Египедһээ гаралга 34:16 - Библи

¹⁶ Тэдэнэй басагадые хүбүүдтээ һамган болгожо абабалтнай, танай хүбүүдые забхай ябадалда оруулха.

Египедһээ гаралга 34:16 ပူးပေါင်းရင်းမြစ်များ

Эхин 24:3

Исаак хүбүүндэмни һамга оложо үгэхэб гэжэ огторгой газар хоёрые бүтээһэн Эзэн Бурханай нэрээр тангаригла. Тиихэдэ минии мүнөө ажаһуужа байгша орон нютагай, энэ ханаһаан обог зоной басага бэшэ,

3 Хаан түрэнүүд 11:1

Соломоон хаан фараоной басаганһаа гадна хари оронуудай, Моһаабай, Аммооной, Эдоомой, Сидооной, мүн хээт зоной эхэнэрнүүдтэ дурладаг байгаа.

3 Хаан түрэнүүд 21:25

Изээбэл һамганайнгаа үгөөр Эзэндэ таагүй юумэ үйлэдэжэ байһан Ахаабтал адли хүн хэзээ наашашье үзэгдөөгүй бэлэй.

2 Угай бэшэг 21:11

Тэрэ Иудын хадалиг газарнуудаар мүргэлэй газарнуудые байгуулжа, Иудын болон Иерусалимай зониие Эзэнэй урдаһаа нүгэл хэхэ харгы руу түлхибэ.

Эзраа 9:12

Тэрэ газарай шэмээр амидархаяа, тэндээ бүхэжэн ажаһуухаяа, хүбүүдтээ дамжуулан хэтэдэнь үгэхэеэ һанаа һаа, тэдэнтэй хэзээшье бү эбсэгты, зөөридэнь бү обтогты. Басагадаа тэдэнэй хүбүүдтэ бү үгэгты, хүбүүдтээ тэдэнэй басагаар һамга бү хүүлэгты».

Эзраа 9:2

басагадаар һамга хэхэһээ гадна хүбүүдтээ һамга абхуулна, тиигэжэ нангин шуһамнай буса түрэлтэдтэй холисолдожо байна. Энэ хуули буса ябадалда аха захатан, нэрэтэй түрэтэйшүүл эхи табяа.

Нэхэмьяа 10:30

Бидэ өөһэдынгөө басагадые ондоо арадай хүнүүдтэ хадамда үгэхэгүйбди, мүн өөһэдынгөө хүбүүдтэ тэдэнэй басагадаар һамга абхуулхагүйбди.

Нэхэмьяа 10:31

Субботын үдэр ондоо арадуудай наймаанда асарһан эд бараа, орооһо таряаень энэ үдэр, мүн ондоо нангин үдэрнүүдэй үедэ бидэ худалдажа абахагүйбди. Долоон жэлэй һүүлээр газар эдлүүрилхэ ёһогүйбди, хүнэй али бүхы үринүүдыень хүлисэн орхихо ёһотойбди.

Нэхэмьяа 13:23

Зарим иудейнүүд Ашдоодой, Аммооной, Моһаабай эхэнэрнүүдые һамга абанхай гэжэ тэдэ үдэрнүүдтэ харабаб.

Нэхэмьяа 13:25

Би эдэ хүнүүдые хараажа, хараал шэнгээжэ эхилээд, харин нэгэ хэдыень сохёод, үһыень зулгаабаб. Би тэдэнэртэ Бурханай урда тангариг абхуулаад, иигэжэ хэлэбэб: – Өөһэдынгөө басагадые тэдэнэй хүбүүдэй һамган болгуулхагүй, тэдэнэй басагадаар бэри хэхэгүй, өөһэдтөөшье абахагүйбди гээд тангариглагты!

Псалманууд 106:39

Харин бусад үсөөн болоно, дарлалтаһаа, гай тодхорһоо, зоболонһоо муудана.

Һошээ 1:2

Эзэн Һошээдэ анха түрүүн айладхажа эхилхэдээ, иигэжэ захирһан байна: – Энэ арад зон янхан эхэнэртэл адли угаа ехээр забхайран, Намһаа хадуураад байна. Яба, өөртөө забхай, үнэн шударга бэшэ эхэнэрые һамга болгон аба. Иимэрхүүл хүүгэдтэй болохош.

Левит 21:15

Муу эхэнэртэй ушараад, өөрынгөө үрэ өөрынгөө арад зон соо муу болгохо ёһогүй, юуб гэхэдэ, Би тэдэниие арюудхагша Эзэн гээшэб.

Нүүнэй Иисүүс 23:12

Хэрбээ таанарай буруу хараад, танай дунда үлэһэн арадуудта халдаа һаатнай, тэдээнтэй түрэл болоо һаатнай, тэдээндэ ябадаг болоо һаатнай, тэдээнэй танда ябадаг болоо һаа,

Нүүнэй Иисүүс 23:13

Эзэн, танай Бурхан тэдэ арадуудые танһаа үлдэхэгүй, тэдэ танда бугуули ба губшуур болохо, танай хабһанда ташуур, нюдэндэтнай адаалхай үбһэн болохо, Эзэнэй, танай Бурханай танда үгэһэн газарһаа таанар усадхагдахат.

Ударидагшад 14:3

Эсэгэ болон эхэнь тэрээнһээ иигэжэ һураба: – Манай бүхы арадай, мүн аха дүүнэрэй дундаһаа һамга абаха басаган шамда олдоногүй юм гү? Бэлгынгээ үзүүрыень отолуулдаггүй пилиштүүдэй басагые юундэ һамга абахаяа һанабаш? Самсоон эсэгэдээ иигэжэ харюусаба: – Тэрэ намда һайшаагдаа. Тэрэниие намда һамга хэхыемни асарагты!

Ударидагшад 3:5

Тиигээд лэ израильшууд ханаһаануудай, хээдүүдэй, эмооршуудай, пэриззиинүүдэй, хиивүүдэй болон евүүсүүдэй дунда ажаһууба.

Ударидагшад 3:6

Тэдэнэр һамга хэхэеэ тэдэнэй басагадые абаба. Тэдэнэр хүбүүдтэнь басагадаа хадамнаба. Тиихэдээ тэдэнэр тэдэ арадуудай бурхадта һүгэдэн мүргэдэг болобо.

Ударидагшад 8:27

Гидоон тэрэ алтаараа нэгэ эфод бүтээгээд, өөрынгөө Опраа хотодо тэрэнээ табиба. Тиихэдэнь бүхы израильшууд эфодтонь шүтэн мүргэжэ, тэндэ забхайралдажа эхилбэ. Тэрэ эфодынь Гидоондо болон тэрэнэй бүхы түрэлхидтэ занга болобо.