээ, аха дүүнэрни, Иисүүсээр дамжуулан, Бурхан таанадта нүгэл хүлисэхэ тухай айладхаа гэжэ мэдэгты. Моисейн Хуули сахяадшье хүлисүүлхэ аргагүй нүгэлнүүдые Иисүүстэ этигэдэг хүн бүхэндэ Иисүүсэй хүсөөр тэрэ нүгэлнүүдынь хүлисэгдэбэ.

Хэрэгүүд 5:31

Израилиин зоной нүгэл хэхэеэ болижо, нүгэлөө хүлисүүлхын тула Бурхан Тэрэниие Өөрын баруун талада Ударидагша болон Абарагша болгон һуулгаа.

Эфесэйхиндэ 1:7

Тэрэ агууехэ буян хэшэгтээ маанадые элбэг дэлбэгээр хүртөөгөө. Тэрэнэйнь ашаар бидэ Хүбүүнтэйнь нэгэдээд, шуһанайнь сэнгээр сүлөөтэй боложо, нүгэлнүүдээ хүлисүүлээбди. Тэрэ сэсэн ухаагаараа, оюун мэдэлээрээ

Эфесэйхиндэ 4:32

Харин бэе бэеэ энхэрэн, хайрлажа ябагты, Бурханай Христоосоор дамжан таанадые хүлисэһэндэл адляар бэе бэеэ хүлисэжэ байгты.

Хуули дабталга 32:35

Бүдэрхэдэнь, үһөөгөө абахаб, зэмыень амасуулхаб. Хосорхо сагынь дүтэлөө, удахагүй тэдэнэр хэһээгдэхэ».

Хуули дабталга 7:10

Өөрыень үзэн ядагшадые Тэрэ хэһээдэг, үгы хэдэг. Хэһээлтэеэ удааруулжа байхагүй.

Хуули дабталга 7:9

Зай, мэдэжэ байгты: Эзэн Бурхантнай үнэхөөрөө Бурхан, найдамтай Бурхан юм. Өөртэнь дуратай, мүн захяа заабаринуудыень жэншэдгүй сахигшадта үршөөл хайраяа Тэрэ мянган үе хүрэтэр бэлэглэдэг, баталһан хэлсээгээ сахижа байдаг.

Еврейнүүдтэ 12:29

Ушарынь гэхэдэ, манай Бурхан үнэхөөрөө һүнөөдэг гал дүлэн гээшэ.

Нүүнэй Иисүүс 24:19

Иисүүс зондо хэлээ: – Эзэндэ алба хэжэ шадахагүйт, юундэб гэхэдэ, Тэрэ – арюун Бурхан, хатуу сахилта Бурхан, хуули буса ябадалыетнай, нүгэлыетнай хүлисэхэгүй.

Иоаннай 1-дэхи хандалга 1:9

Хэрбээ нүгэл шэбэл хэһэнээ мэдэрээ һаамнай, үнэншэ зүб Бурхан нүгэл шэбэл хэһыемнай хүлисэхэ, бүхы муу юумэнһээ маниие арюудхан сэбэрлэхэ.

Гэршэлгэ 20:15

Амидаралай ном соо бэшэгдээгүйшүүлые гал дүлэтэ нуур худар шэдээ һэн.

Гэршэлгэ 21:8

Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.